Antonio Benarrivo
![]() Benarrivo i 1993 | |||
Personleg informasjon | |||
---|---|---|---|
Fullt namn | Antonio Benarrivo | ||
Fødselsdato | 21. august 1968 (55 år) | ||
Fødestad | Brindisi | ||
Høgd | 170 cm | ||
Posisjon | Forsvarsspelar | ||
Seniorkarriere* | |||
År | Lag | Kampar | (Mål) |
1986-1989 | Brindisi FC | 76 | (2) |
1989-1991 | Padova | 69 | (7) |
1991-2003 | Parma | 258 | (5) |
Totalt | 327 | (14) | |
Landslag | |||
1993-1997 | Italia | 23 | (1) |
* Seniorklubbkampar og mål berre telt for nasjonal liga |
Antonio Benarrivo (fødd 21. august 1968) er ein italiensk tidlegare fotballspelar frå Brindisi. Han var ein offensiv sideback på Italia sitt lag i VM-finalen 1994 og vann to internasjonale cupturneringar og to nasjonale pokalar med Parma FC.
Karriere
[endre | endre wikiteksten]Klubbspel
[endre | endre wikiteksten]Benarrivo var aktiv med Serie C-laget Brindisi frå 1986 til han 1989 fekk kontrakt med Padova i Serie B. I 1991 vart han overført til Parma FC i toppdivisjonen. Her hadde han stor suksess, med triumfar i den nasjonale cupen i 1992 og cupvinnarcupen 1993. To år seinare var med å vinne UEFA-cupen 1995, etter to finaleskåringar av lagkamerat Dino Baggio mot Juventus. I 1999 mista Benarrivo plassen i fyrsteellevaren og fekk såleis ikkje med Parma-sigrane i den italienske cupen og i UEFA-cupen same våren. Sidan vart det mykje benkesliting til han la opp i 2004, men han fekk seg 2002-finalen i den italienske cupen der det vart Parma-tap 1-3 mot Juventus.
Landslagsspel
[endre | endre wikiteksten]Benarrivo spelte 23 kampar for Italia i tida 1993-97, utan å skåre mål. Bortsett frå Italias fyrste kamp i VM i fotball 1994 i USA, spelte han alle VM-kampane frå og med 1-0 sigeren over Noreg, til den mållause VM-finalen mot Brasil som enda med tap i straffeskytinga.
Merittar
[endre | endre wikiteksten]- VM-sølv: 1994 for Italia[1]
- Vinnar av cupvinnarcupen: 1993 med Parma FC
- Vinnar av UEFA-cupen: 1995 med Parma FC
- Italiensk cupmeister: 1992 med Parma FC[2]
Kjelder
[endre | endre wikiteksten]- ↑ «Che fine hanno fatto? Benarrivo, dalla fascia al cantiere» (på italiensk). Sky.it. 22. mars 2011. Arkivert frå originalen 4. mars 2016. Henta 26. januar 2015.
- ↑ «Antonio Benarrivo». Henta 26. januar 2015.
- Denne artikkelen bygger på «Antonio Benarrivo» frå Wikipedia på engelsk, den 21. oktober 2018.