Monika Pyrek

Monika Pyrek
Statsborgarskap	Polen
Fødd	11. august 1980 (44 år) Gdynia
Idrett	friidrett
Tok del i	Sommar-OL 2012, Sommar-OL 2008, Sommar-OL 2004, Sommar-OL 2000
Utmerkingar	ridder av ordenen Polonia Restituta

Monika Zofia Pyrek (fødd 11. august 1980) er ein polsk tidlegare friidrettsutøvar frå Gdynia som vann sølvmedaljen i stavhopp under VM 2005, EM 2006, VM 2009 og VM-bronsen i 2001.

Aktiv

Pyrek kneip bronsen i stavtevlinga i VM 2001 då ho klarte 4,55 meter i fyrste forsøk. Like høgt hoppa ho i VM 2003 og Sommar-OL 2004, noko som resulterte i fjerdeplassar begge gongane. Både i VM 2005 og EM 2006 sikra ho seg sølvmedaljen, den suverene verdseinaren Jelena Isinbajeva kunne ho ingenting gjere med.

I VM-finalen 2007 forbetra Pyrek sitt personbeste til 4,75 m, men ettersom ho måtte ha tre forsøk på høgda måtte ho ta ti takke med fjerdeplassen. Under IAAF-finalane i Stuttgart i slutten av september same året sette ho sin endelege personlege rekord med eit hopp 4,82 m og vart nummer to, som i verdsmeisterskapen vann Isinbajeva. Etter femteplass i Sommar-OL 2008 vann Pyrek ein sølvmedalje i i Berlin-VM 2009, der landskvinna Anna Rogowska vart verdsmeister.

Medaljar og plasseringar i internasjonale meisterskap

• EM 1998 i Budapest: Nr 7 – 4,15 m
• OL 2000 i Sydney: Nr 7 – 4,40 m
• VM 2001 i Edmonton: Bronsemedalje – 4,55 m
• EM 2002 i München: Utslått i kvalifiseringa (4,30 m=nr 13)
• VM 2003 i Paris: Nr 4 – 4,55 m
• OL 2004 i Aten: Nr 4 – 4,55 m
• VM 2005 i Helsinki: Sølvmedalje – 4,60 m, bakom Jelena Isinbajeva (5,01 m)
• EM 2006 i Göteborg: Sølvmedalje – 4,65 m, bakom Jelena Isinbajeva (4,85 m)
• VM 2007 i Osaka: Nr 4 – 4,75 m
• OL 2008 i Beijing: Nr 5 – 4,70 m
• VM 2009 i Berlin: Sølvmedalje – 4,65 m, bakom Anna Rogowska (4,75 m)
• VM 2011 i Daegu: Nr 10 – 4,50 m
• EM 2012 i Helsinki: Utslått i kvalifiseringa (4,35 m=nr 13)
• OL 2012 i London: Utslått i kvalifiseringa (4,40 m=nr 15)

Kjelder

• Denne artikkelen bygger på «Monika Pyrek» frå Wikipedia på engelsk, den 8. august 2019.

• Denne artikkelen bygger på «Monika Pyrek» frå Wikipedia på tysk, den 8. august 2019.