Lisa Gerrard
![](http://upload.wikimedia.org/wikipedia/commons/thumb/0/08/LisaGerrard-Press-Image-2009.jpg/220px-LisaGerrard-Press-Image-2009.jpg)
Lisa Germaine Gerrard (* 12. April 1961 in Melbourne) is en austraalsch Musikerin, Komponistin un Singersche.
Karriereverloop
[ännern | Bornkood ännern]Bekannt worrn is Lisa Gerrard as Liddmaat vun de Musikgrupp Dead Can Dance, de 1981 grünnt worrn is. Ehr eerst Soloalbum harr den Titel „The Mirror Pool“ un is 1995 rutkamen. Gerrard is bekannt för ehr depe Ooltstimm.
Siet sik de Grupp Dead Can Dance oplöst hett, arbeidt Gerrard vör allen as Komponistin för Filmen un för’t Feernsehn. En poor vun de bekannsten Filmen, för de se de Filmmusik schreven hett sünd ü.a. The Insider vun 1999 oder Whale Rider vun 2002. Tosamen mit Hans Zimmer hett se de Musik för den Film Gladiator vun 2000 komponeert un hett dor ok sungen.
To’n eersten mol na teihn Johren na’t Scheden güng Gerrard wedder mit Brendan Perry un Dead Can Dance op Tour dör Europa un Noordamerika. Vun disse Tour gifft dat ok en Live-CD.
In’t Johr 2006 is en DVD op’n Markt kamen, de dat Leven un de Loopbahn vun Lisa Gerrard wiest. Se driggt den Titel „Sanctuary“ un is siet Sommer 2007 ok in Düütschland to köpen. In dat Johr hett se ok de Arbeiten to dat plaante Album „Mantras of a Lost Archetype“ afbroken un an de Steed dorvun en Solo-Album ünner den Titel „The Silver Tree“ rutbröcht. Dat Album bargt sülvst schreven Leder, dorünner ok dree Stück, de se al op de Tour mit Dead Can Dance 2005 live präsenteert harr.
2007 güng Gerrard op en Solo-Tournee in Europa un Noordamerika, wo se ok Leder vun ehr nee Album präsenteert hett, aver ok Leder ut ehr Filmmusik-Wark un ut de Dead Can Dance-Tiet.
Diskografie (Utwahl)
[ännern | Bornkood ännern]- The Mirror Pool (1995)
- Duality (1998) mit Pieter Bourke
- Immortal Memory (2004) mit Patrick Cassidy
- The Silver Tree (2006)
- The Best of Lisa Gerrard (2007)
Filmmusik
[ännern | Bornkood ännern]- El Nino de la Luna (1989) (as Dead Can Dance)
- Baraka (1992) (as Dead Can Dance, mit Michael Stearns, dat Leed „Host of Seraphim“ weer bruukt)
- Nadro (1998)
- The Insider (1999) mit Pieter Bourke
- Gladiator (2000) mit Hans Zimmer
- Mission: Impossible II (2000) mit Hans Zimmer
- Ali (2001) mit Pieter Bourke
- Whale Rider (2002)
- Tears of the Sun (2003) mit Hans Zimmer
- Salem’s Lot (TV mini-series) (2004) mit Patrick Cassidy un Christopher Gordon
- Layer Cake (2004) (Leder „Aria“ mit Michael Gambon un „Junky Fight“)
- Man on Fire (2004) (tohopen mit Harry Gregson-Williams un Hybrid)
- A Thousand Roads (2005) (mit Jeff Roona)
- Fateless (mit Ennio Morricone)
DVD
[ännern | Bornkood ännern]- Sanctuary (2006)
Utteken
[ännern | Bornkood ännern]Lisa Gerrard hett för ehr Filmmusiken ok al söss Priesen wunnen un weer för wietere twölf Priesen nomineert. Wunnen hett se:
- 2000: den Sierra Award för de Filmmusik to Gladiator
- 2001: den ASCAP Award för de Filmmusik to Gladiator
- 2001: den Golden Globe för de Filmmusik to Gladiator
- 2001: den Golden Satellite Award för de Filmmusik to Gladiator
- 2003: den Film Award för de Filmmusik to Whale Rider
- 2004: den FCCA Award för de Filmmusik to One Perfect Day
Websteden
[ännern | Bornkood ännern]- Lisa Gerrard in de Internet Movie Database (engelsch)
- www.lisagerrard.com - Offizielle Websteed (engl.)
- Dead Can Dance (engl.)
- "Die Mutter aller Dinge"-Porträt