Calixt II.
![](http://upload.wikimedia.org/wikipedia/commons/thumb/d/df/Calixtus_II.jpg/170px-Calixtus_II.jpg)
Calixt II., eegentlich Guido vun Burgund oder Guido vun Vienne (* um 1060 in Quingey; † 13. Dezember 1124 in Rom), weer af 1119 Paapst.
He weer en jüngere Söhn vun den Grafen Wilhelm I. von Burgund. As sien Bröer Hugo († 13. November 1101), de 1086 Arzbischop vun Besançon wurr, hett he en geistlich Loopbahn inslahn un wurr 1088 Arzbischop vun Vienne, dessen Territorium to dat Hillig Röömsch Riek hörr. För de weltliche Herrschap över de Lännereen vun sien Arzbisdom weer he insofern Lehnsmann vun den röömsch-düütschen Kaiser Heinrich V..
Nah den Dood vun Paapst Gelasius II. wurr he an' 2. Februar 1119 to'n Paapst wählt un he nehm den Naam Calixt II. an. In' April 1121 gelung hüm dat, den Gegenpaapst Gregor VIII. in Sutri to verhaften, aftosetten un inkerkern to laaten.
An' 23. September 1122 hett he ok de Investiturstriet mit Kaiser Heinrich V. dör dat Wormser Konkordat bileggt. De Kaiser hett den Anspröök vun de Kark up dat Recht, Bischöpen un Äbte sülvst uttowählen un to ernennen (so nömmt Investitur) akzepteert. In’ Gegentoog hett de Paapst tostimmt, dat de Wahl vun de düütsch Bischöpen un Äbte in Anwesenheit vun kaiserlich Afordneten to verhanneln weer, un dat de denn Wählt sien weltlich Hoheitsrechte eerst dör afsluuten Belehnen vun den Kaiser kriegen sull.
1120 hett he David von Menevia un 1123 Konrad von Konstanz hillig spraken. He is 1124 in Rom storven un wurr in de Lateranbasilika bisett.
Literatur
[ännern | Bornkood ännern]- Friedrich Wilhelm Bautz: Calixt II. In: Biographisch-Bibliographisches Kirchenlexikon (BBKL). Band 1, Bautz, Hamm 1975. 2., unverännert Uplaag Hamm 1990, ISBN 3-88309-013-1, Sp. 859–860.
- Georg Gresser: Die Synoden und Konzilien in der Zeit des Reformpapsttums in Deutschland und Italien von Leo IX. bis Calixt II. 1049–1123. F. Schöningh, Patterbuorn 2006, ISBN 3-506-74670-7.
- Beate Schilling: Guido von Vienne. Papst Calixt II. Hahn, Hannober 1998, ISBN 3-7752-5445-5.
- Werner Maleczek: „Calixtus II.“, in: Lexikon des Mittelalters, Band 2, München 1983, ISBN 3-7608-8902-6, Sp. 1398.
- Theodor Schieffer: „Calixtus II.“, in: Lexikon für Theologie und Kirche Band 2. Freiburg 1958, Sp. 884.
- Mary Stroll: Calixtus II, 1119–1124. A pope born to rule. Brill, Leiden 2004, ISBN 9-0041-3987-7. (Rezension)
Weblenken
[ännern | Bornkood ännern]- DNB-Katalog
- Guy de Bourgogne bi fmg.ac (engelsch)
Vörgänger | Amt | Nafolger |
Gelasius II. | Paapst 1119–1124 |
Honorius II. |