Viswanathan Anand
Viswanathan[1] Anand (V. Anand, ok „Vishy“ nömmt; * 11. Dezember 1969 in Chennai fröher Madras, Tamil Nadu), is en indisch Schachspeler.
He weer van 2000 bit 2002 FIDE-Weltmeester un is weer van 2007 nit 2013 de 15. alleenig anerkannt Schachweltmeester siet Wilhelm Steinitz.
Werdegang
[ännern | Bornkood ännern]Anand, de ok as „Tiger vun Madras“ bekannt is, hett dat Schachspeelen mit 6 Johren vun sien Moder lehrt un is en Johr later all in en Schachclub intreden.
1983 wunn he all de indisch Jöögdmeesterschap U16 un U19 un weer en Johr later bi de Grooten all up Platz veer. He keem in dat Johr 1984 ok all glieks in de indisch Mannschap för de Schacholympiade. 1985 wurr he Internatschonaler Meester, 1986 de bit dorhenn jüngste indisch Meester, 1987 Jöögd-Weltmeester U20 un in dat sülvig Johr ok Grootmeester.
Nahdem he siet 1990 vergevens dorum kämpt harr, Weltmeester to wurrn, hett he dat 2000 as FIDE-Weltmeester schafft, indem he Alexej Schirow slahn kunn. Den Titel weer he aber en Johr later all weer los, as he sück nich för den Endkampf qualifizeeren kunn. 2007 kunn he aber tegen Wladimir Kramnik den Titel winnen un dormit weer he jetzt alleenig Weltmeester (tüschendör geevt dat twee Schachvereenigungen, de jeweils en Weltmeester harrn). In' Oktober 2008 hett Anand sien Titel mit en 6,5:4,5-Sieg bi de Schachweltmeesterschap 2008 in Bonn tegen Wladimir Kramnik verteidigt. Bii der Schachweltmesterschap 2010 verteidig he tegen Wesselin Topalow sien Titel mit 6,5:5,5. In dat Johr 2012 gelung hüm de Titelverteidigung noch mal- ditmal gegen Boris Gelfand. Mit en Elo-Tall van 2789 (Stand: Mai 2010) steiht up Platz 4 in de Weltranglist. An' 22. November 2013 hett he sien Titel denn an Magnus Carlsen ut Norwegen verloren, de hüm in dat Finale vun de Weltmeesterschap mit 6,5:3,5 besiegen kunn.
Privates
[ännern | Bornkood ännern]Siet Juni 1996 is he mit Aruna (* 1975) verheiraadt un wurrd ok vun hör managt. Anand fördert Schachschoolen in Indien un is Brahmane. He ünnerstött ok Sozialprojekte. 2005 hett he bispeelswies Spenden för en Organisatschoon, de sück tegen Kinnerlähmung insett, sammelt.[2] Anand kann mehrere Spraaken bannig good snacken, dorünner Spaansch un Düütsch.[3][4]
Warken
[ännern | Bornkood ännern]- Meine besten Schachpartien, Olms, Zürich 1998, ISBN 3-283-00351-3
Enkeld Nahwiesen
[ännern | Bornkood ännern]- ↑ Viswanathan is en Patronym un kien Vörnaam. To de Systematik vun süüdindischer Naams.
- ↑ http://www.rp-online.de/public/article/sport/mehr/andere/628890/Anand-das-populaere-Genie.html (afropen an' 29. Oktober 2008)
- ↑ Portrait Viswanathan Anand
- ↑ Viswanathan Anand - Wieder König des Schachs