Plastiktuut
![](http://upload.wikimedia.org/wikipedia/commons/thumb/8/8f/Hemdchentuete.jpg/220px-Hemdchentuete.jpg)
Plastiktuten sünd Tuten, de mehrsttiets ut Kunststofffolie maakt sünd, ut Polyethylen oder Polypropylen.
De Plastiktuut warrt faken bi’t Inköpen bruukt, oder ok as Sack för’n Müll, to’n Bispeel de Gele Sack för allens, ’neem ’n Grönen Punkt op is.
Alternativen to Plastiktuten bi dat Inköpen sünd Poppeertuten, Stofftaschen oder Körf. Vör allen de Ümweltbewegung hett Warf maakt, disse Alternativen för de Plastiktuut to bruken. De Plastiktuut weer en Symbol för de Wegsmietgesellschop. Ok wenn de Plastiktuut an un vör sik ok länger höllt, un nich wegsmeten warrn mutt, un denn ja ok noch recyclet warrn kann, so warrt dat in de Praxis doch wenig maakt. Ok Tuten ut Rohstoffen, de nawassen doot, gifft dat hüdigendaags, de denn faken ut Mais- oder Kartuffelstärk maakt sünd. De sünd meist so good as Plastiktuten un hebbt den Vördeel, dat keen Eerdööl bruukt warrt, de to maken. Un naher kaamt se op’n Kompost.
Fröher un in welk Lannen nu noch weer dat begäng, dat een bi’t Inköpen glieks en Plastiktuut dortokreeg. Dat hett to dat Bild vun de Wegsmietwoor mit bidragen. Nu is dat normalerwies so, dat een för de Tuut betahlen mutt.
Verbaad
[ännern | Bornkood ännern]In Afrika hebbt vele Länner al de Plastiktuut verbaden. De Tuten flegen överall in de Landschop rüm un weren en groot Ümwelt-Problem. Welk Lüüd hebbt de Plastiktuut al as Steppenbusch vun de Stadt betekent (de dör de Gegend drievt as de Steppenbüsch in de Western-Films). In Ruanda is de Plastiktuut siet 2005 verbaden, in Tansania siet 2006. Kenia hett mit’n 14. Juni 2007 ok en Verbaad för dünne Plastiktuten rutgeven. Uganda maakt dat mit’n 1. Juli 2007 jüst so. Sansibar hett in’n November 2006 de Plastiktuut verbaden. Süüdafrika hett dünne Tuten verbaden un dat is verbaden de Tuten kostenlos wegtogeven. Ok de Stadt San Francisco hett 2007 en Verbaad rutgeven. Alleen in San Francisco harrn se 2006 180 Millionen Tuten verbruukt. De Stadt Coles Bay in Australien hett dat sülve in April 2003 maakt.
Irland verlang vun’n 4. März 2002 af an en Afgaav vun 15 Cent (siet 1. Juli 2007 22 Cent) för jede Tuut, wat dorto föhr, dat nu 95 % weniger Tuten bruukt warrt.