II Константин
| II Константин | |
|---|---|
| Ромын эзэнт гүрний эзэн хаан | |
 | |
| Хаанчлал | 317 3 сарын 1 - 337 (Аавынхаа хаанчлал дор баруун гарын Цезарь); 337 - 340 (II Константиус, Констанс нарын хамтаар удирдаж, Галлиа, Хиспаниа, Британниаг эзэмшиж байв); |
| Бүтэн нэр | Флавиус Кладиус Константинус |
| Төрсөн огноо | 316 |
| Төрсөн газар | Арль |
| Өнгөрсөн огноо | 340 |
| Өнгөрсөн газар | Аквилея |
| Өмнөх | I Константин |
| Удаах | II Константиус ба Констанс |
| Эцэг | Их Константин |
| Эх | Фауста |
| Улс | Константины |
Флавиус Клаудиус Константинус буюу II Константин, (316-340) нь 337 - 340 онд хаанчилсан Ромын эзэн хаан юм. Их Константин, Фауста нарын ууган хүү тэрээр Арльд төрж, христийн шашны ёсоор хүмүүжжээ.
317 оны 3 сарын 1-нд 7 настай Константин Цезарийн хэргэм хүртэж, 323 онд аавынхаа Сарматичуудын эсрэг хийсэн аян дайнд оролцжээ. 10 настайдаа эцэг нэгтэй ах Криспусыг нас барсны дараа Галлиагийн захирагч болжээ.
337 онд аав нь нас барахад II Константин өөрийн дүү нар болох II Константиус, Констанс нарын хамт төр барих болов. Мөн оны 9 сард ах дүү гурав эзэнт гүрнээ хувааж авахад түүний эзэмшилд Галлиа, Британниа, Хиспаниа оржээ.
340 онд тэрээр Итали дахь дүү Констансынхаа эсрэг цэрэг хөдөлгөж, тулалдсан боловч Аквилэя дахь тулалдааны үеэр алагдсан бөгөөд түүний эзэмшил нутаг Констансын мэдэлд оржээ.
Цахим холбоос
[засварлах | кодоор засварлах]
Commons: II Константин – Викимедиа дуу дүрсний сан