Euporie (Maand)

Euporie (ok Jupiter XXXIV) is een vun de lütten Maanden buten vun den Planet Jupiter.

De Maand is an’n 11. Dezember 2001 vun en Koppel vun Astronomen ünner dat Regeer vun S. Sheppard opdeckt worrn. De Naam kummt ut de greeksche Mythologie vun Euporie, de een vun de Horen weer. De vörlöpige Beteken vun den Maand weer S/2001 J 10.

Ümloopbahn

Euporie hett vun’n Jupiter en middleren Afstand vun 19.304.000 km un bruukt för en vullstännigen Ümloop üm un bi 550 Daag, 17 Stünnen un 46 Minuuten. De Maandbahn is üm 145,767 ° gegen den Äquater vun’n Jupiter neegt. De Ümloop geiht dormit retrograd vörsik, dat heet, de Maand lööpt gegen de Rotatschoonsricht vun’n Jupiter af. De Bahn vun Euporie hett en Exzentrizität vun 0,1432. Dat bedüüt, dat de Bahn vun de Kringform afwieken deit un to en Ellips langtogen is.

De Maand hett en lieke Bahn as noch en poor annere Maanden, de dorüm all to en Koppel vun Maanden tohopenfaat warrt. Dat is de Ananke-Grupp, de na den gröttsten vun de Maanden dorvun nöömt is.

Egenschoppen

De Maand hett en Dörmeter vun ruchweg 2 km un tellt dormit to de ganz lütten. De Dicht is op 2,6 g/cm³ bestimmt worrn, wat teemlich groot is. De Wetenschopplers gaht dorvun ut, dat Euporie gröttstendeels ut Silikat-Steen besteiht. De Bavenflach hett en Albedo vun 0,04 – blots 4 % vun dat Licht, dat ankummt, warrt ok wedder torüchstrahlt.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden