Caracas
Caracas, oufecialmente Santiago de Lheón de Caracas, ye la Capital Federal de la República Bolibariana de Benezuela, assi cumo sou centro admenistratibo, financeiro, comercial i cultural, cumo cidade capital de la Nacion i de l Çtrito Capital. Ye sede de ls Poderes que forman l Stado Benezuelano.
L Poder Eisecutibo, cun sue sede ne l Palácio de Miraflores. L Poder Lhegislatibo ne l Palácio Federal Lhegislatibo, l Poder Judiciário ne l Tribunal Supremo de Justícia, l Poder Eileitoral ne l Centro Simón Bolíbar i l Poder Cidadano cula Cuntroladoria Giral de la República, la Defensoria de l Pobo i l Menistério Público. Para alhá de ls percipales centros de la Admenistraçon pública central, Anstituiçones i tamien Organismos de l Stado.
Stá lhocalizada ne l Munecípio Lhibertador, de l Çtrito Capital, i ls munecípios Chacao, Baruta, El Hatillo i Sucre, que forman parte de l Stado de Miranda i custituien l Çtrito Metro de Caracas, cun quien cumpartilha ua populaçon i cria la Grande Caracas cun ua populaçon total stimada oufecialmente de 5 milhones de habitantes pa l anho 2008.
Se ancontra na zona centro-norte de l paíç, a uns 15 km de l Mar de l Caribe, apartada deste pul Parque Nacional El Ábila, mas conetada pula Outoestrada Caracas-La Guaira por tres biadutos eilebados que, junto la dous túneis, permiten la conexon de la capital cula cuosta caribenha (Lhitoral Central de la Benezuela) i ls percipales aeroportos i portos marítimos de l paíç an 20 minutos. Buona parte de la cidade ye atrabesada pul Río Guaire an sentido sudoeste-nordeste.
Stória
[eiditar | eiditar código-fuonte]![](http://upload.wikimedia.org/wikipedia/commons/thumb/9/9b/19_de_abril.jpg/210px-19_de_abril.jpg)
La cidade de Caracas fui fundada an 1567 cul nome de Santiago de Lheón de Caracas, pul splorador spanhol Diego de Losada.
Caracas fui a tierra natal de dues proeminentes figuras stóricas de la América Lhatina: Francisco de Miranda i "El Lhibertador" Simón Bolíbar.
An 26 de márcio de 1812 Caracas fui çtruída por un terremoto, que las outoridades lhocales julgórun cumo ua puniçon debina pula desobediéncia de ls natibos a la corona spanhola. La Benezuela se ancontraba an plena guerra de andepéndencia. Simón Bolíbar, al saber de tal çpautério, respundiu cula famosa frase: "Se la natureza se oupone (a la andependéncia), lhutaremos contra eilha i fazeremos que ne ls oubedeça".
Al lhongo de l seclo XX, Caracas se tornou un de ls centros financeiros de la América de l Sul, debido principalmente al zambolbimiento gerado pulas altas dibisas de l petrólio.
Bandeira
[eiditar | eiditar código-fuonte]Na bandeira de Caracas, l brason de armas de la cidade se subrepone a un fondo burmeilho-bino. L fondo burmeilho simboliza l sangre derramado pul pobo de Caracas an fabor de la andependéncia i de ls eideias nacionales. L zeinho oureginal de la bandeira de la cidade surgiu na década de 1980, mas an 1994, presumiblemiente resultando de la troca de outoridades municipales, fui decidido que l brason de armas serie oumentado, cunfiguraçon que reina até hoije.
Lhocales de antresse
[eiditar | eiditar código-fuonte]![](http://upload.wikimedia.org/wikipedia/commons/thumb/d/db/Parque_del_Este_-_Fuente.jpg/200px-Parque_del_Este_-_Fuente.jpg)
Capitólio Nacional
[eiditar | eiditar código-fuonte]L Capitólio Nacional acupa to un quarteiron i, cun sous domos dourados i arranjos neoclássicos, parece inda maior.
Parque del Este
[eiditar | eiditar código-fuonte]Un paraíso berde ne l meio de la cidade , adonde dibersas atebidades puoden ser feitas. Ye un parque adonde animales típicos de la region puoden ser bistos nun pequeinho zológico. Ua réplica de l famoso nabio guiado por Cristófe Colombo, l Santa Marie, stá na parte sul de l parque. Fui einaugurado an janeiro de 1961 i ten ua superficie de 82 heitares, que fazien parte de ls huortos de café San Jose i La Cienaga. Ye ua obra de l arquiteto Roberto Burle-Marx, l mesmo que zenhou la moderna cidade de Brasília, capital de l Brasil.
Eiquenomie
[eiditar | eiditar código-fuonte]![](http://upload.wikimedia.org/wikipedia/commons/thumb/e/e0/Banco_de_Venezuela_building.jpg/200px-Banco_de_Venezuela_building.jpg)
La cidade de Caracas an sue cundiçon de capital de la Benezuela, ye sede de numerosas ampresas de serbícios, bancos, centros comerciales, houteles, antre outros. Sue atebidade ye an quaije 100% de carátener de serbícios efetuando alguas andústrias stablecidas an sue ária metropolitana, principalmente an Los Cortijos, al lheste de la cidade i an La Yaguara, ne l oeste. La cidade capital tamien ye sede de la Bolsa de Balores de Caracas, ancarregada de ouparaçones de cumpra i benda de strumientos outorizados para sue negociaçon ne l mercado pulsátil. La Bolsa de Caracas se ancontra ne l munecípio Chacao.
Tamien na cidade stá lhocalizada las sedes percipales de l Petrólios de Benezuela (PDBSA) que ye la maior ampresa de l paíç, zde adonde se negocian todos ls acuordos anternacionales para la çtribuiçon i sportaçon de petrólio cun outros países, alen de más se ancontran ls scritórios percipales de la Ampresas Polar, la maior cumpanha pribada de l paíç i la maior ampresa perdutora de bubidas i quemidos na Benezuela, cun un portfólio de marcas lhíderes i preferidas puls cunsumidores de l paíç.
La CANTB, ten sue sede percipal an Caracas, ye ua de las purmeiras ampresas de telecomunicaçon benezuelanas. Sous serbícios ban zde Telefonia (sendo sue percipal filial Mobilnet que spande la ária de telefonia telemoble) que ye sue percipal fuorça, até serbícios cumo benda de cumputadores, serbícios de conexon la Anterneta Dial-up i conexon la Anterneta por Banda ancha.
Turismo
[eiditar | eiditar código-fuonte]![](http://upload.wikimedia.org/wikipedia/commons/thumb/5/55/TelefericoCCS1.jpg/200px-TelefericoCCS1.jpg)
Caracas, cumo capital, ye ua cidade mui dibersa, yá que cunta cun ua grande quantidade de parques, praças, arquitetura moderna i quelonial, eigreijas, passeios, bulebares, centros comerciales, etc. Desta maneira, oufrece als residentes caraquenhos i la turistas l melhor de sue cultura i serbícios.
Monumentos, eidifícios públicos i lhugares stóricos
[eiditar | eiditar código-fuonte]![](http://upload.wikimedia.org/wikipedia/commons/thumb/3/32/Park_central.jpg/180px-Park_central.jpg)
Caracas, ye ua cidade que cunta cun ua storia que se rebela an sues eidificaçones. Principalmente esto se debe la que la maiorie de sous monumentos, eidifícios i sítios amportantes, son de épocas passadas que se ten mantido atrabeç de l tiempo. Un eisemplo çto ye la Casa Natal de Simón Bolíbar, que inda se ancontra an pie anque tener más de 200 anhos de antiguidade. Alguas outras custruçones similares, pertencentes la aqueilha época, tamien se mantén an pie, tales cumo l Palácio de las Academias, la Casa de Campo de Guzmán Blanco i anclusibe l Palácio de Miraflores.
Para alhá desta, tamien cunta cun monumientos adonde se repersenta la storia de la Benezuela, cumo l Panteón Nacional, l qual se aloja ls restos de Simón Bolíbar, assi cumo de outros heiróis i personaiges çtacados de la storia de la Benezuela.
Outro sitio stórico de Caracas ye Anauco Arribauna casa de campo de l seclo XVII , la eidificaçon más antiga de Caracas i cunsidrada cumo patrimonho stórico de la Benezuela.
Inda assi, Caracas tamien cunta cun eidificaçones modernas cumo Las Parque Central Torre, son las segundas torres más altas de América de l Sul depuis solo de la torre L Farol de Medellín, na Colómbia.
Eidificaçones Relegiosas
[eiditar | eiditar código-fuonte]Caracas cunta cun ua série de eidificaçones relegiosas repartidas por to sou território. Alguas de las eidificaçones más coincidas son la Catedral de Caracas, sendo la purmeira eigreija custruída an Caracas, por buolta de l anho 1641. Eilhi mesmo, fui batizado Simón Bolívar.
Para alhá desta, alguas eidificaçones cumo la Sinagoga Tiféret Eisrael l maior templo judío de l paíç ecomo la Mezquita Ibrahin Al-lbrahin, coincida cumo la segunda maior mesquita de la América Lhatina. Tamien, la Eigreija de San Custantino y Santa Eilena forma parte de 15 templos relegiosos deste tipo ne l mundo i solo dous deilhes stan fura de la Roménia, fui doada pula Eigreija Ourtodoxa de la Benezuela i l Gobierno de Roménia. Cabe sinalar que alguas de las eidificaçones relegiosas de Caracas, son eidificaçones custruídas hai más de 100 anhos. Un eisemplo çto ye la Eigreija de San Francisco. Ye nesta eigreija adonde se antregou la Bolíbar l títalo de Lhibertador.
Praças
[eiditar | eiditar código-fuonte]![](http://upload.wikimedia.org/wikipedia/commons/thumb/6/6a/PlazaBolivarDeChacao2004-8.jpg/200px-PlazaBolivarDeChacao2004-8.jpg)
![](http://upload.wikimedia.org/wikipedia/commons/thumb/5/5c/PlazaFrancia2004-9.jpg/200px-PlazaFrancia2004-9.jpg)
![](http://upload.wikimedia.org/wikipedia/commons/thumb/1/16/Plaza_Juan_Pablo_II.jpg/200px-Plaza_Juan_Pablo_II.jpg)
• Plaza Bolíbar de Caracas: la maior praça de to Caracas, lhocalizada ne l Casco Central de la cidade, na mesma se ten ua houmenaige al Lhibertador; al redror deilha se ancontran la Catedral de Caracas, l Palácio Municipal i l Museu Sacro.
• Plaza Benezuela: ye un moderno passeio pedonal i çtribuidor biário que abriga bários monumentos, antre eilhes ua fuonte i alguas sculturas, assi cumo ua amportante zona ampresarial pulas torres de scritórios que se ancontran.
• Plaza L'Lheary: situada na ourbanizaçon El Silencio, an pleno centro de la cidade, que cunta cun dues fuontes "Las Toninas" de Francisco Narbáeç.
• Plaza Fráncia: cunsidrada la praça más turística de la cidade capital, cunta cun un amponente oublisco i xarmosos jardins.
• Plaza Alfredo Sadel: esta ye ua de las praças más amportantes de la metrópole caraquenha, nomeada an honra al musico i lhírico benezuelano Alfredo Sáncheç Lhuna, cunta cun ua anfra-strutura moderna i amponente.
• Plaza Bolíbar de El Hatillo: ye l sitio más cuncorrido puls turistas ne l poboado de El Hatillo, cunta cun un ambiente mui tranquilo i agradable, ne l centro de la praça stá ua statua de l Lhibertador, na que se ancontra repersentado de pie i mirando para la Eigreija Santa Rosalía de Palermo.
• Plaza Bolíbar de Chacao: la maior praça de l munecípio Chacao, rodeada pula Prefeitura i la Catedral desta lhocalidade.
• Plaza La Pastora: repersenta ua refréncia stórica amportante, ancrabada ne l casco central de La Pastora, lhocalidade que ten ua ampla tradiçon drento de la quemunidade caraquenha.
• Plaza de San Jacinto: melhor cunnhecida cumo Praça "El Benezolano", ye ua praça lhocalizada ne l Casco Stórico de la cidade, la praça ten ua torreta central, ne ls cercos esta la Quadra Bolíbar, cun calçadas ampedradas, al stilo de la quelónia.
• Boulebard de Sabana Grande: ye un populoso passeio caraquenho, an sou recorrido se zampengan çtintas tendas i quemércios al chegar al final de l boulebard ne l setor de Chacaito, se lhocalizan alguas sculturas cinéticas.
Parques i Passeios
[eiditar | eiditar código-fuonte]![](http://upload.wikimedia.org/wikipedia/commons/thumb/c/cd/Parque_Italo_Americano_en_Caracas.jpg/200px-Parque_Italo_Americano_en_Caracas.jpg)
• La Candelária: ye ua zona de la cidade, que cunta cun trilhos ampedrados i restos de ls carris de l bonde eilétrico que ua beç cruzou la ária. Ten ganhado grande fama por sue dibersidade gastronómica, se puoden ancontrar eicelentes restourantes specializados an quemido spanhola, canária i eitaliana.
• Paseo Los Próceres: ye ua stensa abenida que custa de monumentales statuas, calçadas, scaleiras, fuontes i muros eilaborados an mármore, para render honra i tributo als benezuelanos que lhutórun pula lhiberdade de la nacion durante la Andependéncia.
• Parque Nacional El Ábila: El Ábila ye ua straordinária reserba natural, oufrece las belezas cénicas naturales de sue flora i fauna i la amponéncia turística de l pobo de Galipan.
• Parque Ábila Mágica: un sitio predileto para la cidade, oufrece zde passeio ne l teleférico até ua pista de patinaçon subre l carambelo i caminos de stilo espanhol, que datan de la época quelonial.
• Parque Francisco de Miranda: coincido popularmente cumo l Parque de l Lheste ye un lhugar predileto pa ls "trotadores" de Caracas, cun xarmosas árias berdes, un pequeinho zológico, ua lhaguna artificial i sues çtintas atraçones recreaçones cumo l mui coincido barco de Cristóbal Colón, forman l parque más cuncorrido ne ls fines de sumana na capital benezuelana.
• Parque de Recreación Jóbito Billalba: melhor coincido cumo l Parque de l Oeste, un spácio de çfrute para todos ls caraquenhos que biben ne l lhado oeste de la cidade, quadras sportibas, jogos anfantis, ua lhaguna artificial, l anfitriato i cuncha acústica, lhanchonete i sues camineries, to esto drento de sues guapas árias berdes.
• Jardín Botánico de Caracas: ne ls spácios de la Cidade Ounibersitária l jardin botánico custitui un de ls percipales reserbatórios de fauna an Caracas i preserba la qualidade de l ambiente na ária capitalina.
• Parque Zológico Caricuao: l zológico de Caricuao mostra ua grande bariadade de animales Africanos i Amaricanos. L que faç mui special al parque ye que alguns animales puoden passear lhibremente antre las pessonas.
• Parque Zológico El Pinar: l Pinar ye un de ls parques preferidos de las crianças, pula bariadade de animales i por sue zona de cuntato. Ye un berdadeiro Oasis an plena cidade. Tamien ten ua zona special adonde se puoden admirar defrentes speces de mariposas.
• Parque Los Caobos: este ye un de ls parques más antigos de Caracas. Nel se ancontra ua de las más amportantes coleçones de arbles centenárias de la cidade, se carateriza por ser refugio de sportistas i de to aquel que deseie relaxar-se. Nel se puoden persentear ls fines de sumana obras teatrales anfantis. Próssimo al Museu de Guapas Artes, l Museu de Ciéncias, de la Galerie Nacional, Ateneu de Caracas i de l Triato Teresa Carrenho.
Outros lhocales de antresses
[eiditar | eiditar código-fuonte]• Museo de Guapas Artes: l museu más antigo de la Benezuela, oufrece obras de arte mundial antre eilhas arte eigípcia, cerámica chinesa, coleçones de cubismo para alhá de sposiçones temporales custantemente.
• Museo de Ciencias: solo an sou tipo an Caracas, se eisiben cerca de 200.000 peças de dibersas árias de las ciéncias naturales.
• Museo de Arte Cuntemporáneo de Caracas: zde 1974 oufrece mostras de obras de artistas nacionales i anternacionales de metade de l seclo XX.
• Galería de Arte Nacional: se eisiben más de 6.000 peças de arte benezuelana zde l período pré-spánico até la arte moderno. Zde 2008 se cumbertiu ne l maior museu de la Venezuela.
Recreaçon
[eiditar | eiditar código-fuonte]La cidade cunta cun dous grandes stádios de futebol: l Stádio Oulímpico (capacidade: 35,000) i l Estádio de Brigido Iriarte (capacidade: 25,000). Ls jogos de beisebol, outro sporte mui popular na Benezuela, acunten ne l Stádio Ounibersitário (capacidade: 33,0000)
Eiducaçon
[eiditar | eiditar código-fuonte]Eiducaçon superior
[eiditar | eiditar código-fuonte]- Ounibersidade Central de Benezuela
- Ounibersidade Católica Andrés Bello
- Ounibersidade Metropolitana
- Ounibersidade Nacional Spurmental Simón Rodrígueç
- Ounibersidade Simón Bolíbar
- Ounibersidade Santa Marie
- Ounibersidade José María Bargas
- Ounibersidade Monteabila
- Ounibersidade Nuoba Sparta
- Ounibersidade Spurmental Politécnica Antonio José de Sucre
- Ounibersidade Pedagógica Spurmental Lhibertador (IPC)
- Ounibersidade Aleijandro de Humboldt
- Ounibersidade Bolibariana de Benezuela
- Ounibersidade Nacional Spurmental Politécnica de la Fuorça Armada Nacional
- Ounibersidade Nacional Spurmental De los Llanos Centrales Rómulo Gallegos
- Ounibersidade Católica Santa Rosa
- Ounibersidade Nacional Spurmental Marítima de l Caribe
Trasporte
[eiditar | eiditar código-fuonte]![](http://upload.wikimedia.org/wikipedia/commons/thumb/9/9e/Francisco_de_Miranda_Avenue%2C_Caracas.jpg/200px-Francisco_de_Miranda_Avenue%2C_Caracas.jpg)
A maior cuncentraçon de redes biárias de l paíç se ancontra na region de Caracas i sues adjacéncias, cun ua grande rede de rodobias i abenidas ne l Çtrito Metro i bias ourbanas, suburbanas i anterurbanas, la rede biária se ten cumbertido nua grande ancruzilhada antre l Oucidente, l Ouriente i l Centro de l paíç. Papel nun mui bantajoso para ua cidade saturada de pessonas i beiclos de to tipo, tanto de la mesma cidade cumo de sue zona de anfluencia eimediata (Stado Bargas, Bales de l Tuy, Guarenas-Guatire, Altos Mirandinos) i de outras zonas de l paíç.
Atualmente se stá custruindo un enlace biário que conetará la Outopista Regional de l Centro (ne l km 31) cula Outopista Grande Mariscal de Ayacucho (setor Kempis), cul fin de serbir la cidade de Caracas i las bezinas Guarenas i Guatire, para que ls beiclos que se dirijan de ouriente al oucidente ó centro, i al alrobés, nun téngan la necidade de antrar la Caracas. La rota de dessa outopista serie zde als alredores de l aeroporto de Charallabe, passando por Santa Lhucia i subindo até la zona de Kempis (antre Guatire i Caucagua).
Sistemas de trasporte rápido
[eiditar | eiditar código-fuonte]![](http://upload.wikimedia.org/wikipedia/commons/thumb/2/2d/Tren_metro_de_caracas_ca%C3%B1o_amarillo.jpg/220px-Tren_metro_de_caracas_ca%C3%B1o_amarillo.jpg)
L metro de Caracas funciona zde 1983 i ye l modo más rápido i siguro de trasitar pula cidade, ambora nun chegue a muitos lhugares, atualmente ten 4 lhinhas i stan spandindo l sistema.
Caracas ye serbida pul Aeroporto Anternacional Simón Bolívar, lhocalizado na cidade bezina de Maiquetía.
Porblemas
[eiditar | eiditar código-fuonte]La cidade sofre cun bários porblemas quemuns la metrópoles de países subdesenbolbidos, cumo la desorganizaçon de l tecido ourbano, árias berticalizadas i outras que sofren cula caréncia de anfra-strutura i zambolbimiento (bairro de lhatas), bioléncia, antre outros.