ورگ
![]() ورگ | |
---|---|
کلینی (=خاکستری) ورگ
| |
بقایِ وضعیت | |
![]() انقراض خطر وجود ندارنه |
|
رج مرتبه | تی[۲][۳] |
علمی طبقهبندی | |
قلمرو: | جانوران |
چله: | رسندارون |
کلاس: | کالهدارون |
راسته: | گوشتخارون |
خانواده: | سگمونائون[۴] |
تی: | سک |
نوع: | C. lupus |
علمی نوم | |
Canis lupus [۲][۳] ک. لینه٬ ۱۷۵۸ |
|
حاملگی دوره | 62 روز |
![]() |
|
کد ره دچیین - دچیین ![]() |
ورگ یا ورک یا ورکا اتا گوشخار حیوون هسته که کالهدارون رج دله دره. ورگ سگمونایی هسته که گته و سگ ره مونده و اتّا دکته دم هم دارنه. ورگون رنگ مختلفه ولی بطور کلی خاکستری و زرد یا قهوهیی مخلوط با سیو میئون هستنه. به صورت اتا خونواده یا گلهی هفتایی که چنتا خونواده جه تشکیل وانه دله بدییه وانّه. معمولاً روز شکار کانّه، به ویژه صواحی گادِر به گاسفن حمله کانّه، و گاهی هم شو گاسفن کِرف ره حمله کانّه.[۵]
مازرون دله هم ورگون مختلف وجود دارنه. وشون دله ات جور خاکستری ورگ دَره که ونه نوم «کاسپینی ورگ» یا «قفقازی ورگ» هسته. این ورگ ِتَلِکِه دَر کَفِنه (= دَر منقرض وانه) و وه خله کمیاب بَیییه.[۶]
نوم
[دچیین]- ورگ ِکلمهیِ ریشه هندو-اروپایی زوونون ِدله اول جه هم وجود داشته و بصورت /wer-/ بییه؛
- ات مرحله بعد و اولیه ژرمنی زوونون دله wargaz یاغی و چموش معنی جه دَیییه
- کمی بعدته باستانی انگلیسی دله wearh یا wearg یا werg بوجود بموئه، میونه انگلیسی دله هم wari یا weri داشتنه، باستانی ساکسون دله هم warg یا warag اتا اسطورهای ورگ نوم بییه که وحشی و قهرمونهایِ دِشمن بییه.
- باستانی هلندی دله warg، میونه هلندی دله werch یا warch و امروزی هلندی warg کاربرد دانّه.
- باستانی بالایی آلمانی دله warg، میونه بالایی آلمانی دله warc، باستانی اسکاندیناوی دله vargr معنی داشتنه.
- هَنتا ایسلندی دله vargur، فارویی دله vargur، سوئدی دله varg، دانمارکی دله varg، انگلیسی دله warg، فلاندی دله varas و استونیایی دله varas همون معانی ره دارنه.
ورگ ِکلمه گیلکی دله vərg تلفظ وانه و فارسی دله کمکم گرگ بیّه. تبرستون تاریخ سِراق دِنه که گرگان ِنوم این کلمه جه بَییته بیّه. گرگان نوم قبل اسلام «ورکانه» بییه که یونانیون شه لهجه دله وه ره «هیرکانیا» گاتِنه.[۷]
این کلمه اسکاندیناوی ِاسطورهها دله هَنتا اتا کاراکتر هسته.[۸]
منبع
[دچیین]- ↑ Cetartiodactyla
- ↑ ۲٫۰ ۲٫۱ عنوان : Integrated Taxonomic Information System — تنک بیّن تاریخ: ۱۳ ژوئن ۱۹۹۶ — لینک : شناسهٔ آرایهشناختی یکسانسازی شدهٔ — هارشیین تاریخ: ۱۹ سپتامبر ۲۰۱۳
- ↑ ۳٫۰ ۳٫۱ دچیکر: دان ئی. ویلسون و DeeAnn M. Reeder — عنوان : Mammal Species of the World — ناشر: انتشارات دانشگاه جانز هاپکینز — چاپ سوم — ISBN 978-0-8018-8221-0 — لینک : http://www.departments.bucknell.edu/biology/resources/msw3/browse.asp?s=y&id=14000738 — هارشیین تاریخ: ۱۹ سپتامبر ۲۰۱۵
- ↑ Canidae
- ↑ فارسی ویکیپدیا: گرگ
- ↑ گیلکی ویکیپدیا: ورگ
- ↑ ورگ ِسایت: پیشاشو گب
- ↑ انگلیسی ویکیپدیا