ഹോൺഷു
| Geography | |
|---|---|
| Location | East Asia |
| Archipelago | ജാപ്പനീസ് ആർക്കിപ്പെലാഗോ |
| Area rank | 7th |
| Administration | |
Japan | |
| Demographics | |
| Population | 103,000,000 |
ജപ്പാനിലെ എറ്റവും വലുതും എറ്റവും കൂടുതൽ ജനസംഖ്യ ഉള്ളതുമായ ദ്വീപാണ് ഹോൺഷു (本州 Honshū, "പ്രധാന ദ്വീപ്" അഥവാ "പ്രധാന പ്രൊവിൻസ്" എന്ന് വാച്യാർത്ഥം) ([hoɴꜜɕɯᵝː] (
listen)). ലോകത്തിലെത്തന്നെ എറ്റവും വലിയ 7ആമത്തെ ദ്വീപാണിത്. മാത്രവുമല്ല ജാവ ദ്വീപിന് ശേഷം എറ്റവും ജനങ്ങൾ അധിവസിക്കുന്ന ദ്വീപെന്ന പദവിയും ഇതിനുണ്ട്.[1][2] 2005-ലെ സെൻസസ് പ്രകാരം 103 ദശലക്ഷം ജനങ്ങൾ ഇവിടെ അധിവസിക്കുന്നു. ലോകത്തിലെ എറ്റവും ജനസംഖ്യ കൂടിയ പട്ടണമായ ടോക്യോ ഈ ദ്വീപിലാണ് സ്ഥിതി ചെയ്യുന്നത്. കൂടാതെ ജപ്പാനിലെ പ്രമുഖ പട്ടണങ്ങളായ യോകോഹാമ, കവാസാകി, സൈറ്റാമ, ചിമ, ഹിരോഷിമ തുടങ്ങിയ പട്ടണങ്ങളും ഈ ദ്വീപിൽ തന്നെയാണ് സ്ഥിതി ചെയ്യുന്നത്. ഈ ദ്വീപിന്റെ ആകെ വിസ്തീർണം 227,962.59 ച.കി.മി ആണ്.
ജപ്പാന്റെ സാമ്പത്തിക സ്ഥിതിയിൽ വലിയ പങ്കു വഹിക്കുന്ന ഒരു പ്രദേശമാണ് ഹോൺഷു. മത്സ്യബന്ധനം, കൃഷി തുടങ്ങിയ മേഖലകളിൽ ജപ്പാന് ഹോൺഷു ഒഴിച്ചു കൂടാനാവാത്തതാണ്. ജപ്പാനിൽ എറ്റവും കൂടുതൽ അരിയുൽപാദിപ്പിക്കുന്ന നിലിഗാറ്റ ഈ ദ്വീപിലാണ് സ്ഥിതി ചെയ്യുന്നത്. ക്യോട്ടോ, നാര, കമാകുറ തുടങ്ങിയ ചരിത്രപ്രധാനമായ സ്ഥലങ്ങളും ഇവിടെത്തന്നെയാണ്.
പർവതങ്ങളെക്കൊണ്ടും അഗ്നി പർവതങ്ങളെക്കൊണ്ടും പ്രസിദ്ധമാണ് ഹോൺഷു. ലോകത്തിലെ എറ്റവും വലിയ സജീവ അഗ്നിപർവതമായ മൗണ്ട് ഫ്യൂജി ഹോൺഷൂവിലാണ്. ഇതിന് ഏകദേശം 3776 മീറ്റർ ഉയരമുണ്ട്.
1945-ൽ രണ്ടാം ലോക മഹാ യുദ്ധക്കാലത്ത് അമേരിക്ക ആദ്യമായി അണു ബോംബ് വർഷിച്ച ഹിരോഷിമ ഹോൺഷു ദ്വീപിൽ തന്നെയാണ്. 1945 ആഗസ്റ്റ്-6നായിരുന്നു അമേരിക്കൻ പട്ടാളം ഹിരോഷിമയിൽ അണുബോംബിട്ടത്. പിന്നീട് ഓഗസ്റ്റ് 9ന് നാഗസാക്കിയിലും അവർ അണു ബോംബ് വർഷിച്ചു. ആ ദുരന്തത്തിനെ അതിജീവിച്ചവർ ഹിബാക്കുഷ എന്ന പേരിൽ അറിയപ്പെടുന്നു.
ലോകത്തെ എറ്റവും ഭൂകമ്പ സാധ്യതാ പ്രദേശം കൂടിയാണ് ഹോൺഷു ദ്വീപ്. ജപ്പാന്റെ മുക്കാൽ ഭാഗത്തോളം ഹോൺഷു ദ്വീപിലാണ്.
അവലംബം
[തിരുത്തുക]- ↑ Japan Civil Registry Database 2013
- ↑ See Japan Census of 2000; The editors of List of islands by population appear to have used similar data from the relevant statistics bureaux, and totalled up the various administrative districts that make up each island, and then done the same for less populous islands. An editor of this article has not repeated that work. Therefore this plausible and eminently reasonable ranking is posted as unsourced common knowledge.
പുറത്തേയ്ക്കുള്ള കണ്ണികൾ
[തിരുത്തുക]
ജപ്പാനിലെ പ്രദേശങ്ങളുടെയും ഭരണമേഖലകളുടെയും പട്ടിക | ||
|---|---|---|
| പ്രദേശങ്ങൾ |  | |
| പ്രിഫെക്ച്ചറുകൾ | ||