Country Songs for City Folks

Country Songs for City Folks Studioalbuum av Jerry Lee Lewis
Utgjeve	1965
Innspelt	Nashville i Tennessee
Sjanger	Country
Lengd	32:21
Selskap	Smash
Produsent	Shelby Singleton
Jerry Lee Lewis-kronologi
The Return of Rock (1965)	Country Songs for City Folks	Memphis Beat (1966)

Country Songs for City Folks er eit studioalbum av Jerry Lee Lewis som kom ut på Smash i 1965.

Bakgrunn

Etter at Lewis forlét Sun Records i 1963 til fordel for Smash, byrja det som ofte er blitt kalla «villmarksåra» hans, der han konstant turnerte og produserte album som selde dårleg. I 1965 valde produsentane Shelby Singleton og Jerry Kennedy å spele inn eit countryalbum med Lewis kalla Country Songs for City Folks. Songane var versjonar av nyare countrysongar som avveik lite frå originalversjonane. Tidleg i 1960-åra hadde countrystjerner som Marty Robbins, som gav ut Gunfighter Ballads and Trail Songs i 1959, og Lewis sin tidlegare Sun-kollega Johnny Cash, byrja å gje ut ei rekkje album med eit tema, frå og med Ride This Train i 1960. Dei danna eit slags «konseptalbum» innan country og dette skulle Lewis no prøve seg på.

Innspeling

Joe Bonomo skreiv i boka si Jerry Lee Lewis: Lost and Found at årsaka til at det ikkje var originale songar på albumet kom av at ingen låtskrivarar banka på døra hans på grunn av det dårlege platesalet han hadde hatt. Albumet syner likevel framover mot countrystjerna Lewis skulle bli seinare i tiåret. Country Songs for City Folks er kanskje best hugsa for å ha introdusert Tom Jones for songen «Green Green Grass of Home». Etter han høyrde Lewis sin versjon, gjekk han sjølv i studio og spelte inn sin eigen versjon, som vart ein stor internasjonal hit.

Jerry Lee si yngre syster, Linda Gail Lewis, syng på «North to Alaska».

Mottaking

Country Songs for City Folks gjekk ikkje inn på Billboard-lista, men nådde 39. plassen på countryalbumlista då det kom ut igjen under tittelen All Country fire år seinare. Bruce Eder frå AllMusic kallar det «eit forbløffande bra country album», og plukka ut Willie Nelson sin «Funny How Time Slips Away» og Hank Thompson sin «The Wild Side of Life» som høgdepunkta.

Innhald

Side A

Nr.	Tittel	Låtskrivar(ar)	Lengd
1.	«Green Green Grass of Home»	Curly Putman	2:43
2.	«Wolverton Mountain»	Merle Kilgore Claude King	2:59
3.	«Funny How Time Slips Away»	Willie Nelson	2:58
4.	«North to Alaska» (med Linda Gail Lewis)	Tillman Franks	2:01
5.	«The Wild Side of Life»	A.P. Carter William Warren	3:12
6.	«Walk Right In»	Gus Cannon Hosea Woods	2:09

Side B

Nr.	Tittel	Låtskrivar(ar)	Lengd
1.	«City Lights»	Bill Anderson	2:28
2.	«Ring of Fire»	June Carter Cash Kilgore	2:17
3.	«Detroit City»	Danny Dill Mel Tillis	2:47
4.	«Crazy Arms»	Ralph Mooney Chuck Seals	2:31
5.	«King of the Road»	Roger Miller	2:16
6.	«Seasons of My Heart»	George Jones Darrell Edwards	4:00

Kjelder

• Denne artikkelen bygger på «Country Songs for City Folks» frå Wikipedia på engelsk, den 15. august 2017.
  • Wikipedia på engelsk oppgav desse kjeldene: