Landkreis Stood

Wapen/Flagg

Koort

Basisdaten

Sitt:

1.265,99 km²

203.102 (31. Oktober 2019)

Inwahnerdicht:

159,3 Inwahners pro km²

Geograafsche Laag:

53° 35′ N, 9° 25′ O

Grenzen bi OSM:

62482

Kennteken:

STD

Kreisslötel:

03359

Gemenen in’n Kreis:

40

Landraad:

Michael Roesberg (ahn Partei)

Websteed:

www.landkreis-stade.de

NUTS-Code:

DE939

De Landkreis Stood is en Landkreis in’n Noorden vun Neddersassen. He hett 203.102 Inwahners (Stand 31. Oktober 2019).

Geografie

In’n Oosten grenzt de Landkreis Stood an Hamborg, in’n Südoosten an’n Landkreis Horborg un in’n Südwesten an’n Landkreis Rodenborg (Wümm). De Grenz in’n Westen is de Oost mit den Landkreis Cuxhoben up de annere Siet. De Elv is de natürlich Grenz in’n Noorden mit de beiden Kreise Steenborg un Pinnbarg in Sleswig-Holsteen.

De Landkreis warrt in’n Noordoosten vun de Elv markiert. To den Landkreis höört dat bekannte Oolland, de Landschop Keden un de Stoder Geest. Dat gifft dor en poor lüttje Strööm, as to’n Bispeel de Swing, de Eest un de Lüh.

Politik

Kreisdag

Kreisdag
Johr \ Partei	Tall	CDU	SPD	Gröne	KWG	FWG	FDP	Linke	NPD	BR	Unafhängig	DP	AfD	Piraten
1946	45	1	25									19
1948	41	4	17									20
1996	60	24	22	5	4		2			1	2
2001	58	26	21	4	5		2
2006	60	26	21	4	5		2	1	1
2011	52	19	17	7		6	1	1	1
2016	58	20	16	6		6	2	2					5	1

Liddmaten

1996

2011

2016

CDU: Heinrich Augustin, Karsten Behr, Helmuth Borstelmann, Johann Breuer, Johann Burfeindt, Andreas Buss, Ute Claus, Friedrich Dammann, Helmut Dammann-Tamke, Heinz Eckhoff, Jutta Fock, Hans Gosch, Thies Hardorp, Georg Hellweeg, Robert Kamprad, Hermann Krusemark, Artur Meyer, Heinz Mügge, Christine Mühlhausen, Hans-Hermann Ott, Lüder Pott, Günther Schild, Lotte Schwander, Richard Wilke
SPD: Hermann Bardenhagen, Heinrich von Borstel, Birgit Breuer, Eva-Maria Casper, Heinz Dabelow, Werner Dubbels, Ute-Veronika Dürkes, Monika Ebeling, Birgit Ehrhardt, Hans-Uwe Hansen, Dirk Ludewig, Kurt Matthies, Rudolf Näthhorn, Egon Ohlrogge, Klaus Quiatkowsky, Manfred Schild von Spannenberg, Wolfgang Schwenk, Ursula Stapelfeld, Harald Stechmann, Ernst Tilsner, Margrit Wetzel, Monika Wörmer-Zimmermann
Gröne: Ulrich Hemke, Malte Jahn, Ulrike Mohr, Udo Paschedag, Wolfgang Weh
KWG: Peter Bredehöft, Hans Willi Heinsohn, Helmut Hudaff, Gerd Lefers
FDP: Walburga Frenzel, Lisa Peters
BR: Peter Brinkmann
Unafhängig: Helge Heyn

as Landraad: Michael Roesberg
CDU: Arnhild Biesenbach, Harald Burfeindt, Helmut Dammann-Tamke, Hans-Jürgen Detje, Udo Feindt, Michael Gosch, Oliver Grundmann, Rainer Jürgens, Robert Kamprad, Hermann Krusemark, Hans-Albert Kusserow, Silja Köpcke, Hans-Hermann Ott, Gerhard Seba, Kai Seefried, Matthias Steffen, Uwe Uhlendorf, Marianne Wiebusch, Diedrich Wohlers
SPD: Astrid Bade, Heino Baumgarten, Rolf Bredendiek, Burkhard Bönnighausen, Jochen Dammann, Ute-Veronika Dürkes, Wilfried Ehlers, Hans-Uwe Hansen, Michael Ospalski, Martina Pfaffenberger, Annika Protze, Klaus Quiatkowsky, Stefan Schimkatis, Harald Stechmann, Siegfried Stresow, Petra Tiemann, Monika Ziebarth
Gröne: Ulrich Hemke, Hartwig Holthusen, Dieter Kröger, Ingrid Meyer-Schmeling (siet 8. Januar 2013 vermisst), Ursula Männich-Polenz, Hans-Joachim Raydt, Verena Wein-Wilke
FWG: Uwe Arndt, Frank Buchholz, Harald Gooßen, Bodo Klages, Gerd Lefers, Johann Schlichtmann
FDP: Rudolf Fischer
Linke: Benjamin Koch-Böhnke
NPD: Adolf Dammann

as Landraad: Michael Roesberg
CDU: Arnhild Biesenbach, Helmut Dammann-Tamke, Hans-Jürgen Detje, Rosemarie Eschermann, Udo Feindt, Klaus-Dieter Gerkens, Oliver Grundmann, Marcel Haberkorn, Rainer Jürgens, Robert Kamprad, Hermann Krusemark, Silja Köpcke, Gerhard Seba, Kai Seefried, Matthias Steffen, Rolf Suhr, Torben Vagts, Christiane von der Decken, Marianne Wiebusch, Horst Wilkens
SPD: Astrid Bade, Heino Baumgarten, Wilfried Ehlers, Hans-Uwe Hansen, Hans-Werner Hinck, Kai Holm, Silke Ochmann, Michael Ospalski, Martina Pfaffenberger, Björn Protze, Bernd Reimers, Stefan Schimkatis, Kersten Schröder-Doms, Harald Stechmann, Siegfried Stresow, Petra Tiemann
FWG: Uwe Arndt, Carsten Brokelmann, Frank Buchholz, Bodo Klages, Gerd Lefers, Johann Schlichtmann
Linke: Rainer Auf’m Kampe, Benjamin Koch-Böhnke
Gröne: Karin Aval, Michael Gerkens, Hartwig Holthusen, Ursula Männich-Polenz, Thomas Schäfer, Verena Wein-Wilke
AfD: Jens Dammann, Jan Hensen, Elke H. Roitsch van Almelo, Lars Seemann, Helmut Wiegers
FDP: Dörte Matthies, Peter Rolker
Piraten: Richard Bodo Klaus

Landrääd

Landraad	Partei	Tied
Karl Schwering		1932-1945
Hinnerk Hellweeg	NLP	1945-1946^[1]
Nicolaus von Borstel	SPD	1946-1948^[2]
Peter Tobaben	DP	1948-^[3]
Hinrich Schleßelmann	CDU	-1972
Helmut Barwig	SPD	1972-1976
Richard Toborg	CDU	1976-1989
Richard Wilke	CDU	1989-1999
Gunter Armonat	parteilos	1999-2006
Michael Roesberg	parteilos	2006-

Oberkreisdirekters

Februar 1946-: Werner Grube^[4]
1956–1977: Thassilo von der Decken^[5]^[6]
April 1977–Oktober 1979: Gerhard Geerdts (ahn Partei, wählt mit de Stimmen von CDU un FDP)^[7]
1980–1987: Dieter Diekmann (CDU)^[8]
1987–1999: Karsten Ebel (CDU, von 1998 af an ahn Partei)^[9]

Weertschop un Infrastruktur

De ländlich Inwohners leevt to’n groot Deel vun de Landweertschop, besünners veel vun’n Aaftanbo (veel Appeln un Karsen). De Tall vun de Speditschonen is dorum höger as woanners. Vele Lüüd arbeidt bi de groten Ünnernehmen as dat Dow-Wark Stood, AOS, dat Airbus-Wark Stood oder E.ON, föhrt ober ok as Pendler no Hamborg. In’n Olen Land maakt sik ok de Tourismus ganz goot, mit vele Hotels un Kröög.

No dat Weertschopsblatt Focus Money is de Landkreis Stood eener vun de stärksden in Neddersassen un dormit beter as de Landkreis Eemsland mit de Meyer-Warft, as Soltgitter mit Salzgitter Stahl un ok as Wulfsborg mit Volkswagen. In’n Vergliek to ganz Düütschland liggt de Kreis op Platz 24. Öber Straten, Iesenbahn un de Elv is de Landkreis Stood mit Europa un de ganze Welt verbunnen.

Verkehr

Stratenverkehr

Mit de Bundsstraat 73 is de Landkreis teemlich good an dat Hamborger Rebeet anbunnen. Dit is de op’t mehrst bruukte Bundsstraat mit twee Spöör in Düütschland. En ne’e Autobohn A 26 warrt boot un schall bi Hamborg-Moorborg an de annern Autobohnen ansloten warrn. Dor is betherto man eerst de Afsnidd von Stood bet Jörk von trech. En twete Autobohn, de A 20 warrt jüst utklamüstert un schall bi Drochters öber de Elv gohn. Bit nu gifft dat twüschen Cuxhoben un Hamborg blots de ene Fähr bi Wischhoben, üm öber de Elv to komen. De A 20 geiht jichtensmool denn över Bremervöör na’n Wersertunnel hen.

De Landkreis Stood is as Dreger tostännig för üm un bi 380 Kilometer Kreisstraten (Kreisstraten in’n Landkreis Stood).

Iesenbahnverkehr

De Landkreis Stood hett eenige Bohnhööv de mehrst an de Nedderelvbohn ansloten sünd. En Deel is ok an de Iesenbahnen un Verkehrsbedrieven Elv-Werser GmbH. Siet den 12. Dezember 2004 is de hele Kreis an den Hamborger Verkehrsverbund (HVV) ansloten. De HVV will mit siede Priesen in Bus un Bohn Autoföhrer to dat Iesenbahnführen rümkriegen. De Bohnhoff vun Stood schall bit Dezember 2007 an de Hamborger S-Bohn ansloten warrn. För de Industrie gifft dat in Brunshusen, en Oortsdeel vun Stood, enen Bohnhoff de mehrst vun de Dow Chemical un de beiden groten Speditschonen Bertschi un Alfred Talke bruukt warrt.

Schipperee

Nich wiet vun de Stadt Stood is Stodersand, vun wo ene Snellfähr vun Fröhjohr bit Harvst no Hamborg föhrt. In Stodersand gifft dat enen lüttjen Hoven, de ok för de Industrie jichtensmool för Containers utboot warrn schall. No dat Affboon vun dat Stoder Atomkraftwark is nu dat Upboon vun en Kohlkraftwark in’n Snack, un de Hoven müsst wieter utboot warrn.

Scholen

De Landkreis Stood is Dreger von de Beroopscholen Buxthu, Stood I, Stood II un Stood III, de Förderscholen Albert-Schweitzer-School in Buxthu, Astrid-Lindgren-School in Freeborg, Balthasar-Leander-School in Harsfeld, Friedrich-Fröbel-School in Stood un de Förderschool Ottenbeek un de Gymnasiums Vincent-Lübeck-Gymnasium in Stood, Athenäum in Stood un Au-Geest-Gymnasium in Harsfeld.

Polizei

De Landkreis Stood billt binnen de Polizeidirekschoon Lümborg von de Polizei Neddersassen de Polizeiinspekschoon Stood. Dor doot üm un bi 250 Beamte arbeiden. De Polizeiinspekschoon Stood un dat Polizeikommissariat Buxthu sünd 24 Stünnen an’n Dag besett. De annern Polizeistatschonen hebbt blots in de Week to normale Warktieden apen. Polizeistatschonen gifft dat in: Freeborg, Drochters, Olendörp, Himmelpoorten, Freenbeek, Harsfeld, Obbens, Hornborg, Jörk un Steenkark.

De Noodrööp ünner de Telefonnummer 110 kaamt in de Insatzleidstell in Stood an un warrt von dor an de tostännigen Deenststellen wiedergeven.

Historie

De Landkreis Stood is in’t Johr 1932 ut de vörher sülvstännige Kreisen Jörk (utbenahmen de Rebeden in’n Oosten von de Eest mit Francop, Hasselwarder, Hoov, Cranz, Rübk, Nincop un Moorenn, de an den Landkreis Horborg gahn sünd), Keden un Stood un de Gemenen Grootweurn, Hüll un Neeland von’n Kreis Neehuus nied schopen wurrn.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Stood op Landkreis Stood ännert.

Baas von de Kreisarchäologie is Dietrich Alsdorf, as Nafolger von Diether Ziermann.

Wapen

Dat Wapen von’n Landkreis wiest baven vörn op gollen Grund en swarten Toorn, baven achtern op blauen Grund en sülvern Slötel un ünnen op roden Grund en sülvern Peerd, dat springt.

De Toorn steiht as Symbol för de Tied von de Grafen von Stood in dat 10. bet 12. Johrhunnert. De Slötel kummt ut dat Wapen von dat Arzstift Bremen, to dat dat Rebeed von’n Landkreis fröher tohöört hett. Dat is toglieks ok noch dat Wapen von de Stadt Stood. Dat Sassenross steiht för de Tied in dat Königriek Hannover un in dat hüdige Neddersassen.

Religion

Dat Kreisrebeet is tomeist evangelsch-luthersch instellt. De Karkengemenen höört to de Landskark Hannober. Kathoolsche Gemenen, de to dat Bisdom Hilmessen tellt, hebbt sik sünners na den Krieg bildt tomeist dör de Towannerten vör allen ut Slesien un dat Ermland, aver ok vun Gastarbeiders ut Süüdeuropa oder Utsiedlers ut Oosteuropa. In de letzten Johren geev dat vele, de ut de Karken rutgahn sünd. Dorüm sünd de Karken dorbi, sik nieg to orden. T. B. weern de kathoolschen Karkengemenen vun Zeven un Rodenborg tohopenfaat to de „Seelsorgeenheit Rodenborg-Zeven“. In’n Kreis leevt aver ok vele Muslime, Liddmaten vun Freekarken un Tügen vun Jehova.

Kultur

Üm de kulturellen Inrichten vun’n Landkreis kümmert sik de Landschapsverband Stood, wat en indragen Vereen is.

1952 hett de Landkreis en Patenschop för den Kreis Goldap in Oostprüßen övernahmen. Dat heet, dat de Landkreis sik insett för dat Wohren von de Kultur un Geschicht von de Lüüd, de na’n Tweten Weltkrieg ut’n Kreis Goldap flücht un verdreven worrn sünd un sik in de Kreisgemeenschop Goldap tohoopslaten hebbt.