အနက်ရောင်
အနက်ရောင် | |
---|---|
![]() | |
Hex triplet | #000000 |
sRGBB (r, g, b) | (0, 0, 0) |
HSV (h, s, v) | (0°, 0%, 0%) |
CIELChuv (L, C, h) | (0, 0, 0°) |
ရင်းမြစ် | HTML/CSS[၁] |
B: Normalized to [0–255] (byte) H: Normalized to [0–100] (hundred) |
အနက်ရောင်သည် မြင်နိုင်သောအလင်းမှ အလုံးစုံ ကွယ်ပျောက်သည့်ရလဒ် သို့မဟုတ် အဖြူရောင်၏ ဆန့်ကျင်ဘက်အရောင် ဖြစ်သည်။ အနက်ရောင်အား မှောင်မည်းမှုကို ကိုယ်စားပြသည့် အသွင်လက္ခဏာအဖြစ် အသုံးပြုကြသည်။[၂] အဖြူရောင်နှင့် အနက်ရောင်ကို ကောင်းမှုနှင့် မကောင်းမှုအဖြစ် ဖော်ပြရာတွင် တခါတရံ အသုံးပြုကြသည်။[၂] အနက်ရောင်သည် လေးနက်မှုနှင့် အခွင့်အာဏာအတွက်လည်း ကိုယ်စားပြုဖော်ပြလေ့ရှိပြီး တရားသူကြီးများမှ အသုံးပြုသည်ကို တွေ့ရသည်။
အနက်ရောင်ကို ရှေးခေတ်အီဂျစ်လူမျိုးများနှင့် ဂရိလူမျိုးများက မြေအောက်ကမ္ဘာ၏ အရောင်အဖြစ် အသုံးပြုခဲ့ကြသည်။[၃] ရောမအင်ပါယာလက်ထက်တွင် အနက်ရောင်သည် ပူဆွေးသောကရောက်ခြင်းအတွက် အရောင်ဖြစ်လာခဲ့ပြီး ရာစုနှစ်ပေါင်းများစွာ အနက်ရောင်သည် သေဆုံးခြင်း၊ နတ်ဆိုး၊ စုန်းကဝေများနှင့် မှော်အတတ်ပညာများနှင့် ဆက်နွယ်မှု ရှိခဲ့သည်။[၄] ၁၄ ရာစုနှစ်တွင် ဥရောပ၌ အနက်ရောင်အား သစ္စာစောင့်သိခြင်း၊ ဓမ္မကျမ်းဆရာများ၊ တရားသူကြီးများနှင့် အစိုးရပုဂ္ဂိုလ်တို့က ဝတ်ဆင်ခဲ့ကြသည်။ ၁၉ ရာစုနှစ်တွင် အင်္ဂလိပ်လူမျိုး စိတ်ကူးယဉ်အချစ်ကဗျာဆရာများ၊ စီးပွားရေးသမားများ၊ အစိုးရအရာရှိများက ဝတ်ဆင်ခဲ့ကြသည်။ ၂၀ ရာစုနှစ်တွင် အနက်ရောင်သည် အဆင့်မြင့် ဖက်ရှင်အရောင်တခု ဖြစ်လာခဲ့သည်။[၂] ဥရောပနှင့် မြောက်အမေရိကတိုက်ရှိ စစ်တမ်းများအရ အနက်ရောင်သည် ဝမ်းနည်းပူဆွေးခြင်း၊ အဆုံးသတ်၊ လျို့ဝှက်ချက်၊ မှော်ပညာ၊ အင်အား၊ ကြမ်းတမ်းမှု၊ မကောင်းမှု။ ကြောက်ရွံ့မှုနှင့် အလှတရားတို့ကို အများဆုံး ဆက်နွယ်သည်ကို တွေ့ရှိရသည်။[၅]
အနက်ရောင်သည် စာအုပ်များ၊ သတင်းစာများနှင့် စာရွက်စာတမ်းများတွင် ဖတ်ရှုရန်အလွယ်ကူဆုံးအရောင်ဖြစ်သောကြောင့် အသုံးအများဆုံး မှင်အရောင်အဖြစ် အသုံးပြုကြသည်။ ထို့နည်းတူစွာ ကွန်ပျူတာဆခရင်များတွင်လည်း အဖြူရောင်နောက်ခံဖြင့် အနက်ရောင်စာသားများကို အသုံးပြုလေ့ရှိသည်။[၆] ၂၀၁၉ ခုနှစ် စက်တင်ဘာလအရ အနက်ဆုံးအရောင်ရှိသောအရာဝတ္ထုကို မက်ဆာချူးဆက် စက်မှုတက္ကသိုလ်မှ အင်ဂျင်နီယာများက ကာဗွန်နာနိုပြွန်ချောင်းမှ ဖန်တီးပြုလုပ်ခဲ့သည်။[၇]
ကိုးကား
[ပြင်ဆင်ရန်]- ↑ CSS Color Module Level 3 (19 June 2018)။ 29 November 2017 တွင် မူရင်းအား မော်ကွန်းတင်ပြီး။ 4 April 2007 တွင် ပြန်စစ်ပြီး။
- ↑ ၂.၀ ၂.၁ ၂.၂ Eva Heller, Psychologie de la couleur – effets et symboliques, pp. 105–26.
- ↑ Wilkinson၊ Richard H. (2003)။ The Complete Gods and Goddesses of Ancient Egypt။ London: Thames & Hudson။ ISBN 978-0-500-05120-7။
- ↑ St. Clair 2016, p. 261.
- ↑ Eva Heller (2000) Psychologie de la couleur – effets et symboliques, pp. 105–27.
- ↑ Eva Heller, Psychologie de la couleur – effets et symboliques, p. 126.
- ↑ Jennifer၊ Chu။ "MIT engineers develop "blackest black" material to date"၊ MIT News Office၊ 12 September 2019။