FC Magdeburg
![](http://upload.wikimedia.org/wikipedia/commons/thumb/f/f5/Bundesarchiv_Bild_183-1983-0604-014%2C_FDGB-Pokal%2C_Endspiel_1._FC_Magdeburg%2C_Mannschaftsfoto.jpg/220px-Bundesarchiv_Bild_183-1983-0604-014%2C_FDGB-Pokal%2C_Endspiel_1._FC_Magdeburg%2C_Mannschaftsfoto.jpg)
1. Fußballclub Magdeburg er ein fotballklubb frå Magdeburg i Tyskland, til 1991 i Aust-Tyskland, som vann Cupvinnarcupen i 1974.
FC Magdeburg vart skipa 22. desember 1965 då fotballavdelinga i SC Magdeburg vart skilt ut som ei eiga eining. Med unnatak for 1966/67-sesongen spelte klubben i DDR-Oberliga, toppdivisjonen i austtysk fotball, i tida frå 1960 til 1991. Klubben vart i den perioden seriemeister tre gongar og cupmeister sju gongar. Størst suksess hadde FC Magdeburg i Cupvinnarcupen 1974 med finalesiger 2-0 over AC Milan. Det var einaste gongen eit austtysk fotballag vann ein av dei store europacupane.
Etter at Aust-Tyskland og Vest-Tyskland vart samla (der Wende) spelte FC Magdeburg i regional amatør-fotball til 2015. Sidan hausten 2015 deltek klubben for fyrste gong i profesjonell fotball, på nivå tre i Bundesliga.
FC Magdeburg si heimebane sidan 2007, MDCC-Arena, har plass til 30 098 tilskodarar. Laget spelar i blå drakter, med kvite, vertikale striper på trøyene.
Merittar
[endre | endre wikiteksten]- Vinnar av Cupvinnarcupen: 1974
- Seriemeister i Aust-Tyskland: 1972, 1974 og 1975
- Cupmeister (FDGB-pokal) i Aust-Tyskland: 1964, 1965, 1969, 1973. 1978, 1979 og 1983
Kjelder
[endre | endre wikiteksten]- Denne artikkelen bygger på «1. FC Magdeburg» frå Wikipedia på tysk, den 18. september 2015.