Nedre Glomma

Nedre Glomma er eit interkommunalt samarbeidsområde og distrikt i den sørlege delen av Østfold fylke som omfattar dei tre kommunane Hvaler, Fredrikstad og Sarpsborg. Distriktet som heile har eit areal på 783 kvadratkilometer , 129 147 innbyggjarar (1. juli 2009), og ligg ved utløpet av landets lengste elv, Glomma.

Tettstaden Fredrikstad-Sarpsborg utgjer landets femte største samanhengjande tettstadområde med 101 698 innbyggjarar (1. januar 2009) som fordeler seg på dei to byane.

Administrative inndelingar

• Kommunane deltek i regionrådet Nedre Glomma.
• Distriktet utgjer næringsregionen Nedre Glomma (NHO).
• Sarpsborg høyrer til Sarpsborg tingrett under Borgarting lagmannsrett, og Sarpsborg prosti under Borg bispedømme i Den norske kyrkja.
• Fredrikstad og Hvaler høyrer til Fredrikstad tingrett under Borgarting lagdømme, og Fredrikstad Domprosti under Borg bispedømme.