Zeppelin
![](http://upload.wikimedia.org/wikipedia/commons/thumb/3/35/Hindenburg_at_lakehurst.jpg/220px-Hindenburg_at_lakehurst.jpg)
En Zeppelin oder Luchtschipp is en Fohrtüüch, wat lichter as Lucht is. Anners as bi’n Ballon kann de Zeppelin ok aktiv stüürt warrn.
De Zeppelin besteiht to’n gröttsten Deel ut en groten Sack oder en mit Stoff bespannt Gerüst, wo en Gaas binnen is, dat lichter is as de Lucht. Dat sünd to’n Bispeel Waterstoff oder vunwegen de Füürgefohr vun Waterstoff Helium, wat en beten sworer is. Waterstoff opgeven hebbt se in de 1930er Johren, sünners, nadem de Hindenburg 1936 in Lakehurst afbrennt is. Ünnen ünner den Gaassack hängt ene Gondel, dor is de Fracht oder de Passagiere binnen. Achtern hett de Zeppelin Propellers, dat he manövreren kann.
Praktisch sünd de Zeppeline na dat Opkamen vun Flegers un Heevschruvers kuum noch vun Bedüden. Se warrt vör allen för Warf oder för Tourn mit Touristen bruukt. Dat geev Plaans wedder Zeppeline för Fracht to bruken, doch de 1996 grünnte Cargolifter AG is 2002 wedder insolvent wesen.