Det skotske riksvåpenet
![](http://upload.wikimedia.org/wikipedia/commons/thumb/b/bd/Royal_Arms_of_the_Kingdom_of_Scotland.svg/170px-Royal_Arms_of_the_Kingdom_of_Scotland.svg.png)
Det skotske riksvåpenet viser ei raud løve på gul bakgrunn. Dette våpenet er i dag brukt på det skotske kongeflagget og er ein del av det britiske riksvåpenet. I Skottland har dette riksvåpenet den raude løva i første og fjerde feltet og det engelske riksvåpenet er i det andre feltet, med ein einhyrning til venstre og ei løve til høgre for skjoldet som skjoldhaldarar. I resten av Storbritannia står skjoldhaldarane motsett, og det skotske våpenet er i det andre feltet, oppe til høgre.
Fram til 1603, då Skottland kom i personalunion med England og Irland, var den raude løva hovudsymbolet i riksvåpenet. Jakob VI av Skottland og I av England innførte element frå det engelske, det irske og det franske riksvåpenet; dette siste fordi den engelske krona framleis gjorde krav på Frankrike. Jakob brukte ulike versjonar av skjoldet i Skottland og England, ein skilnad som har halde seg fram til våre dagar.
-
Riksvåpenet til kongeriket Skottland før 1603
-
Den skotske varianten av Det britiske riksvåpenet
-
Variant som vert nytta av den britiske statsforvaltinga i Skottland.
-
Dronninga fører Skottlands riksbanner
Kjelder
[endre | endre wikiteksten]- Denne artikkelen bygger på «Royal coat of arms of Scotland» frå Wikipedia på engelsk, den 10. november 2011.