Алаг бужирга

Алаг бужирга
	; Эрэгчин, эмэгчин, Польшд.
Ховордолтын зэрэглэл
	; Ховордоогүй (IUCN3.1)
Биологийн ангилал
Аймаг:	Амьтан;
Хүрээ:	Хөвчтөн;
Анги:	Жигүүртэн;
Баг:	Боршувуутан;
Овог:	Бужиргынхан;
Төрөл:	Fringilla, Бужирга;
Зүйл:	F. montifringilla;
Латин нэр
	Fringilla montifringilla; Карл Линней, 1758

Алаг бужирга, Fringilla montifringilla, урьд Алаг хуухуур бялзуухай гэж байсан, нь Бужиргынхан овгийн шувуу юм.

Тархалт

Энэхүү шувуу нь Европ, Азийн хойд зүгийн ой модонд өргөн тархсан. Нүүдлийн шувуу бөгөөд өмнөд Европ, хойд Африк, Пакистан, Энэтхэг, Хятад, Япон зэрэг улсын нутагт өвөлждөг.

Гадаад төрх

Биеийн хэмжээ, хэлбэрээр Дуулгат бужиргатай төстэй. Үржлийн улиралд эрэгчин нь хар толгой, нуруун хэсэг нь бараан, улбар шар цээж, цагаан гэдэс хэвэлтэй байна. Ууц нуруу нь цагаан, сүүл нь цагаан эмжээргүй юм.

Зан авир

Алаг бужирга голдуу ургамлын үр идэх боловч бусад бужиргаас илүүтэй ангаахайгаа шавьжаар хооллодог. Тэд модны мөчрийн ац, салаанд үүрээ засаж, гадна талыг нь хөвд хагаар нуун далдалдаг ба 4-9 өндөг гаргана.