Elizabeth Helen Blackburn
Elizabeth Helen „Liz“ Blackburn (* 26. November 1948 in Hobart, Tasmanien) is en austraalsch-US-amerikaansch Molekularbiologin, de besünners för hör Arbeiten up dat Rebeet vun de Telomer- un Telomerase-Forschung bekannt wurrr. 2007 wurr se vun dat Time-Magazin as en vun de „100 inflootrieksten Persönlichkeiten der Welt“ nömmt. Se kreeg tosommen mit Carol Widney Greider un Jack Szostak den Nobelpries för Physiologie oder Medizin för 2009 tospraken.[1]
Wetenschaplich Werdegang
[ännern | Bornkood ännern]Blackburn studeer Biologie an de Universität vun Melbourne un kreeg 1970 den Titel „B.Sc.“ un 1972 den vun en „M.Sc.“. Hör’n Doktertitel („Ph.D.“) kreeg se 1975 an de Universität Cambridge in England. Dornah hett se as Postdoc an de Yale-Universität (1975-1977) arbeidt. Af 1978 weer se Perfesser an dat Department of Molecular Biology vun de Universität vun Kalifornien in Berkeley. Siet 1990 is se an dat Department of Microbiology and Immunology vun de UCSF in San Francisco tätig, wo se de Morris-Herzstein-Professur för Biologie un Physiologie innehett.
Elizabeth Blackburn hett de Telomerase 1984 tosommen mit hör domalig Doktorandin Carol Widney Greider in eentellig Wimpertierchen vun de Gattung Tetrahymena opdeckt un 1985 eerstmals beschreeven. In de folgen Johren hett se de Telomerase in verscheeden Spezies genetisch un biochemisch charakteriseert. Se hett sietdem tallriek wichtig Arbeiten över Telomerase, dat Enzym, wat to de Erneuern vun de Telomeren essentiell is, verapenlicht
Blackburn wurr in Australien boren, is aver siet 2003 ok amerikaansch Staatsbürgersch. Se is verheiraadt mit John W. Sedat, de Familie hett een Kind.
Priesen un Ehrungen
[ännern | Bornkood ännern]För hör Arbeiten kreeg se tallriek Ehrungen un wetenschaplich Utteken u. a. 2006 den Albert Lasker Award for Basic Medical Research; 2007 den Louisa Gross Horwitz-Pries un 2009 – tosommen mit Carol Greider – den Paul-Ehrlich-und-Ludwig-Darmstaedter-Pries.
An’ 5. Oktober 2009 wurr hör tosommen mit Carol Widney Greider un Jack Szostak de Nobelpries för Physiologie oder Medizin tospraken.
Enkeld Nahwiesen
[ännern | Bornkood ännern]Literatur
[ännern | Bornkood ännern]- eegen Publikationen
- Carol W. Greider, Elizabeth H. Blackburn (1989): A telomeric sequence in the RNA of Tetrahymena telomerase required for telomere repeat synthesis. In: Nature. Bd. 337, Nr. 6205, S. 331–337. PMID 2463488
- Carol W. Greider, Elizabeth H. Blackburn (1985): Identification of a specific telomere terminal transferase activity in tetrahymena extracts. In: Cell. Bd. 43, Nr. 2, S. 405–413. PMID 3907856
Weblenken
[ännern | Bornkood ännern]
Category:Elizabeth Blackburn. Mehr Biller, Videos oder Audiodateien to’t Thema gifft dat bi Wikimedia Commons.