रेडसिफ्ट
स्वरूप
कुनै आकाशीय पिण्ड पृथ्वीतिर नजिकिँँदै छ वा पृथ्वीबाट टाढिँदैछ भन्ने पत्ता लगाउन खगोलविद्हरू ती पिण्डबाट निस्कने प्रकाशको रंगको वैज्ञानिक परीक्षण गर्ने गर्छन्। कुनै पिण्ड पृथ्वीबाट टाढिँदै जाँदा पृथ्वीबाट हेर्दा ती पिण्डबाट निस्कने प्रकाशमा रातोपनको मात्रा बढी हुने गर्छ। यस खगोलीय प्रक्रियालाई वैज्ञानिक भाषामा 'रेडसिफ्ट' भन्ने गरिन्छ। सन् १९२० को दशकमा एडविन हबल र उनका सहकर्र्मीले धेरैजसो आकाशगंगा (ग्यालेक्सिज) ले यस प्रकारको 'रेडसिफ्ट' प्रक्रिया प्रदर्शन गर्ने गरेको पाएका थिए। उनीहरूका अनुसार 'रेडसिफ्ट'को मात्रा पृथ्वी नजिकको भन्दा टाढाका आकाशगंगामा बढी हुने गर्छ। यिनै अवलोकनका आधारमा एडविन हबल र उनका सहकर्र्मीले ब्रह्माण्ड निरन्तर विस्तार भइरहेको (एक्सपायन्डिङ) छ भन्ने निष्कर्ष निकालेका थिए।
सन्दर्भ सामग्री
[सम्पादन गर्नुहोस्]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
विकिमिडिया कमन्समा रेडसिफ्ट सम्बन्धी अन्य सामग्रीहरू रहेका छन्।