William Hurt
![](http://upload.wikimedia.org/wikipedia/commons/thumb/f/f4/History_of_Violence_002_%287271227040%29.jpg/220px-History_of_Violence_002_%287271227040%29.jpg)
William Hurt (* 20. März 1950 in Washington D.C.; † 13. März 2022 in Portland, Oregon[1]) weer en US-amerikaanschen Schauspeler.
Loopbahn
[ännern | Bornkood ännern]Hurt hett sien Utbilln to’n Schauspeler tosamen mit Christopher Reeve un Robin Williams an de Juilliard School maakt, de to de Tiet vun den fröheren Schauspeler John Houseman leidt weer. Disse dree weern 1973 de eenzigen dree Kandidaten, de de Opnahmeprüfung bestahn hebbt. Bi all den Spood, den he mit sien Filmrullen harr, is he liekers jümmer ok bi’t Theater bleven. He harr Spood an’n Broadway un ok an’n Off-Boradway. De Hööchpunkt vun sien Filmloopbaahn weer in de 1980er Johren. As de Rullen, de em anboden weern, an Bedüden verloren harrn, hett sik Hurt wedder vör allen op’t Theater kunzentreert.
Privatleven
[ännern | Bornkood ännern]Vun 1971 bit 1982 weer he mit Mary Beth Hurd verheiraat. Twüschendör hett he mit de höörlosen Schauspelersche Marlee Matlin tosamenleevt, de em in eher Autobiografie „I’ll Scream Later“ vun 2009 naseggt hett, dat he dull weer un sik sexuell an ehr vergahn harr. Mit sien tweete Ehfro Heidi Henderon weer he vun 1989 bit 1992 verheiraat. Mit ehr hett he twee Kinner, en wieter’t Kind hett he ut en Leefschop mit en Sarah Jennigs. Vun 1992 bit 1997 hett he mit de franzööschen Schauspelersche Sandrine Bonnaire tohopen leeft, mit de he ok en Kind hett.
Filmografie
[ännern | Bornkood ännern]Utteken
[ännern | Bornkood ännern]Hurt weer in sien Loopbahn bi’n Film för meist dörtig Priesen vörslahn un hett dörteihn Priesen wunnen, dorünner eenmol den Oscar. Wunnen hett he ünner annern:
- 1985: den NBR Award in de Kategorie Best Schauspeler för Kiss of the Spider Woman
- 1985: bi’t Filmfestival in Cannes in de Kategorie Best Schauspeler för Kiss of the Spider Woman
- 1986: den BAFTA Award in de Kategorie Best Dorsteller för Kiss of the Spider Woman
- 1986: den Oscar in de Kategorie Best Hööftdorsteller för Kiss of the Spider Woman
- 1986: den Joseph-Plateau-Filmprijs in de Kategorie Best Schauspeler
- 1986: den David di Donatello Filmpries in de Kategorie Best utlännsch Dorsteller för Kiss of the Spider Woman
- 1987: den ALFS Award in de Kategorie Schauspeler vun’t Johr för Kiss of the Spider Woman
- 1989: den Golden Horse Ward in de Kategorie Best utlännsch Schauspeler för The Accidental Tourist
- 1999: bi’t Newport International Film Festival in de Kategorie Best Dorsteller för The Big Brass Ring
- 2005: den NYFCC Award in de Kategorie Best Nevendorsteller för A History of Violence
Weblenken
[ännern | Bornkood ännern]- William Hurt in de Internet Movie Database (engelsch)
- Literatur vun un över Wililam Hurt in de Düütschen Natschonalbökeree
- ↑ Mike Barnes: William Hurt, Star of ‘Body Heat,’ ‘Kiss of the Spider Woman’ and ‘Broadcast News,’ Dies at 71. In: The Hollywood Reporter. 13. März 2022, afropen an’n 13. März 2022 (amerikaansch Engelsch).