Erki Nool

	Erki Nool
	;
Statsborgarskap	Sovjetunionen, Estland
Fødd	25. juni 1970 (54 år); Võru
Yrke	politikar, friidrettsutøvar, friidrettstrener, eiendomsutvikler
Språk	estisk
Høgd	184 centimeter
Politisk parti	Fedrelandsunionen, Isamaa
	Erki Nool på Commons

Erki Nool (fødd 25. juni 1970) er ein estisk politikar og tidlegare friidrettsutøvar frå Võru. Han vart europameister i tikamp i 1998 og olympisk meister i same øvinga i 2000. Nool var 2007-15 medlem av folkeforsamlinga i Estland, vald på programmet til den høgreorienterte Fedrelands- og folkeunionen.

Idrett

Nool var ein av dei fremste tikjemparane i verda frå midt på 1990-talet. Frå friidretts-VM 1995, då han kom på fjerdeplass med 8 268 poeng, var han medaljekandidat i alle dei store meisterskapane i ei tiårs tid. Med 8 667 poeng sikra han seg gullmedaljen då europameisterskapen fann stad i Budapest i 1998.

To år seinare opplevde Nool det absolutte høgdepunktet i si tid som idrettsutøvar. Under sommarleikane i Sydney hausten 2000 vann han gullmedaljen etter å ha oppnådd 8 641 poeng, 35 fleire enn Roman Šebrle frå Tsjekkia. Sigeren førte til at Nool vart ein folkehelt i Estland. Dei to dagane tikampøvinga føregjekk, hadde borna i Estland fri frå skulen, slik at dei kunne fylgje tikampen via fjernsynsskjermen. Då han kom heim frå Sydney, møtte kring 80 000 menneske opp i Tallinn for å hylle olympiameisteren.

Poengmessig gjorde Nool sin aller beste tikamp under VM 2001 i Edmonton. Han tok då sølvmedaljen med 8 815 poeng, tjekkiske Tomáš Dvořák vann med 8 902 poeng. I 2002 Nool vann ei ny sølvmedalje, også i friidretts-EM 2002 måtte han sjå ein tsjekkar framfor seg på resultatlista, førnemnde Roman Šebrle revansjerte seg for «tapet» i Sydney-OL.

Nools sterkaste tikjemp-grein var stavhopp, der han i ei tevling tok seg over 5,60 meter. Under Götzis-tikampen i 1995 var han beste lengedhoppar med eit hopp på 8,10 meter, framleis estisk rekord i lengde i 2015.

Medaljar og plasseringar i internasjonale meisterskap

OL 1992 i Barcelona: Braut
EM 1994 i Helsinki: Nr 10 – 7 953 poeng
VM 1995 i Göteborg: Nr 4 – 8 268 poeng
OL 1996 i Atlanta: Nr 6 – 8 543 poeng
VM 1997 i Aten: Nr 6 – 8 413 poeng
EM 1998 i Budapest: Gullmedalje – 8 667 poeng, framom Eduard Hämäläinen (8 587 p)
VM 1999 i Sevilla: Nr 14 – 7 568 poeng
OL 2000 i Sydney: Gullmedalje – 8 641 poeng, framom Roman Šebrle (8 606 p)
VM 2001 i Edmonton: Sølvmedalje – 8 815 poeng, bakom Tomáš Dvořák (8 902 p)
EM 2002 i München: Sølvmedalje – 8 438 poeng, bakom Roman Šebrle (8 800 p)
VM i 2003 i Paris: Braut
OL 2004 i Aten: Nr 8 – 8 235 poeng

Politikk

Frå 2007 til 2015 representerte Nool det konservative partiet Isamaa ja Res Publica Liit (Ferdelands- og folkeunionen) ved Riigikogu, det estiske parlamentet.

Kjelder

Denne artikkelen bygger på «Erki Nool» frå Wikipedia på tysk, den 13. september 2015.
Denne artikkelen bygger på «Erki Nool» frå Wikipedia på estisk, den 13. september 2015.