Seychellen
| |||||
Wahlspröök: Finis Coronat Opus Latiensch: „De Afsluss kröönt dat Wark“ | |||||
Natschonalhymne: „Koste Seselwa“ | |||||
![]() | |||||
Hööftstadt | Victoria 4° 38′ S, 55° 28′ O | ||||
Gröttste Stadt | Victoria | ||||
Amtsspraak | Seselwa, Franzöös'sch, Engelsch | ||||
Regeren Präsident |
Republiek Wavel Ramkalawan | ||||
Sülvstännigkeit vun Grootbritannien | |||||
Grött • Allens • Water (%) |
455 km² ? % | ||||
Inwahnertall • 2009 afschätzt • Inwahnerdicht |
87.476 177/km² | ||||
Geldsoort | Seychellen-Rupie (ERN )
| ||||
BBP | 710 Mio. US$ (166.) $ (2007) 8.581 US$ (58.) $ je Kopp | ||||
Tietzoon | UTC+3 (UTC+4) | ||||
Internet-TLD | .sc | ||||
ISO 3166 | SC | ||||
Vörwahl | ++248
| ||||
![]() |
De Republiek vun de Seychellen (pldt.: Seychellen, engl.: Seychelles, frz.: Seychelles) is en Inselstaat in'n Indischen Ozeaan. He liggt ööstlich vun Afrika un nöördlich vun Madagaskar. Twuschen Afrika un de Seychellen liggt de Komoren.
Geografie
[ännern | Bornkood ännern]De Republiek besteiht ut 115 Inseln un is updeelt in 32 Barginseln (sunnerlich Granit) un en ganzen Bulten vun lüttje Koralleneilannen. De Barginseln weert as de „Seychellen an sik“ ankeken, de Koralleneilannen tellt to de so nömmten Outer Eilands. All tohopen sünd se verdeelt up en Stück See, wat bi 400.000 km² groot is.
De wichtigste Inselgrupp vun dat Land sünd de Eilannen um Mahé umto, mit Praslin un La Digue dor bi. Se weert „Inner Islands“ oder „Seychelles Bank“ nömmt. Dor leevt ok de meisten Minschen vun dat Land. Se höört to de Barginseln. Up Mahé liggt ok de hööchste Barg vun de Inseln. Dat is de Morne Seychellois, de 905 m hooch is. To de “Seychelles Bank” höört noch en Reeg vun lüttje Eilannen dor umto un, en beten wieter af, de Inseln Silhouette, Île du Nord (North Island), Frégate, Île Aride, Île aux Vaches un Île Denis.
Wieter af un buten vun de “Seychelles Bank” liggt de Outer Islands. Dor höört de Inselgruppen Aldabra (Hööftinseln liggt in dat Aldabra-Atoll), Cosmoledo-Atoll, de Farquhar-Grupp mit de Atollen Farquhar un Providence, de Alphonse-Grupp mit de Atollen Alphonse un St. François un de Grupp vun de Amiranten to. Dor is Desroche de Hööftinsel vun. Noch wieter buten liggt de Eilannen Platte (üm un bi 135 km süüdlich vun Mahé) un Coëtivy (290 km süüdlich vun Mahé).
Up de bannig velen Koralleneilannen gifft dat bloß en paar, un denn noch lüttje Wahnsteden. Dat Land is dor man sied (hööchste Stäe 9 m över NN) un dat gifft ok keen Drinkwater.
Klima
[ännern | Bornkood ännern]Vunwegen dat de Äquater nich wiet weg is, is dat regeert hier en Tropenklima. De Temperaturen hefft keen groden Unnerscheden un liggt twuschen 24° C un 30 °C. An Nedderslag fallt up Mahé in de Hööftstadt Victoria 2.880 mm in’t Johr un in de Bargen sünd dat woll bi 3.550 mm.
De Tsunami vun’n 26. Dezember 2004 hett ok de Seychellen drapen. Utlööst wurrn weer he vun en Seebeven vör Indonesien.
Inwahners
[ännern | Bornkood ännern]Volksgruppen
[ännern | Bornkood ännern]De meisten Inwahners vun de Seychellen sünd „Kreolen“ (Mehr as 90 %). Se stammt tomeist af vun Slaven, de ut Afrika un ut Madagaskar hierher bröcht wurrn sünd un vun Siedlers ut Europa. Denn gifft dat noch en Minnerheit, de rein ut Europa stammen deit un lüttje Minnerheiten vun Chinesen un Inders.
Spraken
[ännern | Bornkood ännern]De Muddersprake vun de meisten Inwahners vun de Seychellen is Seselwa, wat en Kreoolspraak is. Neven Engelsch un Franzöös'sch is Seselwa ok Amtssprake.
Gloven
[ännern | Bornkood ännern]Mehr as 90 % vun de Inwahners höört to de Röömsch-kathoolsche Karken, bi 8 % sünd Protestanten. Chinesen un Inders pleegt den Gloven vun ehre Heimatlänner.
Historie
[ännern | Bornkood ännern]![](http://upload.wikimedia.org/wikipedia/commons/thumb/7/7d/Victoria_%28Seychelles%29.jpg/220px-Victoria_%28Seychelles%29.jpg)
Annahmen warrt, dat de Seychellen vun Seefohrers un Kooplüde ut Arabien updeckt wurrn sünd. Man wiß is, dat Seefohrers ut Portugal al 1505 över düsse Inseln wat upschreven hefft. Siedlers hefft eerst de Franzosen dorhen stüert, ofschoonst de Eilannen to de Tied al 150 Johre lang in’n Westen bekannt ween sünd. Vun 1794 bit 1811 hett dat Striet um de Inseln geven twuschen Grootbritannien un Frankriek. Dat weer en Deel vun den groten Krieg twuschen Napoleon un en ganze Reeg vun Länner. De Briten weern in düssen Striet de Winners un hefft de Seychellen in’e Hand kregen. Se hefft se dormols Mauritius toslahn. An’n 31. August 1903 sünd de Seychellen en egen Kolonie vun Grootbritannien wurrn.
Sülvst verwalten dröffen de Eilannen sik vun 1970 af an un unafhängig wurrn sünd se 1976. Dormols weer de „Eerste Republiek“ up de Been stellt. 1979 hett en „Een-Parteien-Regime“ de Macht övernahmen. Dat weer denn de „Tweete Republiek“. 1993 is amenne de hüdige Verfaten in Kraft treden un de „Drüdde Republiek“ is tostanne kamen. Dor sünd wedder verscheden Parteien tolaten. Partei vun de Regeerung is de vörmolige Eenheidspartei Seychelles People’s Progressive Front (SPPF).
Politik
[ännern | Bornkood ännern]De Seychellen ehr Präsident is vun den 20. November 2020 af an Wavel Ramkalawan. He hett Danny Faure aflööst, de sien Amtstiet afloopen weer.
Dat Parlament driggt den Naam „National Assembly“ oder „Assamblee Nationale“. Dor höört 34 Afordenten to. 25 vun jem sünd direktemang wählt, de annern negen Plätze weert verdeelt an all Parteien, de tominnst 10 % kregen hefft.
Bezirken
[ännern | Bornkood ännern]De Seychellen hefft 25 Bezirken (Tohopenstellt na geograaphsche Laag, Hööftstäder/-öörd in Klammern)
Greater Victoria
[ännern | Bornkood ännern]- La Rivière Anglaise
- Mont Buxton
- Saint Louis
- Bel Air
- Mont Fleuri
- Roche Caiman
- Les Mamelles
- Plaisance
Rural Mahé
[ännern | Bornkood ännern]- Anse aux Pins
- Anse Boileau (Anse Boileau)
- Anse Étoile
- Anse Louis
- Anse Royale
- Baie Lazare
- Beau Vallon (Beau Vallon)
- Bel Ombre (Bel Ombre)
- Cascade (Cascade)
- Glacis
- Grand' Anse (Mahé)
- Lä Gögue
- Pointe La Rue
- Port Glaud (Port Glaud)
- Takamaka (Takamaka)
Praslin
[ännern | Bornkood ännern]- Baie Sainte Anne (Anse Volbert)
- Grand' Anse (Praslin) (Grande Anse)
La Digue un de annern Inner Islands
[ännern | Bornkood ännern]- La Digue (La Reunion)
Weertschop
[ännern | Bornkood ännern]De Staat vun de Seychellen kann vun de Midd vun 2008 af an nich mehr betahlen. Em is dat Geld utgahn.[1].
Tourismus
[ännern | Bornkood ännern]![](http://upload.wikimedia.org/wikipedia/commons/thumb/1/10/Ile_St._Pierre.jpg/220px-Ile_St._Pierre.jpg)
Um un bi 30 % vun de Lüde, de arbeiden doot, sünd in den Frömdenverkehr togange. Dor verdeent se bi 70 % vun dat Volksinkamen mit. In de verleten Johren sünd vun private Investors grote Geldsummen in den Neebo un Utbo vun Hotels steken wurrn, sunnerlich in den Fiev-Steern-Sekter. Dat is bekannt, dat in so en Monokultur en groot Risiko liggt, man vunwegen de Seychellen ehre Geographie is dat Ansiedeln vun en Export-Industrie wiethen nich mööglich.
Verkehr
[ännern | Bornkood ännern]Up Mahé liggt de Seychellen ehr internatschonale Flegerhaben. Air Seychelles knütt all grote Eilannen tosamen un fliggt ok na Städer in Europa un Asien. Snellscheepe fohrt vun Mahé na Praslin, La Digue un Fregate.
Staatsutgaven
[ännern | Bornkood ännern]Twuschen 1992 un 2000 hett de Staat för düsse Sektoren so veel vun sien Huusholt insett:
- Gesundheit: bi 7 %
- Bildung: bi 9 %
- Militär: bi 3 %.
Belegen
[ännern | Bornkood ännern]
Ägypten | Algerien | Angola | Äquatoriaal-Guinea | Äthiopien | Benin | Botswana | Burkina Faso | Burundi | Dschibuti | Elfenbeenküst | Eritrea | Gabun | Gambia | Ghana | Guinea | Guinea-Bissau | Kamerun | Kap Verde | Kenia | Komoren | Kongo (Dem. Rep.) | Kongo (Rep.) | Lesotho | Liberia | Libyen | Madagaskar | Malawi | Mali | Mauretanien | Mauritius | Marokko | Mosambik | Namibia | Niger | Nigeria | Ruanda | Sambia | São Tomé un Príncipe | Senegal | Seychellen | Sierra Leone | Simbabwe | Somalia | Sudan | Süüdafrika | Süüdsudan | Swasiland | Tansania | Togo | Tschad | Tunesien | Uganda | Zentraalafrikaansche Republiek
Afhängige Rebeden: Kanarische Inseln | Mayotte | Réunion | St. Helena, Ascension un Tristan da Cunha | Westsahara
Antigua un Barbuda | Australien | Bahamas | Bangladesch | Barbados | Belize | Botsuana | Brunei | Dominica | Fidschi | Gambia | Ghana | Grenada | Guyana | Indien | Jamaika | Kamerun | Kanada | Kenia | Kiribati | Lesotho | Malawi | Malaysia | Malediven | Malta | Mauritius | Mosambik | Namibia | Nauru | Neeseeland | Nigeria | Pakistan | Papua-Neeguinea | Ruanda | Salomonen | Sambia | Samoa | Seychellen | Sierra Leone | Singapur | Sri Lanka | St. Kitts un Nevis | St. Lucia | St. Vincent un de Grenadinen | Süüdafrika | Swasiland | Tansania | Tonga | Trinidad un Tobago | Tuvalu | Uganda | Vanuatu | Vereenigt Königriek vun Grootbritannien un Noordirland | Zypern