Derek Walcott
Derek Walcott | |
![]() | |
Statsborgarskap | Saint Lucia |
Fødd | 23. januar 1930 Castries |
Død |
17. mars 2017 (87 år) |
Yrke | lyrikar, skodespelforfattar, skribent, prosaforfatter |
Språk | engelsk |
Ektefelle | Fay Moston, Margaret Maillard, Norline Metivier |
![]() | |
Derek Walcott på Commons |
Derek Alton Walcott (23. januar 1930–17. mars 2017) er ein karibisk forfattar som skriv dikt og skodespel. Han blei tildelt Nobelprisen i litteratur i 1992.
Bakgrunn
[endre | endre wikiteksten]Walcott var son av Warwick Walcott og Alix Maarlin. Han var fødd i Castries, hovudstaden på Saint Lucia, som tvilling til Roderick Walcott. Dei hadde også ei syster, Pamela. Begge foreldra var lærarar og høyrde til metodistminoriteten på øya.[1] Dei var også interesserte i kunst; faren skreiv dikt og dreiv med akvarellmåling og mora delte ofte poesi med barna. Faren døydde berre 31 år gammal, då Walcott var svært ung.[2] Mora livnærte familien som lærar og sydame.[2]
Som ung lærte Walcott å måla av målaren Harold Simmons.[3] Han fann inspirasjon hjå Simmons og tidlegre kunstnarar som Cézanne og Giorgione.[2]
Han fekk stipend til å studera ved University College of the West Indies i Kingston på Jamaica.[4] Etter å ha gått ut frå universitetet flytta Walcott til Trinidad i 1953, der han verka som lærar, kritikar og journalist.[4]
Virke
[endre | endre wikiteksten]![](http://upload.wikimedia.org/wikipedia/commons/thumb/a/aa/Derek_Walcott_-_Omeros.jpg/220px-Derek_Walcott_-_Omeros.jpg)
![](http://upload.wikimedia.org/wikipedia/commons/thumb/f/f0/Derek_Walcott%2C_VIII_Festival_Internacional.jpg/220px-Derek_Walcott%2C_VIII_Festival_Internacional.jpg)
Walcott gav ut sitt første dikt som fjortenåring, eit miltonsk religiøst dikt som han fekk på trykk i avisa The Voice of St Lucia. Diktet blei kritisert som blasfemisk i ein engelsk katolsk prest i same avis.[2] Atten år gammal debuterte Walcott med ei sjølvutgjeven diktsamling med økonomisk støtte frå mora.[2] Gjennombrotet hans kom med In a Green Night, som kom ut i 1962. Samlinga tek for seg historia til Karibia i ein koloniell og postkoloniell kontekst..[5] Diktinga hans er generelt prega av den valdsame karibiske historia, med slaveri og undertrykking. Walcott bruker òg mykje symbolikk frå myter sett i samanheng med samfunnet, som i det episke diktet Omeros (1990), der han omarbeider Oddysséen av Homer til å finna stad i Karibia, London og den amerikanske vesten.
Forfattaren var også ein aktiv dramtikar. Han skipa Trinidad Theatre Workshop i 1959 og blei verande aktiv i styret for teateret i fleire tiår.[6][7] Han vekte internasjonal merksemd med skodespelet Dream on Monkey Mountain (1970). Det blei produsert på NBC-TV i USA året det kom ut, og sett opp av Negro Ensemble Company off-Broadway i New York City året etter. Stykket vann Obie-prisen for «beste utanlandske skodespel».[8] Året etter blei han utnemnd til offiser av Den britiske imperieordenen (OBE) for arbeidet sitt.[9]
Derek Walcott blei tilsett som lærar ved Universitetet i Boston, der han skipa Boston Playwrights' Theatre i 1981. Han delte tida si mellom Boston og reiser til Karibia og andre stader fram til han gjekk av med pensjon i 2007. I 2009 blei han scholar-in-residence ved Universitetet i Alberta. I 2010 blei han Professor of Poetry ved Universitetet i Essex.[10]
Walcott samarbeidde i 1997 med Paul Simon om musikalen The Capeman, som tek opp tilværet for ein puertoricanar som har flytta til USA.
I høve sjølvstendedagen til St Lucia i februar 2016 blei sir Derek Walcott utnemnd til ein av dei første riddarane av Saint Lucia-ordenen.[11]
Personleg liv
[endre | endre wikiteksten]Walcott gifta seg med sekretæren Fay Moston i 1954. Dei fekk ein son, Paul, men skilde seg etter to år.[12] Han gifta seg opp att med Margaret Maillard, som var sjelesørgar på eit sjukehus. Dei fekk to døtrer, Elizabeth og Anna, og skilde lag på midten av 1970-talet.[12] I 1976 inngjekk Walcott sitt tredje ekteskap, Norline Metivier, men også dette ende med skilsmål.[12]
Walcott døydde 87 år gammal, heime på Cap Estate på St. Lucia den 17. mars 2017.[13]
Prisar og utmerkingar
[endre | endre wikiteksten]- 1969 Cholmondeley Award
- 1971 Obie Award for beste utanlandske skodespel (for Dream on Monkey Mountain)
- 1972 Officer of the Order of the British Empire[9]
- 1981 MacArthur Foundation Fellowship
- 1988 Queen's Gold Medal for Poetry
- 1990 Arts Council of Wales International Writers Prize
- 1990 W. H. Smith Literary Award (for Omeros)
- 1992 Nobelprisen i litteratur
- 2004 Anisfield-Wolf Book Award for Lifetime Achievement[14]
- 2008 Honorary doctorate from the University of Essex
- 2011 T. S. Eliot Prize (for diktsamlinga White Egrets)[15]
- 2011 OCM Bocas Prize for Caribbean Literature (for White Egrets)
- 2015 Griffin Trust For Excellence In Poetry Lifetime Recognition Award
- 2016 Knight Commander of the Order of Saint Lucia
Verk
[endre | endre wikiteksten]- Diktsamlingar
- 1948 25 Poems
- 1949 Epitaph for the Young: Xll Cantos
- 1951 Poems
- 1962 In a Green Night: Poems 1948—60
- 1964 Selected Poems
- 1965 The Castaway and Other Poems
- 1969 The Gulf and Other Poems
- 1973 Another Life
- 1976 Sea Grapes
- 1979 The Star-Apple Kingdom
- 1981 Selected Poetry
- 1981 The Fortunate Traveller
- 1983 The Caribbean Poetry of Derek Walcott and the Art of Romare Bearden
- 1984 Midsummer
- 1986 Collected Poems, 1948–1984
- 1987 "Central America"
- 1987 The Arkansas Testament
- 1990 Omeros
- 1997 The Bounty
- 2000 Tiepolo's Hound, med akvarellar av Walcott
- 2004 The Prodigal
- 2007 Selected Poems (valde ut, redigerte og med introduksjon av Edward Baugh)
- 2010 White Egrets
- 2014 The Poetry of Derek Walcott 1948–2013
- Skodespel
- (1950) Henri Christophe: A Chronicle in Seven Scenes
- (1951) Harry Dernier: A Play for Radio Production
- (1953) Wine of the Country
- (1954) The Sea at Dauphin: A Play in One Act
- (1957) Ione
- (1958) Drums and Colours: An Epic Drama
- (1958) Ti-Jean and His Brothers
- (1966) Malcochon: or, Six in the Rain
- (1967) Dream on Monkey Mountain
- (1970) In a Fine Castle
- (1974) The Joker of Seville
- (1974) The Charlatan (play)|The Charlatan
- (1976) O Babylon!
- (1977) Remembrance
- (1978) Pantomime
- (1980) The Joker of Seville and O Babylon!: Two Plays
- (1982) The Isle Is Full of Noises
- (1984) The Haitian Earth
- (1986) Three Plays: The Last Carnival, Beef, No Chicken, and A Branch of the Blue Nile)
- (1991) Steel
- (1993) Odyssey: A Stage Version
- (1997) The Capeman (bok og songtekstar, begge i samarbeid med Paul Simon)
- (2002) Walker and The Ghost Dance
- (2011) Moon-Child
- (2014) O Starry Starry Night
- Andre utgjevingar
- (1990) The Poet in the Theatre, Poetry Book Society (London)
- (1993) The Antilles: Fragments of Epic Memory Farrar, Straus (New York)
- (1996) Conversations with Derek Walcott, University of Mississippi (Jackson, MS)
- (1996, med Joseph Brodsky og Seamus Heaney) Homage to Robert Frost, Farrar, Straus (New York)
- (1998) What the Twilight Says (essaysamling), Farrar, Straus (New York, NY)
- (2002) Walker and Ghost Dance, Farrar, Straus (New York, NY)
- (2004) Another Life: Fully Annotated, Lynne Rienner Publishers (Boulder, CO)
- (2016) Morning, Paramin Derek Walcott; illustrert av Peter Doig, Farrar, Straus (New York, NY)
Kjelder
[endre | endre wikiteksten]- ↑ Grimes, William (17 March 2017). «Derek Walcott, Poet and Nobel Laureate of the Caribbean, Dies at 87». New York Times. Henta 18 March 2017.
- ↑ 2,0 2,1 2,2 2,3 2,4 "Derek Walcott, The Art of Poetry No. 37", The Paris Review Winter 1986
- ↑ «Folk Research Centre - St. Lucia Folk Personalities».
- ↑ 4,0 4,1 British Council. «Derek Walcott – British Council Literature». contemporarywriters.com.
- ↑ "Derek Walcott", Poetry Foundation.
- ↑ "Derek Walcott", Academy of American poets
- ↑ Als, Hilton (17 March 2017). «Derek Walcott - a mighty poet has fallen». The New Yorker. Henta 18 March 2017.
- ↑ Obie Award Listing: Dream on Monkey Mountain, InfoPlease
- ↑ 9,0 9,1 Encaenia and Honorary degrees 2006, arkivert frå originalen 17. desember 2010, henta 18. mars 2017
- ↑ «Nobel Laureate Derek Walcott is new Professor of Poetry». University of Essex. 11 December 2009. Arkivert frå originalen 2. mai 2017. Henta 10 January 2010.
- ↑ «List of awards to be given on Independence Day». St Lucia News Online. 22 February 2016. Arkivert frå originalen 3. desember 2020. Henta 22 February 2016.
- ↑ 12,0 12,1 12,2 Wroe, Nicholas. «The laureate of St Lucia». The Guardian. Guardian News and Media Limited. Henta 17 March 2017.
- ↑ «Derek Walcott has died». St. Lucia Times. 17 March 2017. Arkivert frå originalen 18. mars 2017. Henta 17 March 2017.
- ↑ "Derek Walcott, 2004 – Lifetime Achievement", Winners – Anisfield-Wolf Book Award.
- ↑ Charlotte Higgins, "TS Eliot prize goes to Derek Walcott for 'moving and technically flawless' work", The Guardian, 24 January 2011.
- Delar av denne artikkelen bygger på «Derek Walcott» frå Wikipedia på engelsk, den 18. mars 2017.