Lars Korvald
Lars Korvald | |||
![]() | |||
Fødd | 29. april 1916 Mjøndalen | ||
---|---|---|---|
Død | 4. juli 2006 (90 år) | ||
Statsborgar av | Noreg | ||
Parti | Kristeleg Folkeparti | ||
Yrke | politikar, embetsmann, skuleleiar, agronom, forkynnar | ||
Utdanna ved | Norges landbrukshøgskole | ||
Ektefelle | Ruth Aarny Korvald | ||
Medlem | Europarådets parlamentarikerforsamling | ||
Verv | Statsminister i Noreg 1972-1973 | ||
Føregangar | Trygve Bratteli | ||
Etterfylgjar | Trygve Bratteli | ||
Alle verv |
|
Lars Korvald (29. april 1916–4. juli 2006) var ein norsk politikar frå Kristeleg Folkeparti. Han var statsminister frå 18. oktober 1972 til 16. oktober 1973. Han var òg formann i Kristeleg Folkeparti, stortingsrepresentant frå 1961 til 1981 og Lagtingspresident.
Bakgrunn
[endre | endre wikiteksten]Korvald var fødd i Nedre Eiker kommune i Buskerud fylke. Han studerte på jordbrukslinja ved Noregs landbrukshøgskule i 1940-1943.[1]
Han var landbrukslærar ved Tomb jordbruksskole 1943-1948, og blei seinare rektor her frå 1952 til 1977. Mellom 1948 og 1952 var Korvald sjefskonsulent i Landslaget Norske Jordbruksklubber (seinare Norske 4-H).[1]
Politikk
[endre | endre wikiteksten]Lars Korvald si regjering etterfylgde Trygve Bratteli si fyrste regjering i 1972. Trygve Bratteli hadde sagt at regjeringa frå Arbeidarpartiet ville gå av om det vart nei- fleirtal i folkerøystinga om EF-medlemsskap. Då det vart nei-fleirtal og Bratteli si regjering gjekk av, danna Korvald ei regjering med stønad frå partia Venstre, Kristeleg Folkeparti og Senterpartiet. Ei viktig oppgåve for regjeringa var å forhandla fram ei norsk handelsavtale med EF. Mindretalsregjeringa til Korvald gjekk av i 1973, og Trygve Bratteli si andre regjering tok over.
Lars Korvald var fylkesmann i Østfold frå 1981 til 1986.[1]
Det var Lars Korvald som i 1972 tok den då 25 år gamle Kjell Magne Bondevik inn i rikspolitikken ved å gjera han til statssekretær ved statsministeren sitt kontor.
Prisar og utmerkingar
[endre | endre wikiteksten]- Deltakarmedaljen 1940-45
- Kong Olavs medalje 1957-82
- Kommandør av St. Olavs Orden, 1986[1]
Kjelder
[endre | endre wikiteksten]- ↑ 1,0 1,1 1,2 1,3 Korvald, Lars (1916-2006) ved stortinget.no.
- Einskildmenn
- Fødde i 1916
- Døde i 2006
- Norske statsministrar
- Regjeringa Korvald
- Leiarar for Kristeleg Folkeparti
- Stortingsrepresentantar for Østfold
- Stortingsrepresentantar frå KrF
- Stortingsrepresentantar 1961-1965
- Stortingsrepresentantar 1965-1969
- Stortingsrepresentantar 1969-1973
- Stortingsrepresentantar 1973-1977
- Stortingsrepresentantar 1977-1981
- St. Olavs Orden
- Deltakarmedaljen
- Fylkesmenn i Østfold
- Studentar ved Noregs landbrukshøgskule
- Folk frå Nedre Eiker