Geometris
![](http://upload.wikimedia.org/wikipedia/commons/thumb/1/13/Teorema_de_desargues.svg/220px-Teorema_de_desargues.svg.png)
![](http://upload.wikimedia.org/wikipedia/commons/thumb/2/22/Hypercube.svg/190px-Hypercube.svg.png)
Geometri ya'ia da'ö sambua gangolifa moroi ba wamahaö matematika sifakhai ba ngawalö wanofu sifakhai ba zikhala ma bentuk. Samösa gere matematika sohalöŵö ba geometri lakaoni faoma fanguma'ö ere geometri ma ahli geometri. Geometri andre tefatumbu'ö ia molo'ö fangalui ngawalö zinöndra ba wanofu sifakhai ba wangerai simane fa'anau, fa'ebolo ba ha'aoya nösi zisambua mbotoŵa, faoma famahaö moroi ba wamahaö matematika formal si'onarai ba Barat sedini Thales (abad 6 SM). Ba abad si-3 SM geometri lafaogö ia bakha ba aksiomatik ni Euclid, nituhendreni moroi khö geometri Euclid, si no tobali dane-dane ba ngawalö zifakhai ba wangerai geometri. Archimedes zangebolo'ö lala wangerai da'a ba wangalui ha wa'ebolo ba ha wa'oya nösi zi sambua nahia. Da'a ifalua tenga ha sambua lala, no itörö lala soya ba wamagölö famahaö andre ba kalkulus integral si no oi la'ila niha ba ginötö iada'a. Angolifa astronomi, si'oföna sibai ba wogoligö wetaro ndröfi ba dalumbanua ba wamaehagö gamakhaita ngawalö hadia ia zi so ba dalumbanua, he fa'ebolo, fa'ebua ba tanöbö'önia. Da'a moguna sibai sitobali dane-dane gumbu ba ngawalö zinofu sifakhai ba geometrik ba zi sambua ma ba zimatonga milenium. Sidombua geometri faoma astronomi andre no tobali dane-dane ba dunia klasik wa no sitobali angolifa moroi ba Quadrivium, subset moroi ba zi fitu seni liberal moguna sibai ena'ö oi la'ila dozi niha.
Fangi'ila moroi ba wamahaö sifakhai ba koordinat ni'olohesi René Descartes ba sifao ba wa'atohude wangi'ila angolifa aljabar, no möi sitobali böröta khö geometri, me sangolohesi geometris andre, simane kurva pesawat, na iada'a tola tesalahini moroi ba wamareso sabölö ma analitis, ya'ia da'ö faoma fungsi mazui persamaan. Hulö da'a mbörö wa te'ila wamahaö kalkulus ba abad si-17. Aefa da'ö, teori perspektif mamaehagö wa so abölö oya geometri tenga ha börö me sikhala numero so khönia, perspektif tefa'aso ia moroi ba geometri proyektif. Tandrösa geometri andre nomöi famanöi wangi'ila moroi ba wamahaö nifotöi struktur intrinsik benda geometris nifa'aso moroi Euler faoma Gauss ba hiza tobali dane-dane ba wangahaogö topologi faoma geometri diferensial.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.