French Open
![](http://upload.wikimedia.org/wikipedia/commons/thumb/8/8d/Rafael_Nadal_and_Roger_Federer_at_the_2006_French_Open.jpg/220px-Rafael_Nadal_and_Roger_Federer_at_the_2006_French_Open.jpg)
![](http://upload.wikimedia.org/wikipedia/commons/thumb/8/81/Karte_roland-garros.jpg/220px-Karte_roland-garros.jpg)
De French Open (offiziell Tournoi de Roland Garros, „Roland-Garros-Turnier“, nömmt) sünd dat tweet Tennisturnier vun de Grand-Slam-Turniere un finnen siet 1891 jedes Johr tüschen Midden Mai un Anfang Juni in dat 16. Arrondissement in Paris statt. De French Open sünd dat eenzig Sandplatzturnier vun de Grand-Slam-Serie un stellen en besünner Herutfordern för de Speler dor, wiel dat Speel up Root Asch wesentlich langsomer as bispeelswies up Hartplatzbelääg is. Dat hett to Folg, dat de Matches in' Dörsnitt länger düern as Spelen bi anner Grand-Slam-Turnieren. De Center Court in Paris is nah Philippe Chatrier (1926–2000) nömmt.
Geschichte
[ännern | Bornkood ännern]Dat eerste „Championnat de France international de Tennis“ (de internationale Tennis-Meeesterschapen vun Frankriek) funn 1891 in Paris statt. De eerste Sieger in't Herren-Eenzel weer de Brite H. Briggs. De Fruen kunnen eerstmals 1897 antreden. Bit 1925 weer de Turnier-Start blots franzöösch un en bannig beschränkt Antall vun utwählt utlännsch Athleten vörbehollen. In disse eerst Johrteinten wurr noch up Rasen speelt un de Utdragensoort wessel tüschen den „Racing Club de France“ un den „Stade Français“.
1928 wurr in' Rahmen vun en bevörstahn Daviscup-Utnannersetten dicht bi Porte d'Auteuil en nee Tennis-Stadion baut. Dat wurr nah den in Frankriek as Held vun den Eersten Weltkrieg verehrten Kampfleger Roland Garros nömmt. As Ünnergrund hett man eerstmals den Belag wählt, de bit hüüd as dat bestimmen Markenteken vun de French Open gellt, dat Turnier sien ganz besünneren Reiz gifft un ganz besünner Anforderungen an den Speler stellt: terre battue – de langsom „Root Asch“ ut mahlt Tichelsteenen, de de Speler to en geduldigen Speelupbau dwingt un Nettangreep stuurder maakt. Dat Stade Roland Garros wurr an’ 19. Mai 1928 mit en Daamen-Länderkamp eerstmals bespeelt.
Anfangs weer dat Turnier – ebenso as de Olympisch Spelen – blots den Amateuren vörbehollen. Siet 1968, den Anfang vun de so nömmt „Open Era“, de Geschichte vun de „Apen Meesterschapen“, sünd all Speler startberechtigt. 2000 wunn mit Mary Pierce de letzt Französin de French Open. Siet 2006 fangen de French Open all an’ Sönndag an. De Antall vun de Spelen an dissen Sönndag wurr vun 16 (2006) up 24 (2007) un nu up 32 (2008) stiegert.
2010 wurrn de French Open dat eerste Mal in 3D överdragen un weern ok an apenlich Platzen dreedimensional to sehn. Dat Turnier weer dormit dat eerste Sportereignis, bi de dat Public Viewing in 3D stattfunn.[1]
Wegen de düütlich minn Kapazität vun de Anlaag wurrd aber diskutteert, de French Open woanners to spelen. In’ Vergliek to anner Grand-Slam-Turnieren is dat Pariser Areal nich mal half so groot un ok de Tokiekerkapazität düütlich minner. Utbauplääns sünd aber bither an de Anwahners un an Umweltschuuler scheitert.[2]
Rekorde
[ännern | Bornkood ännern]![](http://upload.wikimedia.org/wikipedia/commons/thumb/3/30/Rafael_Nadal_2011_Roland_Garros_2011.jpg/170px-Rafael_Nadal_2011_Roland_Garros_2011.jpg)
Mannlüüd:
- In all Wettbewarfen: Henri Cochet (Frankriek), 9 Titel (4 Eenzel, 3 Düppel, 2 Mixed)
- Eenzel: Rafael Nadal (Spanien), 10
- Eenzeltitel in Folge: Paul Aymé (Frankriek), Björn Borg (Schweden), Rafael Nadal, je 4
- Düppel: Roy Emerson (Australien), 6
Fruen:
- In all Wettbewarfen: Margaret Smith Court (Australien), 13 (5 Eenzel, 4 Düppel, 4 Mixed)
- Eenzel: Chris Evert (USA), 7
- Eenzeltitel in Folge: Helen Wills Moody (USA), Hilde Sperling (Düütschland), Monica Seles (Jugoslawien) un Justine Henin (Belgien), 3
- Düppel: Martina Navrátilová (Tschechoslowakei/USA), 7
Jüngste Eenzel-Sieger:
- Mannlüüd: Michael Chang (1989): 17 Johr, 3 Maand
- Fruen: Monica Seles (1990): 16 Johr, 6 Maand
Öldste Eenzel-Sieger:
- Mannlüüd: Andrés Gimeno (1972): 34 Johr, 10 Maand
- Fruen: Chris Evert (1986): 31 Johr, 5 Maand
All Sieger
[ännern | Bornkood ännern]- List vun de French-Open-Sieger (Herreneenzel)
- List vun de French-Open-Sieger (Daameneenzel)
- List vun de French-Open-Sieger (Herrendüppel)
- List vun de French-Open-Sieger (Daamendüppel)
- List vun de French-Open-Sieger (Mixed)
Enkeld Nahwiesen
[ännern | Bornkood ännern]- ↑ „French Open in 3D bei Eurosport“ (Quotenmeter.de an’ 15. April 2010)
- ↑ „French Open flirten mit Micky Maus“