Edith Head
![](http://upload.wikimedia.org/wikipedia/commons/thumb/f/fd/Edith_Head_ca_1955.jpg/220px-Edith_Head_ca_1955.jpg)
Edith Head (* as Edith Claire Posener an’n 28. Oktober 1897 in San Bernardino, Kalifornien; † 24. Oktober 1981 in Los Angeles) weer en US-amerikaansche Kledaaschmakersche, de ruchweg dusend Filmen mit ehr Kledaaschutarbeiten versorgt hett un dorför 35 mol för den Oscar nomineert weer. Bit hüüt is se dormit de spoodriekste Kledaaschmakersche in de Historie vun de Acedamy Awards.
Leven un Wark
[ännern | Bornkood ännern]Edith Head weer de Dochter vun Max Posener un Anna E. Levy. In’t Johr 1919 hett se an de University of California in Berkeley en Bachelor in dat Fack Franzöösch afslaten un möök 1920 en Master an Stanford University in romaansche Spraken. In Los Angeles hett se ehr Studien an’t Otis Institute un an de Chouinard Art School wieterföhrt. In de 1920er Johren weer se Schoolmeestersche för Franzöösch un Kunst an de Hollywood School for Girls. 1923 hett se Charles Head heiraat, vun den se sik aver 1936 wedder scheden laten hett.
In 1923 hett se ok för en korte Tiet as Schauspelersche versöcht, stell denn aver fast, dat ehr dat Sniedern vun Filmkledaasch veel mehr toseggen de. Ünner dat Regeer vun den Designer Howard Greer hett so to’n eersten mol för Paramount Pictures arbeit. Vun 1927 an weer de Assistentsche vun Travis Banton, de sik in de 1930er Johren sünners mit de Kledaasch för Marlene Dietrich en Naam maakt hett. In dat Kledaaschafdeel vun Paramount – dat later na ehr nöömt weer – is se in’t Johr 1938 to’n Baasdesignersche opstegen. 1940 hett se den Szenenbillner Wiard Ihnen heiraat.
Edith Heads Naam weer för mehrere Johrteihnten en Synonym för Kledaasch ut Hollywood. Mit ehr Infäll för eenige vun de beropensten Fronslüüd ut dat Filmgewarf hett se de Mood vun de USA mit prägt. So hett de vun ehr utdachte Sarong för Dorothy Lamour in The Jungle Princess Opsehn bröcht un weer dorna veelmols kopeert. Vun ehr is ok dat Avendkleed ahn Drägers mit Tüll un Satin för Elizabeth Taylor in A Place in the Sun. Un för Grace Kelly harr se em Siedenkleed utklamüstert, dat se bi de Oscarvergaav 1954 dragen hett, as se för The Country Girl uttekent worrn is. Na tosamen 44 Johren bi Paramount is Head 1967 an de Universal Studios wesselt, woneem se bit an ehr Levensenn bleven is.
De letzte Film, an de Edith Head mitarbeit hett, weer 1981 Dead Men Don’t Wear Plaid, för den se Kledaasch vun annere Designers ut de Studioära kopeert hett, so dat de Kledaasch ut de rinsneden Szenen ut Filmklassikers vun’n Film noir ut de 1940er to dat nee dreihte Material passen de. Head is kort na’t Enn vun de Dreiharbeiten an de Naklapp vun en Myelofibroos storven, en rore Krankheit vun’t Knakenmark. Se weere in’n Forest Lawn Memorial Park in Glendale, Kalifornien bisett.
En Foto, dat Edith Head bi de Arbeit wiest, weer as een vun teihn Andenkenbreefmarken an’n 25. Februar 2003 rutgeven. De Breefmarken höört to de Reeg „American Filmmaking: Behind the Scenes“. In de Disney-/Pixar-Produkschoon The Incredibles is de Figur Edna Mode na Edith Head ehr Utsehn gestalt worrn.
Filmografie (Utwahl)
[ännern | Bornkood ännern]Johr | Titel |
---|---|
1928 | The Legion of the Condemned |
1933 | Cradle Song dt.: Wiegenlied |
1936 | The Return of Sophie Lang dt.: Um den Krügerdiamanten |
1937 | Souls at Sea dt.: Schiffbruch der Seelen |
1938 | Dangerous to Know dt.: Gefährliche Mitwisser |
1938 | Spawn of the North dt.: Piraten in Alaska |
1939 | The Cat and the Canary dt.: Erbschaft um Mitternacht |
1940 | Road to Singapore dt.: Der Weg nach Singapur |
1940 | The Great McGinty dt.: Der große McGinty |
1941 | Road to Zanzibar dt.: Der Weg nach Sansibar |
1941 | The Lady Eve dt.: Die Falschspielerin |
1942 | The Major and the Minor dt.: Der Major und das Mädchen |
1942 | Road to Morocco dt.: Der Weg nach Marokko |
1943 | Five Graves to Cairo dt.: Fünf Gräber bis Kairo |
1944 | The Uninvited dt.: Der unheimliche Gast |
1944 | Double Indemnity dt.: Frau ohne Gewissen |
1944 | Ministry of Fear dt.: Ministerium der Angst |
1945 | Love Letters dt.: Liebesbriefe |
1945 | The Lost Weekend dt.: Das verlorene Wochenende |
1945 | The Bells of St. Mary’s dt.: Die Glocken von St. Marien |
1946 | To Each His Own dt.: Mutterherz |
1946 | Blue Skies dt.: Blau ist der Himmel |
1947 | Ramrod dt.: Die Farm der Gehetzten |
1947 | Wild Harvest dt.: Rauhe Ernte |
1948 | The Big Clock dt.: Spiel mit dem Tode |
1948 | A Foreign Affair dt.: Eine auswärtige Affäre |
1948 | Sorry, Wrong Number dt.: Du lebst noch 105 Minuten |
1949 | The Great Gatsby dt.: Der große Gatsby |
1949 | The Heiress dt.: Die Erbin |
1949 | Samson and Delilah dt.: Samson und Delilah |
1950 | Dark City dt.: Stadt im Dunkel |
1950 | All About Eve dt.: Alles über Eva |
1951 | The Last Outpost dt.: Sein letzter Verrat |
1951 | A Place in the Sun dt.: Ein Platz an der Sonne |
1952 | The Atomic City dt.: Stadt der tausend Gefahren |
1952 | Come Back, Little Sheba dt.: Kehr zurück, kleine Sheba |
1953 | Shane dt.: Mein großer Freund Shane |
1953 | The War of the Worlds dt.: Kampf der Welten |
1953 | Roman Holiday dt.: Ein Herz und eine Krone |
1954 | Sabrina |
1954 | The Naked Jungle dt.: Der nackte Dschungel |
1954 | Elephant Walk dt.: Elefantenpfad |
1954 | Rear Window dt.: Das Fenster zum Hof |
1954 | The Country Girl dt.: Ein Mädchen vom Lande |
1955 | Strategic Air Command dt.: In geheimer Kommandosache |
1955 | To Catch a Thief dt.: Über den Dächern von Nizza |
1955 | The Trouble with Harry dt.: Immer Ärger mit Harry |
1955 | The Rose Tattoo dt.: Die tätowierte Rose |
1956 | The Man Who Knew Too Much dt.: Der Mann, der zuviel wußte |
1956 | Pardners dt.: Wo Männer noch Männer sind |
1956 | Three Violent People dt.: Rivalen ohne Gnade |
1957 | Gunfight at the O.K. Corral dt.: Zwei rechnen ab |
1957 | The Joker Is Wild dt.: Schicksalsmelodie |
1957 | The Tin Star dt.: Der Stern des Gesetzes |
1958 | Teacher’s Pet dt.: Reporter der Liebe |
1958 | Vertigo dt.: Vertigo – Aus dem Reich der Toten |
1958 | Hot Spell dt.: Hitzewelle |
1958 | The Matchmaker dt.: Die Heiratsvermittlerin |
1959 | Alias Jesse James dt.: Ein Schuß und 50 Tote |
1959 | Last Train from Gun Hill dt.: Der letzte Zug von Gun Hill |
1960 | Heller in Pink Tights dt.: Die Dame und der Killer |
1961 | The Errand Boy dt.: Der Bürotrottel |
1961 | Pocketful of Miracles dt.: Die unteren Zehntausend |
1962 | The Man Who Shot Liberty Valance dt.: Der Mann, der Liberty Valance erschoss |
1962 | Hatari! |
1963 | Hud dt.: Der Wildeste unter Tausend |
1963 | The Nutty Professor dt.: Der verrückte Professor |
1963 | Love with the Proper Stranger dt.: Verliebt in einen Fremden |
1965 | The Hallelujah Trail dt.: Vierzig Wagen westwärts |
1965 | The Sons of Katie Elder dt.: Die vier Söhne der Katie Elder |
1965 | Boeing, Boeing dt.: Boeing-Boeing |
1966 | This Property Is Condemned dt.: Dieses Mädchen ist für alle |
1966 | El Dorado |
1968 | The Secret War of Harry Frigg dt.: Der Etappenheld |
1969 | The Lost Man dt.: Es führt kein Weg zurück |
1969 | Butch Cassidy and the Sundance Kid dt.: Butch Cassidy und Sundance Kid |
1969 | Topaz dt.: Topas |
1970 | Airport |
1972 | The Life and Times of Judge Roy Bean dt.: Das war Roy Bean |
1973 | Showdown dt.: Die Geier warten schon |
1973 | The Sting dt.: Der Clou |
1974 | Airport 1975 dt.: Airport ’75 – Giganten am Himmel |
1975 | The Great Waldo Pepper dt.: Tollkühne Flieger |
1976 | Family Plot dt.: Familiengrab |
1977 | Airport ’77 dt.: Airport ’77 – Verschollen im Bermuda-Dreieck |
1978 | The Big Fix dt.: Der große Trick |
1982 | Dead Men Don’t Wear Plaid dt.: Tote tragen keine Karos |
Utteken
[ännern | Bornkood ännern]Edith Head is bit hüüt de spoodriekste Kledaaschmakersche, wat de Tall vun Utteken angeiht. Se weer alltohopen 39 mol Filmpriesen vörslahn, alleen 35 mol för den Oscar. Uttekent weer se ölven mol:
- 1950: mit den Oscar in de Kategorie Best Kledaasch – swartwitt för The Heiress
- 1951: mit den Oscar in de Kategorie Best Kledaasch – Farv för Samson and Delilah
- 1951: mit den Oscar in de Kategorie Best Kledaasch – swartwitt för All About Eve
- 1952: mit den Oscar in de Kategorie Best Kledaasch – swartwitt för A Place in the Sun
- 1954: mit den Oscar in de Kategorie Best Kledaasch – swartwitt för Roman Holiday
- 1955: mit den Oscar in de Kategorie Best Kledaasch – swartwitt för Sabrina
- 1961: mit den Oscar in de Kategorie Best Kledaasch – swartwitt för The Facts of Life
- 1964: mit en Sünnerpries vun de Golden Laurels
- 1974: mit den Oscar in de Kategorie Best Kledaasch för The Sting
- 1974: mit ehrn Steern op’n Hollywood Walk of Fame
- 1999: mit de Hall of Fame vun de Costume Designers Guild Awards
Weblenken
[ännern | Bornkood ännern]- Edith Head in de Internet Movie Database (engelsch)
- Edith Head op fashionmodeldirectory.com (engelsch)