Mitt Romney
![](http://upload.wikimedia.org/wikipedia/commons/thumb/d/d1/Mitt_Romney_by_Gage_Skidmore_3.jpg/220px-Mitt_Romney_by_Gage_Skidmore_3.jpg)
Willard Mitt Romney [[ˈɹɑːmnɪ]] (* 12. März 1947 in Detroit, Michigan) is en US-amerikaansch Multimillionär, Politiker vun de Republikaansch Partei un ehemalger Gouverneur vun den Bundsstaat Massachusetts. He weer een vun de Kandidaten vun der Republikaansch Partei för de Nomineeren för de Präsidentschapswahl 2008 (vör de Tiet utsteegen) und 2012. In dat Johr 2012 verlor he gegen Barack Obama.
Leven
[ännern | Bornkood ännern]Mitt Romney wurr in Detroit boren. Sien Vader George Wilcken Romney weer van 1963 bit 1969 Gouverneur vun Michigan. Sien Mutter Lenore hett sück 1970 in Michigan ahn Spood för de Republikaner um en Seet in' US-Senat bewurben. He hett dree Geschwister un de elitäre Cranbrook School (de hüüdig Cranbrook Kingswood School) in Bloomfield Hills, en to de Cranbrook Educational Community hörrn Privatschool besöcht. Dor hett he 1965 sien Highschool-Afsluss maakt.
An de Cranbrook School hett he Ann Lois Davies (* 1949) drapen. Se is 1966 to'n Mormonendom wesselt un wurr 1969 sien Ehefru. Dat Paar hett fiev utwussen Söhns un leevt hüüd dicht bi Boston un hett noch en wieder Huus an't Meer in La Jolla, Kalifornien.
Sien Hoochscholutbillen kreeg Romney an de Brigham Young University (u. a. bi Cleon Skousen[1]), wo he1971 sien Bachelor-Afsluss Maakt hett, un an de Harvard University, wo he 1975 sowohl sien Doktertitel as ok sien Master of Business Administration maakt hett.
Nah dat Studium hett Romney för de Ünnernehmensberader Bain & Company in Boston arbeit. Later weer he Grünnenspartner vun de 1984 grünnd Private-Equity-Sellschop Bain Capital, de he bit 1999 leiten dee. Sien Privatvermögen vun geschätzt 250 bit 350 Millionen Dollar[2][3][4] stammt ut de Erträäg vun sien Tätigkeit bi Bain Capital. De Tatsaak, dat he 2010 den leegen Stüersatz för Vermögenserträäg vun 13,9 Prozent (2011: 15,4 %) betall hett, wurr vun politisch Gegnern wiels de Vörwahlperiood to'n Thema maakt.[5]
1994 hett he versöcht, gegen Edward Kennedy in den US-Senat wählt to wurrn, wat he nicht schafft hett. Aber he kreeg 41% vun de Stimmen – dat tweetbest Ergevnis, dat je en republikaansch Kandidat gegen Kennedy henkreegen hett.
1999 wurr he as Geschäftsführer vun dat Organisatschoonskomitees mit de Organisatschoon vun de XIX. Olympisch Winterspelen 2002 in Salt Lake City, Utah, beupdragt.
Gouverneur vun Massachusetts
[ännern | Bornkood ännern]2002 wurr Mitt Romney to'n 70. Gouverneur vun Massachusetts gewählt: He kreeg 50 % vun de Stimmen, de demokraatsch Kandidatin Shannon O’Brien 46 % vun de Wählerstimmen. As Gouverneur hett he dat schafft, dat de Huusholt vun den Bundsstaat utgleeken wurr un sogor Överschüsse verbooken kunn.
Veröffentlichungen
[ännern | Bornkood ännern]- Turnaround: Crisis, Leadership, and the Olympic Games, Washington: Regnery Publishing 2001. ISBN 0-89526-084-0 (mit Timothy Robinson)
- No Apology: The Case for American Greatness, New York: St. Martin's Press. 2010. ISBN 0-312-60980-9
Enkeld Nahwiesen
[ännern | Bornkood ännern]- ↑ http://www.motherjones.com/politics/2012/04/mitt-romney-cleon-skousen-nutty-professor
- ↑ Mitt Romney Worth as Much as $250 Fox News, 13. August 2007
- ↑ Der Kandidat der Wall Street faz.net, 31. Dezember 2011
- ↑ Romney Aides Say His Worth Is at Least $260 Million New York Times, 12. Mai 2007
- ↑ http://www.sueddeutsche.de/politik/romney-legt-steuererklaerung-vor-wie-man-auf-millionen-dollar-prozent-steuern-zahlt-1.1265543; Wie man auf 20 Millionen Dollar 14 Prozent Steuern zahlt, sueddeutsche.de; van' 24.01.2012; afropen an' 25.01.2012