Glenglassaugh
| Glenglassaugh | |
|---|---|
 Brenneree Glenglassaugh (Foto: Anne Burgess) | |
| Land | Schottland |
| Region | Highlands |
| Tyyp | Malt |
| Status | aktiv |
| Besitter | BenRiach Distillery Company Ltd. |
| Grünnt | 1874 |
| Grünner | James Moir |
| Architekt | James Duncan |
| Waterborn | Glassaugh Born |
| Washstill(s) | 1 × 12.729 l |
| Spiritstill(s) | 1 x 17.184 l |
| Produkschoonsvolumen | 1.100.000 l |
| Websteed | www.glenglassaugh.com |
Glenglassaugh is en Whisky-Brenneree bi Portsoy, Banffshire, Schottland.
Historie
[ännern | Bornkood ännern]De Brenneree Glenglassaugh is in’t Johr 1874 vun James Moir tosamen mit sien beiden Neffen Alexander un William Morrison as ok den Koppersmeed Thomas Wilson op dat Land vun de Craigmills Farm boet worrn. Een Johr later füng de Produkschoon an. Thomas Wilson bleef 1883 dood un 1887 ok de Grünner James Moir. Alexander Morrison hett de Destille twüschen 1888 un 1892 mit ne’e Brennblasen un Gäärfatten inrichten laten. 1892 is denn ok William Morrison doodbleven, so dat Alexander Morrison de Brenneree an Robertson & Baxter verköfft hett, de al so de gröttsten Köpers vun den Whisky weern. De hebbt de Destille noch dat glieke Johr an de Highland Distilleries Co Ltd. wieterverköfft.
As Anfang vun’t 20. Johrhunnert de Verkoop vun Whisky bannig torüch gahn is, weer de Brenneree 1908 dicht maakt un eerst 1931 wedder apen maakt. Man, al 1936 weer se wedder stillleggt, wat ditmol bit 1960 anduert hett. Af 1956 is de Brenneree vun Grund op renoveert un nee utstatt worrn. De ne’en Brennblasen weern nu ruchweg dubbelt so groot as vörher. Dordör is ok de Kapazität verdubbelt worrn. In’n November 1986 weer de Brenneree noch mol wedder stillleggt. An’n 3. März 2008 is se den för 5 Millionen £ an The Scaent Group verköfft worrn[1][2] un an’n 24. November 2008 wedder in Produkschoon gahn. As eerste Affüllen na’t Wedderapenmaken sünd bannig olle Whiskys vun 22, 30 un 40 Johren ankünnigt worrn[3]. In’n März 2013 is de Brenneree denn aver vun de BenRiach Distillery Company övernahmen worrn[4].
Produkschoon
[ännern | Bornkood ännern]
Glenglassaugh höört to dat schottische Whiskyrebeet Highlands, jüst so even buten vun dat Speyside-Rebeet. Dat Water för de Produkschooon warrt ut den Glenglassaugh-Born nahmen. As fröher dat Molt noch in de Brennree sülvst herstellt weer, weer dorto Törf ut dat Crombie Moss dicht bi nahmen. Dorna is dat Molt ünner annern vun de Tamdhu-Destille köfft worrn. In de Destille gifft dat en Meeschfatt (mash tun) vun 5 t un söss Gäärfatten (wash backs). Twee dorvun sünd ut Eddelstahl, warrt aver in’n Bedrief nich mehr insett, de annern veer sünd ut Douglasienholt. Brennt warrt in een wash still vun 12.729 l un een spirit still vun 17.184 l, de över Damp hitt maakt warrt.
Kiek ok
[ännern | Bornkood ännern]Literatur
[ännern | Bornkood ännern]- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.
Borns
[ännern | Bornkood ännern]- ↑ http://thescotsman.scotsman.com/whisky/Highland--distillery-wins-new.3834869.jp
- ↑ http://www.scaent.com/Our_News/index.php?xnewsaction=fullnews&newsarch=032008&newsid=1
- ↑ http://www.scaent.com/Our_News/index.php?xnewsaction=fullnews&newsarch=122008&newsid=1
- ↑ BenRiach buys Banffshire distillery Glenglassaugh op BBC vun’n 22. März 2013; afropen an’n 22. März 2013 (engelsch)
Weblenken
[ännern | Bornkood ännern]
Koordinaten:57° 41′ N, 2° 44′ W