Sotsha Dlamini
Sotsha Ernest Dlamini (* 27. Mai 1940 in Mankayane, Manzini; † 7. Februar 2017 in Nhlambeni, Manzini) weer en swasilännsch Politiker un van 6. Oktober 1986 bit 12. Juli 1989 Premierminister vun Swasiland.[1]
Trotz sien Familiennaam is he nich en vun de tallriek Liddmaaten vun de königlich Familie. He hörrt aber to de glieker Clan as bürgerlich Swasi.
He kreeg dat Amt up persönlichen Wunsch vun König Mswati III., de en Reformer vun buterhalv vun de Königsfamilie hemm wull. Dlamini weer bit 1984 bi de Kriminalpolizei tätig. Dornah bit 1986 weer he Baas vun en Sekerheitsdeenst up en Suckerplantaag.
Neben de wertschaplich Reformen hett he de königlich Positschoon ünnerstütt, de de Apartheidpolitik vun Süüdafrika kritisch tegenöver stunn, un stillkens den ANC ünnerstütten dee.[2] Wiels sien Amtstiet wurrn twee Journalisten 60 Daag in Haft nommen, wiel se den König kritiseert harrn.[3]
Nah dat Enn vun sien politisch Loopbahn wurr he Sekerheitsbass vun de Swaziland Milling in Manzini. As he sück to Ruh sett harr, weer he Framer.[3]
Trotz sien Familiennaam hörr he nich to de tallriek königlich Familienliddmaaten, sonnern weer börgerlich Swasi. Dlamini is an' 7. Februar 2017 in Nhlambeni in' Distrikt Manzini an de Folgen vun en Störrt storven. He hett sien Fru un söben Kinner achterlaaten.[3]
Enkeld Nahwiesen
[ännern | Bornkood ännern]- ↑ http://www.eisa.org.za/WEP/swaoverview4.htm, Pressure for democracy and Tinkhundla tinkerings (1986-1999), August 2008, EISA Swaziland, uproopen an’ 17. Januar 2011 (engelsch)
- ↑ [1] Pressure for democracy and Tinkhundla tinkerings (1986–1999) van August 2008, EISA Swaziland, afropen an' 27. Oktober 2010
- ↑ a b c Ex-Prime Minister Sotsha Dlamini dies
Makhosini Dlamini | Maphevu Dlamini | Ben Nsibandze | Mabandla Dlamini | Bhekimpi Dlamini | Sotsha Dlamini | Obed Dlamini | Andreas Fakudze | Jameson Mbilini Dlamini | Sishayi Nxumalo | Barnabas Sibusiso Dlamini | Paul Shabangu | Themba Dlamini | Barnabas Sibusiso Dlamini | Vincent Mhlanga (komm.) | Ambrose Mandvulo Dlamini