Amanda Ooms

Amanda Ooms
Statsborgarskap	Sverige
Fødd	5. september 1964 (60 år) Kråksmåla församling
Yrke	skodespelar, kunstnar, filmskodespelar
Språk	svensk
Far	Cornelis Ooms
Partnar	Jan Henrik Engström, Joakim Thåström
Nettstad	https://www.ooms.se/
Amanda Ooms på Commons

Amanda Francisca Ooms (fødd 5. september 1964) er ein svensk skodespelar.

Biografi

Far til Ooms er fødd i Nederland, og Ooms voks opp på ulike stader i Sverige og Europa. Som ung fekk ho kontakt med Suzanne Osten og hamna i hennar teaterkollektiv i Stockholm. Ooms filmdebuterte i ein film av Osten, nemleg Bröderna Mozart frå 1986. Neste film ho spelte i var den norske Hotel St. Pauli frå 1988.

I 1989 spelte Ooms den kvinnelege hovudrolla i den norske filmen Karachi av Oddvar Einarson, m.a. saman med Jon Eikemo. Filmen handla om narkotikahandel til Noreg frå Karachi i Pakistan. Ooms vann Amandaprisen for 1989 i klassen beste kvinnelege hovudrolle for filmprestasjonen.

På 1990-talet tok Ooms sin karriere internasjonale dimensjonar, og ho har m.a. spelt med Donald Sutherland og Alan Rickman. I tillegg til skodespelarkarrieren er Amanda Ooms både kunstnar, forfattar og omsetjar. Ho har sjølv gjeve ut to romanar, og ho har sett om fleire skodespel til svensk.

Kjelder

• Denne artikkelen byggjer på «Amanda Ooms» frå Wikipedia på svensk, den 22. november 2011.
• Artikkelen byggjer også på «Karachi (film)» frå Wikipedia på bokmål, den 22. november 2011.