Japan
| |||||
| Wahlspröök: Endless discovery | |||||
| Natschonalhymne: Kimi Ga Yo | |||||
_(Japan_centered).svg)
| |||||
| Hööftstadt | Tokio {{{BGR}}}° {{{BMIN}}}′ {{{NS}}}, {{{LGR}}}° {{{LMIN}}}′ | ||||
| Gröttste Stadt | Tokio | ||||
| Amtsspraak | Japaansch | ||||
| Regeren Tennō (Kaiser) |
Parlamentaarsche Monarchie Fumio Kishida | ||||
| Grött • Allens • Water (%) |
377.975 km² ? % | ||||
| Inwahnertall • 2024 afschätzt • 2020 Tellt • Inwahnerdicht |
123970000 126146099 /km² | ||||
| Geldsoort | Yen (JPY)
| ||||
| BBP | 5.005.536.736.792 US-Dollar, 4.231.141.201.863 US-Dollar $ ()$ je Kopp | ||||
| Tietzoon | UTC+9:00 (JST) (UTC9) | ||||
| Internet-TLD | .jp | ||||
| ISO 3166 | JP | ||||
| Vörwahl | +81
| ||||
Japan (japaansch 日本, uutsproken as Nihon oder Nippon; 
anhören D) is en langen, dünnen Stremel vun Land an de Oostküst vun Asien. De Höövdstad is Tokio.
Dat Land is en beten wat grötter as Düütschland (373.000 km²), aver dor leevt 126 Millionen Lüüd (2020), un as dat vele Bargen geevt, leevt de meersten tohoop in de groten Städer, besünners in dat Rebeet Tokio (Tokio, Yokohama, Kawasaki un Chiba) un dat Rebeet Kansai (Kyōto, Ōsaka un Kōbe).
Dat givt veer grote Eilannnen in Japan, Hokkaidō, Honshū, Shikoku un Kyūshū – un dusende vun lütten Eilannen. De höögste Barg is de Vulkaan Fuji, de is 3776 m hoog is un 1707 dat leste Maal Füür speit het.
Geografie
[ännern | Bornkood ännern]Japan is een Eilandstaat, de sik to’n groten Deel uut ene Kede Eilannen tohope sett, de sik langs de Oostküste van Asien streckt. Japan sett sik uut allens tohope 14125 Eilannen tohope, de sik an de asiaatsche Pazifikküste ligget. Dat Land is so över 3000 Kilometer lang un recket sik van de Ochtotsksche See bet na Philippinensee. Dat Land is de veertgrötsste Eilandstaat up de Eerden un heel sien Flach is 377.975,24 km² (2019) groot.[1]
De veer groten Höövdeilannen sind Hokkaidō in’n Noorden, dat middelste un gröttste Eiland is Honshū un in’n Süden de Eilannen Shikoku un Kyūshū. In de Literatuur tellt ook faken ook dat lütter Eiland Okinawa as ene Höövdeiland. Boven to kümmt 14125 lütter Eilannen.[2] Se ligget to’n groten Deel in de Seto-Binnensee, in de Ryukyū-Eilannen un de Eilannen in’n Pazifik, de Nampō-shotō heet. Honshū is een beten gröter as Grootbritannien. Wegen sienen velen aflegen Eilannen het dat Land de achtgröttste exkusive Weerdschopszone weltwiwed, de an de 4.470.000 km² groot is.[3] Japan het kene Landgrenzen na anner Staten hen. Naverstaten mit Seegrezen sind Russland, Noordkorea, Süüdkorea, China un Taiwan.
Över heel de Eilandgruppe löppt ene Bargkede, de meer as twee Drüddel van dat Land uutmaket. De höögste Barg is de Fujisan up dat Eiland Honshu un mit 3776 m över de See. Landweerdschop, Industrie liggt man up alleen 20 % van de Flach. In den groten platten Lannen hebbet sik Metropoolregionen rutbild, in de meest alle Minschen leevt: Kantō (mit Tokio un Yokohama), Kansai oder Keihanshin (mit Osaka, Kyōto un Kōbe), Chūkyō (mit Nagoya) un Kitakyūshū-Fukuoka.
Geologie
[ännern | Bornkood ännern]In Japan stööt veer tektoonsche Platen up een: de Noordamerikaansche Plaat, de Euraische Plaat, de Philippinsche Plaat, de Pazifische Plaat. Hier schuuvt sik een Deel van de Pazifische Platen unner de Eurasiche Plaat, wat de Oorsake för den Vulkanismus un Eerdbeven up de japaanschen Eilannen is.
De rund 240 Vulkane in Japan ligget langs de pazifische Füürring, an de 40 Vulkane in Japan sind aktiv. Sware Eerdbeven givt dat in grötter Afstännen, ton Bispeel dat Kanto-Eerdbeven 1923, Kobe-Eerbeven 1995 oder dat Tohoku-Eerdbeven 2011.
Klima
[ännern | Bornkood ännern]De Eilandgruppe streckt sik in enen langen Bogen van Noord (45. Breidengraad, Hokkaidō) na Süüd (20. Breidengraad (Okinotorishima). So is dat Klima van Noord na Süüd düchtig verscheden; van den koold-matigen Klima up Hokkaidō met kolen Winter, in de dat veel Snee givt, bet in de Subtropen in de Präfektur Okinawa. Ook Wind nimt starken Inflood up dat Klima in Japan – in’n Winter weit de Wind van’n asiaatschen Fastland na de See, sommerdages puust de Wind van de See na dat Fastland. In’n laten Juni un froen Juli fällt in’n Süden de grote Deel Neddersalg as mosuunaardigen Regen (梅雨前線, baiu zensen).
In’n foren Sommer beginnt de Taifun-Saison, bi de sunnerlik up den Süden un Süüdwesten van Japan van Wrrvlestörm bedropen is (z. B. von Taifun Tokage un Taifun Conson 2004). Na de Statistik kümt Taifuns meerstendeels in’n Spetember na Japan, ofschoonst se in’n Pazifik in’n August up dat fakenst isnd. De stärkste Taifun, de in Japan je uptekent worrn is, was de Ise-wan-Taifun 1959. Över 5000 Minschen verlören dat Leven. De Wind dregt ook daar bi to, dat Japan staäkrer van transnatschonale Ümerweltversmudden dedorpen is.
Van Noord na Süüd to, kann een Japan in sess Klimaregionen indelen:
- Hokkaidō: keen starken Nedderslag, lange kole Winter
- Japaansche See: De Noordwestwind bringt starken Sneeefall. In’n Sommer is de Regioon küller as de pazifische Region, man faken weit een Föhn-Wind van den Bärgen daal.
- Zentraal Hoogland: starke Unnerschede bi de Temperatuur sommers un winters un dags un nachts, ringen Nedderslag.
- Seto-Binnensee: De Bärge in de Regioon Chūgoku und Shikoku halen de Wind af un maket dat Kima matig.
- Pazifikregion: kole WInter met ringen Snee un hitte dröge Sommer.
- Nansei-Eilannen (Ryūkyū-Eilannen): subtrooppsch Klima mit warmen Wintr un hitten Sommer, Starken Nedderslag sunnerlik in de Regentied, regelmatig Taifuns.
Biller
[ännern | Bornkood ännern]-
Flagg vun Japan -
Topograafsche Koort vun Japan -
Satellitenaufnahme Japans 1999
Weblenks
[ännern | Bornkood ännern]
Nawiese
[ännern | Bornkood ännern]- ↑ 令和元年全国都道府県市区町村別面積調（１０月１日時点） (ja). Geospatial Information Authority of Japan (26. Dezember 2019). Afropen an’n 2. Januar 2020.
- ↑ 離島とは(島の基礎知識) (what is a remote island?). (Nich mehr online verföögbor.) In: MLIT (Ministry of Land, Infrastructure, Transport and Tourism). Ministry of Land, Infrastructure, Transport and Tourism, 22. August 2015, archiveert von dat Original am 13. November 2007; afropen an’n 9. August 2019 (japaansch): „MILT classification 6,852 islands (main islands: 5 islands, remote islands: 6,847 islands)“
- ↑ 日本の領海等概念図. (Nich mehr online verföögbor.) 海上保安庁海洋情報部, archiveert von dat Original am 12. August 2018; afropen an’n 1. August 2018.
Afghanistan | Armenien | Aserbaidschan | Bahrain | Bangladesch | Bhutan | Brunei | China | Georgien | Indien | Indonesien | Irak | Iran | Israel | Japan | Jemen | Jordanien | Kambodscha | Kasachstan | Katar | Kirgisien | Kuwait | Laos | Libanon | Malaysia | Malediven | Mongolei | Myanmar | Nepal | Noordkorea | Oman | Oosttimor | Pakistan | Philippinen | Russland | Saudi-Arabien | Süüdkorea | Singapur | Sri Lanka | Syrien | Tadschikistan | Taiwan | Thailand | Törkie | Turkmenistan | Usbekistan | Vereenigte Araabsche Emiraten | Vietnam | Zypern
Afhängige Rebeden: Palästinensische sülvstregeerte Rebeden