Gemeen Scheeßl

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Flach:

149,7 km²

Inwahners:

13.019 (31. Dezember 2023)

30 m över de See

27383

04263

Koordinaten:53° 10′ N, 9° 29′ O53° 10′ N, 9° 29′ O

Grenzen bi OSM:

357189

Gemeenslötel:

03 3 57 041

Öörd in de Gemeen:

12

Börgermeester:

Käthe Dittmer-Scheele (CDU)

Websteed:

www.scheessel.de

Koort

Kreis

Scheeßl is en Eenheitsgemeen in’n Landkreis Rodenborg (Wümm) in Neddersassen. Se hett 13.019 Inwahners (Stand 31. Dezember 2023).

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Geografie

Scheeßl liggt an’n Rand vun de Lüünborger Heid (Noordheid) in en dörsnittlich Hööch vun 30,36 m över NN. Dör den Oort fleet twee lütte Strööm: De Wümm un de Beek. Dat Rebeet warrt bestimmt dör Woolden, Wischen un Moor un is en tyypsch Geestlandschop. De hööchste Punkt in’t Kreisrebeet is de Bullerbarg mit 53 m över NN in’n Oortsdeel Westerholt.

De Kreisstadt Rodenborg liggt ungefäär 9 km wiet weg vun Scheeßl. De neegsten grötteren Städer sünd Hamborg (~65 km), Bremen (~50 km) un Hannober (~115 km).

Historie

Verwaltungsgeschicht

Von 1964 bet 1974 hett dat de Samtgemeen Scheeßl geven, in de en poor Öörd tohoopslaten weren, de nu to de Gemeen Scheeßl höört. An’n 1. März 1974 sünd mit de Gemeenreform in Neddersassen twölv Gemenen Deel von de ne’e, gröttere Gemeen Scheeßl worrn. Dorbi sünd de ole, lüttjere Gemeen Scheeßl un de Samtgemeen Scheeßl oplööst worrn.

Politik

De Eenheitsgemeen Scheeßl is ut twölf vörmols egenstännige Gemenen tohopensett, de hüüt as Oortsdeelen betekent warrt. De Karnoort Scheeßl is de gröttste dorvun.

Oortsdeelen

De Tallen geevt de Inwahnertall (Stand: 18. Oktober 2006) an:

Scheeßl (6.686)
Abbendörp (283)
Badlsdörp (460)
Hetzweeg (402)
Jeersdörp (1.341)
Oostervees (783)
Sootel (222)
Westeresch (524)
Westerholt (651)
Westervees (783)
Wittkopsbossel (511)
Wohlsdörp (373)

Gemeenraat

De Scheeßeler Gemeenraat sett sik mit de Börgermeesterin ut 31 Raatsliddmaten tohopen. De Sitten verdeelt sik aktuell as folgt:

Partei	2016	2011	2006
CDU	14	12	18
SPD	9	10	4
Bündnis 90/De Grönen	2	5	4
UGS	2	–	2
MenSch	–	1	–
FDP	1	1	1
ALFA	1	–	–
WFB	1	1	1

Börgermeesters

Siet 2001 is Käthe Dittmer-Scheele vun de CDU hööftamtliche Börgermeesterin vun de Eenheitsgemeen Scheeßl. Se is bi de Börgermeesterwahl an’n 25. Mai 2014 in ehr Amt bestätigt worrn.

Tied	Naam	Partei
2001–	Käthe Dittmer-Scheele	CDU

Wapen

Dat Wapen vun Scheeßl besteiht ut söss Ekenblööd op gelen Grund. De Blööd staht as Teken vör de eersten söss Hööv, worut de Oort mol tostannen kamen is.

Paatschoppen

Scheeßl hett twee Städerpaatschoppen övernahmen, eenmol för Tukums in Lettland un eenmol för Teterow in’n Mekelnborg-Vörpommern.

Ehrenbörgers

Ehrenbörgers von Scheeßl sünd:

1955: Hinrich Meyer, Baas von’n Heimatvereen un Schriever von de Kröönk († 1963)
1995: Friedrich Behrens, Baas von Heimatvereen un Heimatmuseum († 2003)
Karl-Heinz Flöge

Weertschap un Infrastruktur

Scheeßl gellt na dat Regionale Ruumordnungsprogramm as Grundzentrum för de Öörd in de Ümgegend.

Weertschap

In Scheeßl un de ömliggend Oortschoppen hebbt sik veele lütte un vör allen middelstännsch Ünnernehmen anfunnen, wiel de Oort vun’n Verkehr her günstig twüschen de Hamborg, Bremen un Hannober liggen deit.

Verkehr

Scheeßl is vun’n Verkehr goot na buten anbunnen. Dör de Gemeen verlöpt de B 75, de Hamborg un Bremen verbinnt. Över de L 130 is man ok gau in Zittens, wo över de Opfohrt 47 Zittens de nöögste Ansluss an de Autobahn A 1 (Afsnidd Hamborg–Bremen) is. Dat liggt ungefäähr 15 km wiet weg.

De Gemeen liggt butendem ok mit en egen Bahnhoff an de Iesenbahnstreck de Hamborg mit dat Ruhrrebeet verbinnt. Dör disse günstig Anbinnen is man mit’n Auto in en knappe Stünn in Hamborg, Bremen oder Hannober un in twee Stünnen ok al in de Urlaubsrebeten an de Noord- un Oostsee oder in’n Harz.

Rodenborg (Wümm) hett en Regionalflaaghaven. De neegsten groten internatschonalen Flaaghavens sünd in Hamborg, Bremen un Hannober-Langenhagen.