FIFA WM-Pokal
De FIFA WM-Pokal (eng.: FIFA World Cup Trophy) is de Pokal vun de FIFA, de bi de Football-Weltmeesterschop utspeelt warrt. Da is de Nafolger vun den Coupe Jules Rimet, de bi de Weltmeesterschoppen vun 1930 bit 1970 utspeelt worrn is un mit den drüdden Sieg vun Brasilien in’t Johr 1970 in den duersomen Besitt vun den brasiliaanschen Football-Verband övergahn is. De FIFA WM-Pokal is in Frankfort an’n Main bi de Utlosen to de Football-Weltmeesterschop 1974 to’n eersten mol vörstellt worrn un warrt siether vergeven.
Utsehn
[ännern | Bornkood ännern]De FIFA WM-Pokal is 1971 vun den Italiener Silvio Gazzaniga utklamüstert woorn un weer 1973 vun de bekannten Gold- un Sülversmeed-Warkstatt Bertoni G.D.E. S.r.l.[1] in Mailand herstellt. De Pokal is en Goldstatue, de so groot is as’n Selter-Buddel. Se hett en Gewicht vun 6,2 kg, wovun 4,9 kg 18-karatig Gold sünd, un en Hööch vun 36,8 cm. As de Statue en teemlich lütt Gewicht hett, kann man dorvun utgahn, dat de Pokal binnen in holl is. De Stuate wiest twee jubileeren Footballspelers, de tosamen de Weltkugel in jemehr utreckten Hannen hollt.
De Statue steiht op’n runnen Sockel, in den twee Kränz ut Malachit-Halfeddelstenen inleggt sünd. Dortwüschen is de engelsche Inschrift FIFA World Cup anbröcht as ok 17 Flachen, de toeerst för de Gravuren vun de Winners vörsehn weern.[2] Man, de Titeldrägers warrt mit Johrestall vun de FIFA op de Ünnersiet vun de runnen Standflach vun’t Original ingraveert.[3]
Op de Rüchsiet vun’n Sockel vun de Repliek, de de Weltmeester kriggt (de FIFA WM-Winnerpokal), warrt dorgegen en Platt mit de Beteken vun’t Turneer, at Johr un den Weltmeester anbröcht.[4] För de vör 2006 in Düütschland vergeven Pokal is dat vun de FIFA nadräglich för all fröheren Winnerpokals maakt worrn.
Enkelte Exemplaren
[ännern | Bornkood ännern]Dat Original vun’n FIFA WM-Pokal warrt ünner normalen Ümstännen in’t Home of FIFA in Zürich, also in’t Hööftquarteer vun’n Football-Weltverband opbewahrt.
Anners as sien Vörlöper, den Coupe Jules Rimet, de na’n dreemoligen Sieg vun Brasilien behollen warrn dröff, sett de Regeln vun de FIFA vör, dat dat Original nich mehr in duersomen Besitt wesseln kann. De aktuelle Weltmeester kriggt den Pokal bit to de nächsten WM un denn duersom en en vergoldte Repliek ut Bronze – den so nöömten FIFA WM-Winnerpokal.[5]
De swääbsche Ünnernehmer Rolf Deyhle is de eenzige private Person, de en Repliek vun den Pokal in Originalgrött besitten deit. Den hett he 1979 kregen, vun wegen dat he sik vell üm den Weltfootballverband verdeent maakt hett. Dehyle hett ünner annern dat Logo vun de FIFA utklamüstert.
Winners
[ännern | Bornkood ännern]De nafolgen Mannschoppen hebbt in verleden Tieten den FIFA WM-Pokal wunnen:
- 1974
Düütschland
- 1978
Argentinien
- 1982
Italien
- 1986
Argentinien
- 1990
Düütschland
- 1994
Brasilien
- 1998
Frankriek
- 2002
Brasilien
- 2006
Italien
- 2010
Spanien
- 2014
Düütschland
Borns
[ännern | Bornkood ännern]- ↑ http://www.gdebertoni.com/eng/index.html
- ↑ Interwiev mit Silvio Gazzaniga
- ↑ Foto vun de Ünnersiet mit de Gravuren.
- ↑ Winnerpokal, de al för de Weltmeesterschop 2010 in Süüdafrika torecht maakt is
- ↑ WM Siegerpokal von 1990