Vöärblad

Wat is neadersassisk?

Et sassiske taalgebeed

Et neadersassisk, of kortweg sassisk, is en westgermaanske språke dee vöäral spröäken wördt in et noordousten van Neaderland en in et noorden van Düütskland. De skattingen van et antal spreakers loupet uuteyene van 5-10 miljoon, afhangelik van de måte van beheyrsking. Der is geen officiele standardiseerde form van et neadersassisk: et besteyt uut verskillende dialekten dee samen en dialektkontinuum formet.

In Neaderland wördt et spröäken in de provinsys Grönningen, Drente en Oaveryssel; up de Veluwe en in de Achterhook (Gelderland); in de Stellingwarven (Freeslaand); en up Urk (Flevoland). Ouk buten Europa binnet der gemeynskappen dee en sassisk dialekt pråten, de belangrykste binnet et plautdietsch (heyl Amerika) en et oustpommersk (Brasilie). De språke wördt underverdeyld in en antal höyvddialektgruppen: noordsassisk, grönningsk-oustfreesk, westfålsk, oustfålsk en oustneadersassisk. Der bint meyrdere skryvwysen vöär de språke.

Wikipedia

Welkom by de neadersassiske uutgåve van Wikipedia. Wikipedia is en internetencyklopedy dee döär vrywilligers maked wördt en under en vrye licensy uutgeaven wördt. Dit beteykent dat de inhold anderweagens ouk gebruked mag wörden. Ydereyne kan sik inskryven en deran midwarken. Et projekt is beskikbår in ruum 300 verskillende språken, en et antal språken groit noch altyd.

Disse wiki besteyt sinds 24 määrt 2006. Sinds dee tyd kün jy hyr al artikels leasen en skryven in de neadersassiske dialekten uut Neaderland. Vöär de neadersassiske dialekten uut Düütskland kün jy terechte up de düütsk-sassiske wiki, of up disse wiki in de Nysassiske Skryvwyse.