Brentwood i Essex
Brentwood | ||
---|---|---|
![]() | ||
Plassering | ||
Styresmakter | ||
Land | ![]() | |
Konstituerande land | ![]() | |
Grevskap | Essex | |
Distrikt | Brentwood | |
Geografi | ||
Innbyggjarar - By (2001) |
71 500 | |
Koordinatar | 51°37′N 0°18′E / 51.617°N 0.300°E | |
Diverse annan informasjon | ||
Postnummer | CM14, CM15 | |
Telefon-retningsnummer | 0 1277 | |
Brentwood er ein by i Essex i England. Han har gjeve namn til og er administrasjonssenter for distriktet Brentwood, og ligg innanfor pendlarbeltet til London, 32 km nordaust for Charing Cross og like ved ringvegen M25.
Det er ein typisk forstad til London, med eit lite handleområde og ei hovudgate. Utanfor sentrum har bustadområde spreidd seg ut i det som tidlegare var landsbygd og skogområde. Byen er kjent for privatskulen Brentwood School. Ei rekkje selskap held til på industriområde i byen.
Byen fekk i 1990-åra rykte på seg for å vere den kjedelegaste byen i England. Dette oppstod då David McClucky, bestyraren for Brentwood Theatre, sa til ein lokal journalist at «det er vanskeleg å trekkje fram noko interessant om Brentwood» som kunne feirast i ein komande festival. Han skal seinare ha forklart at han meinte at det var vanskeleg å trekkje ut ein ting frå dei mange historiske hendingane som har funne stad der. Men skaden var skjedd, og vart ikkje mindre då nokon fann ut at «Bored town» er eit anagram for Brentwood.
Kjelder
[endre | endre wikiteksten]- Denne artikkelen bygger på «Brentwood (Essex)» frå Wikipedia på bokmål, den 16. juli 2011.