Islam
![](http://upload.wikimedia.org/wikipedia/commons/thumb/4/4e/Allah-green.svg/250px-Allah-green.svg.png)
In Izlām ca inic ōme teōmatiliztli oc ye cencah manihua tlālticpatli auh motlahcohuiā īpan tlacēcempōhualōni īcelteōtēizcaltiliztica[1] īhuān in tlatōctilōni necēcetiliztli ītloc cequi teōmatiliztica tlayehyecoliztli. In alapiatlahtōlli Izlam quihtōznequi "in tētlacamatiliztli" ītech Dios. In īnelhuayōtlahtōl ca slm, motēnēhua salm, quihtōznequi "ahzōmālli", auh ītech quīza in tlahtōlli azlama, in quihtōznequi "ōmoteōxiuhtilih, ōmopolhuih". In Izlam (ahnozo Al-Izlam) ca teōmatiliztli in quihuīca ahzōmālli ītloc tlācatl in ihcuāc zan ye nō quimomaquiliā in Dios īhuān quimopohpolhuiā ītech īceyaliz. In mahomatlācah quineltocah in Dios īceyaliz ōmonēxtilih īhuīcpa Qur´an (Còlhān), in āmoxtli in tlein ōquitlattitihticatca in Dios ītītlan, Mahoma (572-632).
Mahoma ītech pōhuiya in tlayacapan Quraysh, teōcalpōlli in quipiya in teōtepancalli quimatini ic tōcāitl Ka´ba īpan pōchtēcaāltepētl in ītōcā Makka (La Meca). Īpan 616 xihuitl, Mahoma quin iuhti ca tlanēxtīlli monequi ca yehhuātl quiteōmanaya huīccopa tlateōtoquiliztli īhuān īmiyateōtēizcaltiliz[2] in tlein ōquiyehyecoāyah in álapeh tlayacapan. Īpan 622 xihuitl quinhuīca in ītlatoquiltin huīcpaco Madina (Metina), in cānin ōquitlatquic, ōcāxcāhuih in tēpacholiztica hueliyōtl, mā ōmocempōuh ītech ahtēīxnāmictiliztli in teōyōtica tēīxmauhtiliztli. In ihcuāc ayamo īmiquiliz īpan 632 xihuitl, mochi Alapiatlān ye ōquimalcocholiāya in izlámica teōmatiliztli ahnozo ōquiceliliāya in nenāhuatiliztli ītechpa ahzōmālli in ōquitlamanilih in āchtopaihtoāni.
Quil quihtoah in mahomatlācah, in nenēxtīlli[3] in Mahoma ōquicēlih īc Teōtl Allah, īnoquīpan 20 xihuitl, mololoā īpan Colhán (q.n. "In Tēmpōhualiztli") in teōyoh tlahcuilōlli īpan Izlam. In āchtopaihtōani nō quimīxcomacaya in īmachiliz ōquicuīc ītech heprea teōtlahtōlli. In tētoquīlli tlahcuilōlli ca ye ahcoquīzqui in Hadīz, in tlein pixca in nehtōlli īhuān in nechīhualli īpan Mahoma. Īpan yehhuātl moquetza iuh machiyōtl īpampa in tlācayōtl, in huīc tētlācamatiliztli ītech in Dios ceyaliztli. In mahomatlācah quimachtiah in Izlam ca Ādám īteōmatiliz īhuān in mochintin netītlaniltin āchtopaihtoānih in tlein Dios ōquintītlan ītloc tlācatl īpampa quīlōchtiā in nelli ohtli. Ca iuh tlamaniztli in quiteōtocah Apraham, Moxé īhuān Jesús iuh īāchtopaihtohcāhuān Dios. Mā zo tēl quineltocah ca tlacuitlapancāyōtl in Mahoma, īpampa in Colhán tlami quīxīptlati in mochi nenēxtīlli.
In āchtopa yōlpachihuiliztli in Izlam quihtoā īhuīcpa in Xahada, (in tēnēhualli mozolmana) Mahoma tlācatēnēhualli īneltoquiliz: "Ahmo mantimani teōtl zan cē Allah, auh īāchtopaihtohcāuh ca Mahoma". Īpan inin netētlahpaltiliztli momoloca in yōlpachihuiliztli: (1) in tlācaahtlapalehqueh (angeles), nōncuahquīzqui in Hueyatlapaleh Capuliel; (2) īpan Āmoxtli ītechpa Nenēxtīlli (ītech yudía tēizcaltiliztli īhuān cristiana tēizcaltiliztli, oc nō īpan Còlhān); (3) īpan tecpāntiliztli in āchtopaihtoānih; auh (4) īpan tlacuitlapancāyōtl ilhuitl, īpan Tētzontequilizilhuitl.