Como
Como (fröher (düütsch): Chum) is en Stadt in Italien mit 84.326 Inwahner (Stand: 31. Dezember 2016) up en Flach van 37,34 km² in de Lombardei un Hööftoort van de Provinz Como. De Stadt liggt 45 Kilometer nördlich van Mailand, an den Comer See un an de Grenz to den Kanton Tessin in de Swiez.
Geschichte
[ännern | Bornkood ännern]De Stadt Como (Novum Comum) wurr van de Römer 59 v. Chr. grünnd. De Gegend weer aber all vördem bewahnt, ok van Etrusker un Gallier.
As dat Röömsch Riek fallen weer, wurr Como van Goten, Langobarden un Franken innommen. 1127 wiels den Krieg mit Mailand, wurr Como kört un kleen hauen. Se hett sück denn mit Friedrich Barbarossa verbünnd un wurr weer upboot. 1162 hett sück de Stadt an de Zerstörung van Mailand bedeeligt.
Tüschen 1300 un 1400 weer Como ünner de Herrschap van Visconti un Sforza.
1500 keem de Stadt ünner spaansch Herrschap. Dormit gung dat aber wertschaplich bargdaal un ok de Inwahnertall minneseer sück.
Mit de Öösterrieker nehm Como in 1700 sien Hannelstätigkeit weer up, bit se in dat 20. Johrhunnert dat wichtigste Zentrum för Sied wurr.
Bekannt Lüüd ut de Stadt
[ännern | Bornkood ännern]- Paolo Giovo (1483-1552), Historiker un Biograph
- Innozenz XI. (1611-1689), Paapst
- Luigi Volta (1876-1952), Astronom
Weblinks
[ännern | Bornkood ännern]- Website van de Stadt Como (engelsch), Stand: Februar 2018
- [http://www.comer-see-italien.com/comer-see-abc/como-historische-geschichte__188.htm Geschichte van de Stadt (Stand: Februar 2018)