इडिना मेंझेल
इडिना मेंझेल | |
---|---|
![]() इडिना मेंझेल (२००८) | |
जन्म |
इडिना मेंझेल ३० मे, १९७१ न्यू यॉर्क, अमेरिका |
राष्ट्रीयत्व | अमेरिकन |
शिक्षण | NYU Tisch School of the Arts |
पेशा |
|
कारकिर्दीचा काळ | १९९५- सद्य |
ख्याती |
|
जोडीदार |
|
अपत्ये | १ |
पुरस्कार | ऑस्कर पुरस्कार |
संकेतस्थळ http://idinamenzel.com/ |
इडिना किम मेंझेल (३० मे १९७१) ही एक अमेरिकन अभिनेत्री आणि गायिका आहे.[१] इडिना ही तिच्या पिढीतील सर्वात यशस्वी ब्रॉडवे कलाकारांपैकी एक आहे. तिच्या यशस्वी स्त्री पात्रांच्या चित्रणासाठी ती प्रसिद्ध आहे. संगीतातील सर्वोत्कृष्ट वैशिष्ट्यीकृत अभिनेत्रीसाठी तिला टोनी पुरस्कार नामांकन मिळाले.
अनेक छोट्या-छोट्या टप्प्यात आणि ऑफ-ब्रॉडवे प्रॉडक्शनमध्ये काम केल्यानंतर तिने २००३ मध्ये ब्रॉडवे म्युझिकल विकेडमध्ये एल्फाबाच्या भूमिकेची केली, ज्याची समीक्षकांनी खूप प्रशंसा केली. तसेच यासाठी तिला संगीतातील सर्वोत्कृष्ट अभिनेत्रीचा टोनी पुरस्कार मिळाला.
इडिना मेंझेलचे पात्र आणि "डिफायिंग ग्रॅव्हिटी" या गाण्याच्या लोकप्रियतेमुळे तिला थिएटर रसिकांमध्ये एक समर्पित चाहतावर्ग मिळाला. २०१४ मध्ये, मेंझेल इफ/थन म्युझिकलमध्ये एलिझाबेथ वॉन म्हणून ब्रॉडवेवर परतली, ज्यासाठी तिला तिसरे टोनी पुरस्कार नामांकन मिळाले.
मेंझेलने २०१३ पासून डिस्नेच्या थ्रीडी कॉम्प्युटर-अॅनिमेटेड चित्रपट फ्रोझन फ्रँचायझी आणि संबंधित माध्यमांमध्ये एल्साच्या पात्राला आवाज दिला; "लेट इट गो" या पहिल्या चित्रपटासाठी तिने रेकॉर्ड केलेले गाणे प्रचंड लोकप्रिय झाले. याने सर्वोत्कृष्ट मूळ गाण्याचा ऑस्कर पुरस्कार जिंकला.[२] हे गाणे आंतरराष्ट्रीय स्तरावर लोकप्रिय झाले. तसेच बिलबोर्ड हॉट १०० वर पाचव्या क्रमांकावर ते पोहोचले. मेंझेल ही चार्टवर टॉप-१० गाणे असलेली पहिली टोनी पुरस्कार विजेती अभिनेत्री बनली. गायक आणि गीतकार म्हणून, मेंझेलने सहा स्टुडिओ अल्बम प्रदर्शित केले आहेत, ज्यात आय स्टँड (२००८) आणि इडिना (२०१६) यांचा समावेश आहे. तिचा पहिला हॉलिडे अल्बम, २०१४ चा हॉलिडे विशेस, बिलबोर्ड २०० वर सहाव्या क्रमांकावर आला, जो चार्टवर तिचा सर्वोच्च स्थान असलेला अल्बम आहे.
संदर्भ
[संपादन]- ^ "Idina Menzel - Singer - Biography". web.archive.org. 2018-11-16. 2018-11-16 रोजी मूळ पान पासून संग्रहित. 2022-01-28 रोजी पाहिले.
- ^ "Idina Menzel finds success with 'Frozen' song". St. Cloud Times (इंग्रजी भाषेत). 2022-01-28 रोजी पाहिले.