വാസി
![]() വലിയ ചിത്രത്തിനായി ഇവിടെ ഞെക്കുക | |
വാസി രാശിയിലെ നക്ഷത്രങ്ങളുടെ പട്ടിക | |
ചുരുക്കെഴുത്ത്: | Cae |
Genitive: | Caeli |
ഖഗോളരേഖാംശം: | 5 h |
അവനമനം: | −40° |
വിസ്തീർണ്ണം: | 125 ചതുരശ്ര ഡിഗ്രി. (81-ആമത്) |
പ്രധാന നക്ഷത്രങ്ങൾ: |
4 |
ബേയർ/ഫ്ലാംസ്റ്റീഡ് നാമങ്ങളുള്ള നക്ഷത്രങ്ങൾ: |
8 |
അറിയപ്പെടുന്ന ഗ്രഹങ്ങളുള്ള നക്ഷത്രങ്ങൾ: |
0 |
പ്രകാശമാനം കൂടിയ നക്ഷത്രങ്ങൾ: |
0 |
സമീപ നക്ഷത്രങ്ങൾ: | 0 |
ഏറ്റവും പ്രകാശമുള്ള നക്ഷത്രം: |
α Cae (4.45m) |
ഏറ്റവും സമീപസ്ഥമായ നക്ഷത്രം: |
α Cae (65.7 പ്രകാശവർഷം) |
മെസ്സിയർ വസ്തുക്കൾ: | 0 |
ഉൽക്കവൃഷ്ടികൾ : | |
സമീപമുള്ള നക്ഷത്രരാശികൾ: |
കപോതം (Columba) മുയൽ (Lepus) യമുന (Eridanus) ഘടികാരം (Horologium) സ്രാവ് (Dorado) ചിത്രലേഖ (Pictor) |
അക്ഷാംശം +40° നും −90° നും ഇടയിൽ ദൃശ്യമാണ് ജനുവരി മാസത്തിൽ രാത്രി 9 മണിക്ക് ഏറ്റവും നന്നായി ദൃശ്യമാകുന്നു | |
ഉളി എന്നു പേരുള്ള നക്ഷത്രഗണമാണിത് മുൻപ് ഇതിനെ ശില്പിയുടെ ഉളി എന്നും വീളിച്ചിരുന്നു. ഭൂമദ്ധ്യരേഖയിൽ നിന്നുനോക്കുമ്പോൾ തെക്കൻ ചക്രവാളത്തിലായാണ് ഇതു കാണപ്പെടുന്നത്. ഗാമാ സീ എന്നത് ഒരു ഇരട്ടനക്ഷത്രമാണ്. 6.34 കാന്തികമാനമുള്ള ചുവന്ന ഭീമൻ നക്ഷത്രവും ഇതിലുണ്ട്. ഈ നക്ഷത്രഗണം പതിനെട്ടാം നൂറ്റാണ്ടിൽ നികൊളാസ് ലൂയി ദെ ലകലൈൽ ആണ് ഇതു കണ്ടെത്തിയത്. ഏറ്റവും ചെറിയ നക്ഷത്രഗണങ്ങളിൽ എട്ടാം സ്ഥാനമാണ് ഇതിനുള്ളത്.
ചരിത്രം
[തിരുത്തുക]പതിനെട്ടാം നൂറ്റാണ്ടിലെ ഫ്രഞ്ച് ജ്യോതിഃശാസ്ത്രജ്ഞനായ നിക്കോളാസ് ലൂയി ദെ ലക്കലൈൽ ആണ് വാസി എന്ന ഈ നക്ഷത്രരാശിയെ കുറിച്ച് പ്രദിപാതിക്കുന്നത്. ഇദ്ദേഹം തെക്കുഭാഗത്തുള്ള പതിമൂന്നു നക്ഷത്രരാശികളെ കൂടി ഈ കാലത്തു തന്നെ അവതരിപ്പിച്ചിരുന്നു.[1] സീലം സ്കൾപ്ടോറിയം എന്നായിരുന്നു അദ്ദേഹം ഇതിനു നൽകിയ പേര്. ജോൺ ഹെർഷെൽ നിർദ്ദേശിച്ചതനുസരിച്ച് ഫ്രാൻസിസ് ബെയ്ലി പേര് സീലം എന്നാക്കി ചുരുക്കി.[2]
പ്രത്യേകതകൾ
[തിരുത്തുക]വാസിയുടെ തെക്കുഭാഗത്ത് ചിത്രലേഖ, സ്രാവ് എന്നീ നക്ഷത്രരാശികളും കിഴക്കുഭാഗത്ത് ഘടികാരം, യമുന എന്നിവയും വടക്ക് മുയലും പടിഞ്ഞാറ് കപോതവും ആണുള്ളത്. 125 ചതുരശ്ര ഡിഗ്രി ആകാശഭാഗത്താണ് ഈ രാശി സ്ഥിതി ചെയ്യുന്നത്. 88 ആധുനിക നക്ഷത്രരാശികളിൽ വലിപ്പം കൊണ്ട് 81-ാം സ്ഥാനമാണ് ഇതിനുള്ളത്. വടക്കെ രേഖാംശം 41°ക്ക് തെക്കുള്ളവർക്കു മാത്രമേ ഇതിനെ നിരീക്ഷിക്കുവാൻ സാധിക്കൂ.[3] നാലു നക്ഷത്രങ്ങളാണ് ഈ അസ്ട്രറിസത്തിന്റെ പ്രധാനഭാഗം. കാന്തിമാനം 6.5നു മുകളിലുള്ള 20 നക്ഷത്രങ്ങളാണുള്ളത്..[3]
12 വശങ്ങളുള്ള ഒരു ബഹുഭുജരൂപത്തിലാണ് ഇതിന്റെ അതിർത്തികൾ. യൂജീൻ ഡെൽപോർട്ട് എന്ന ബെൽജിയൻ ജ്യോതിഃശാസ്ത്രജ്ഞനാണ് അതിരുകൾ ക്രമീകരിച്ചത്. ഖഗോളരേഖാംശം 04മ. 19.5മി.നും 05മ. 05.1മി.നും അവനമനം -27.02°ക്കും 48.74°ക്കും ഇടയിലാണ് വാസിയുടെ സ്ഥാനം.[4] അന്താരാഷ്ട്ര ജ്യോതിശാസ്ത്ര സംഘടന 1922ൽ Cae എന്ന ചുരുക്കെഴുത്ത് അംഗീകരിച്ചു.[5]
നക്ഷത്രങ്ങൾ
[തിരുത്തുക]![](http://upload.wikimedia.org/wikipedia/commons/thumb/f/f4/Constellation_Caelum.jpg/300px-Constellation_Caelum.jpg)
വളരെ മങ്ങിയ നക്ഷത്രങ്ങളെ ഉൾക്കൊള്ളുന്ന ഒരു നക്ഷത്രരാശിയാണ് വാസി. കാന്തിമാനം 4ൽ കൂടുതലുള്ള നക്ഷത്രങ്ങളൊന്നും ഇതിലില്ല. കാന്തിമാനം 5ൽ കൂടുതലുള്ള രണ്ടു നക്ഷത്രങ്ങൾ മാത്രമേ ഉള്ളു. 1756ൽ ലക്കായിൽ 6 നക്ഷത്രങ്ങൾക്ക് ബെയറുടെ നാമകരണ സമ്പ്രദായം അനുസരിച്ച് ആൽഫ (α ) മുതൽ സീറ്റ (ζ ) വരെയുള്ള പേരുകൾ നൽകി.[6]
ഇതിലെ ഏറ്റവും തിളക്കം കൂടിയ ആൽഫാ സീലി ഒരു ഇരട്ട നക്ഷത്രമാണ്. ഇതിൽ 4.45 കാന്തിമാനമുള്ള ഒരു മുഖ്യധാരാ നക്ഷത്രവും കാന്തിമാനം 12.5 ഉള്ള ഒരു ചുവപ്പുകുള്ളൻ നക്ഷത്രവുമാണുള്ളത്. ഭൂമിയിൽ നിന്നും 65.8 പ്രകാശവർഷം അകലെയാണ് ഇത് സ്ഥിതി ചെയ്യുന്നത്.[7][8] മറ്റൊരു പ്രധാന നക്ഷത്രമായ ബീറ്റാ സീലിയുടെ കാന്തിമാനം 5.05 ആണ്. ഭൂമിയിൽ നിന്നും 93.5 പ്രകാശവർഷം അകലെയാണ് ഇതിന്റെ സ്ഥാനം. ഭൂമിയിൽ നിന്നും 700 പ്രകാശവർഷം അകലെ കിടക്കുന്ന ഡെൽറ്റാ സീലിയുടെ കാന്തിമാനവും 5.05 തന്നെയാണ്.[9]
ഗാമാ സീലിയും ഇരട്ട നക്ഷത്രമാണ്. ഇതിലെ പ്രധാന നക്ഷത്രമായ ചുവപ്പുഭീമന്റെ കാന്തിമാനം 4.58ഉം രണ്ടാമത്തേതിന്റേത് 8.1ഉം ആണ്. ചുവപ്പു ഭീമൻ ഭൂമിയിൽ നിന്നും 181.3 പ്രകാശവർഷം അകലെയാണ്.[10] എക്സ് സീലി ഡെൽറ്റാ സ്ക്കൂട്ടി വിഭാഗത്തിൽ പെടുന്ന ഒരു ചരനക്ഷത്രമാണ്. ഭൂമിയിൽ നിന്നും 320.7 പ്രകാശവർഷം അകലെയാണ് ഇത് സ്ഥിതി ചെയ്യുന്നത്.[11] ഇത് യഥാർത്ഥത്തിൽ പരസ്പരം തൊട്ടു കിടക്കുന്ന രണ്ടു നക്ഷത്രങ്ങളാണ്. പരസ്പരം പ്രദക്ഷിണം ചെയ്യുന്നതുകൊണ്ട് ഇതിന്റെ തിളക്കം ആറു മണിക്കൂർ ഇടവിട്ട് കൂടുകയും കുറയുകയും ചെയ്യുന്നുണ്ട്.[12][13] വാസിയിൽ നഗ്നനേത്രങ്ങൾ കൊണ്ടു കാണാൻ കഴിയുന്ന മറ്റൊരു ചരനക്ഷത്രമാണ് ആർ വി സീലി. ഇതിന്റെ കാന്തിമാനം 6.44 മുതൽ 6.56 വരെയാണ്.[14][15]
നു സീലി മറ്റൊരു ഇരട്ട നക്ഷത്രമാണ്.[16] കാന്തിമാനം 6.07 ഉള്ള ഒരു വെള്ള ഭീമൻ നക്ഷത്രവും കാന്തിമാനം 10.66 ഉള്ള മറ്റൊരു നക്ഷത്രവും ചേർന്നതാണ് ഇത്.[16][17] ഇത് ഭൂമിയിൽ നിന്നും ഏകദേശം 171.4 പ്രകാശവർഷം അകലെയാണ് സ്ഥിതി ചെയ്യുന്നത്. 740 പ്രകാശവർഷം അകലെ കിടക്കുന്ന ലാംഡ സീലിയുടെ കാന്തിമാനം 6.36 ആണ്.[18] ഇത് ഒരു ചുവപ്പു ഭീമൻ നക്ഷത്രമാണ്.[19] സീറ്റാ സീലിയും മങ്ങിയ നക്ഷത്രമാണ്. ഇതിന്റെ കാന്തിമാനം 6.36 ആണ്. ഭൂമിയിൽ നിന്നും 430 പ്രകാശവർഷം അകലെ കിടക്കുന്ന ഇതിന്റെ സ്പെക്ട്രൽ തരം K1 ആണ്.[20]
വാസിയിൽ ഭൂമിയോട് ഏറ്റവും അടുത്ത് കിടക്കുന്ന നക്ഷത്രം ആർ ആർ സീലി ആണ്. 65.7 പ്രകാശവർഷം ആണ് ഭൂമിയിൽ നിന്നും ഇതിലേക്കുള്ള ദൂരം.[21] ഇതിൽ മങ്ങിയ ഒരു ചുവപ്പുകുള്ളനും ഒരു വെളുത്ത കുള്ളനും ആണുള്ളത്.[22] 2012ൽ ഈ നക്ഷത്രവ്യവസ്ഥയെ ചുറ്റുന്ന ഭീമൻ ഗ്രഹത്തെ കണ്ടെത്തുകയുണ്ടായി.[23]
വിദൂരാകാശവസ്തുക്കൾ
[തിരുത്തുക]മെസ്സിയർ വസ്തുക്കളുടെ അഭാവം കൊണ്ട് ശ്രദ്ധിക്കപ്പെടേണ്ട രാശിയാണ് വാസി. എച്ച് ഇ 0450-2958 എന്ന സീഫെർട്ട് ഗാലക്സിയും പിഎൻ ജി243-37.1 എന്ന ഗ്രഹ നീഹാരികയും മാത്രമാണ് ഇതിൽ കണ്ടെത്തിയിട്ടുള്ളത്.[24]
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
അവലംബം
[തിരുത്തുക]- ↑ Ridpath, Ian. "Lacaille". Star Tales. self-published. Retrieved 3 May 2014.
- ↑ Ridpath, Ian. "Caelum". Star Tales. self-published. Retrieved 3 May 2014.
- ↑ 3.0 3.1 Ridpath, Ian. "Constellations: Andromeda–Indus". Star Tales. self-published. Retrieved 1 April 2014.
- ↑ "Caelum, Constellation Boundary". The Constellations. International Astronomical Union. Retrieved 14 January 2014.
- ↑ Russell, H. N. (1922). "The New International Symbols for the Constellations". Popular Astronomy. 30: 469–71. Bibcode:1922PA.....30..469R.
- ↑ Wagman, Morton (2003). Lost Stars: Lost, Missing, and Troublesome Stars from the Catalogues of Johannes Bayer, Nicholas Louis de Lacaille, John Flamsteed, and Sundry Others. Blacksburg, VA: The McDonald & Woodward Publishing Company. pp. 58–59. ISBN 978-0-939923-78-6.
- ↑ "* Alpha Caeli – Star in double system". SIMBAD. Retrieved 13 January 2013.
- ↑ "GJ 174.1 B – Flare star". SIMBAD. Retrieved 13 January 2013.
- ↑ "* Delta Caeli – Star". SIMBAD. Retrieved 13 January 2013.
- ↑ "* Gamma Caeli – Star". SIMBAD. Retrieved 13 January 2013.
- ↑ "V* X Caeli – Variable Star of Delta Scuti type". SIMBAD. Retrieved 13 January 2013.
- ↑ Templeton, M. (16 July 2010). "Delta Scuti and the Delta Scuti Variables". AAVSO Website. American Association of Variable Star Observers. Retrieved 2 February 2014.
- ↑ X., V. S.; Patrick, W. (4 January 2010). "X Caeli". AAVSO Website. American Association of Variable Star Observers. Retrieved 28 March 2014.
- ↑ "V* RV Caeli – Pulsating variable Star". SIMBAD. Retrieved 17 January 2013.
- ↑ X., V. S. (25 August 2009). "RV Caeli". AAVSO Website. American Association of Variable Star Observers. Retrieved 3 February 2014.
- ↑ 16.0 16.1 Ashland Astronomy Studio: Where Art and Science Converge. "Nu Caeli (HIP 22488)". Archived from the original on 29 January 2014. Retrieved 15 January 2014.
- ↑ "CD-41 1593B – Star in double system". SIMBAD. Retrieved 15 January 2013.
- ↑ Ashland Astronomy Studio: Where Art and Science Converge. "Lambda Caeli (HIP 21998)". Archived from the original on 29 January 2014. Retrieved 15 January 2014.
- ↑ "HR 1518 – Star". SIMBAD. Retrieved 15 January 2013.
- ↑ "Zeta Caeli – Star". SIMBAD. Retrieved 15 January 2013.
- ↑ ഉദ്ധരിച്ചതിൽ പിഴവ്: അസാധുവായ
<ref>
ടാഗ്;RRSimbad
എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ Bruch, A.; Diaz, M. P. (1998). "The Eclipsing Precataclysmic Binary RR Caeli". The Astronomical Journal. 116 (2): 908. Bibcode:1998AJ....116..908B. doi:10.1086/300471.
- ↑ Qian, S. B.; Liu, L.; Zhu, L. Y.; Dai, Z. B.; Fernández Lajús, E.; Baume, G. L. (2012). "A circumbinary planet in orbit around the short-period white dwarf eclipsing binary RR Cae". Monthly Notices of the Royal Astronomical Society: Letters. 422 (1): L24–L27. arXiv:1201.4205. Bibcode:2012MNRAS.422L..24Q. doi:10.1111/j.1745-3933.2012.01228.x.
- ↑ Feain, I. J.; Papadopoulos, P. P.; Ekers, R. D.; Middelberg, E. (2007). "Dressing a Naked Quasar: Star Formation and Active Galactic Nucleus Feedback in HE 0450−2958". The Astrophysical Journal. 662 (2): 872. arXiv:astro-ph/0703101. Bibcode:2007ApJ...662..872F. doi:10.1086/518027.
മിരാൾ (Andromeda) • ശലഭശുണ്ഡം (Antlia) • സ്വർഗപതംഗം (Apus) • കുംഭം (Aquarius) • ഗരുഡൻ (Aquila) • പീഠം (Ara) • മേടം (Aries) • പ്രാജിത (Auriga) • അവ്വപുരുഷൻ (Boötes) • വാസി (Caelum) • കരഭം (Camelopardalis) • കർക്കടകം (Cancer) • വിശ്വകദ്രു (Canes Venatici) • ബൃഹച്ഛ്വാനം (Canis Major) • ലഘുലുബ്ധകൻ (Canis Minor) • മകരം (Capricornus) • ഓരായം (Carina) • കാശ്യപി (Cassiopeia) • മഹിഷാസുരൻ (Centaurus) • കൈകവസ് (Cepheus) • കേതവസ് (Cetus) • വേദാരം (Chamaeleon) • ചുരുളൻ (Circinus) • കപോതം (Columba) • സീതാവേണി (Coma Berenices) • ദക്ഷിണമകുടം (Corona Australis) • കിരീടമണ്ഡലം (Corona Borealis) • അത്തക്കാക്ക (Corvus) • ചഷകം (Crater) • തൃശങ്കു (Crux) • ജായര (Cygnus) • അവിട്ടം (Delphinus) • സ്രാവ് (Dorado) • വ്യാളം (Draco) • അശ്വമുഖം (Equuleus) • യമുന (Eridanus) • അഗ്നികുണ്ഡം (Fornax) • മിഥുനം (Gemini) • ബകം (Grus) • അഭിജിത്ത് (Hercules) • ഘടികാരം (Horologium) • ആയില്യൻ (Hydra) • ജലസർപ്പം (Hydrus) • സിന്ധു (Indus) • ഗൗളി (Lacerta) • ചിങ്ങം (Leo) • ചെറു ചിങ്ങം (Leo Minor) • മുയൽ (Lepus) • തുലാം (Libra) • വൃകം (Lupus) • കാട്ടുപൂച്ച (Lynx) • അയംഗിതി (Lyra) • മേശ (Mensa) • സൂക്ഷ്മദർശിനി (Microscopium) • ഏകശൃംഗാശ്വം (Monoceros) • മഷികം (Musca) • സമാന്തരികം (Norma) • വൃത്താഷ്ടകം (Octans) • സർപ്പധരൻ (Ophiuchus) • ശബരൻ (Orion) • മയിൽ (Pavo) • ഭാദ്രപദം (Pegasus) • വരാസവസ് (Perseus) • അറബിപക്ഷി (Phoenix) • ചിത്രലേഖ (Pictor) • മീനം (Pisces) • ദക്ഷിണമീനം (Piscis Austrinus) • അമരം (Puppis) • വടക്കുനോക്കിയന്ത്രം (Pyxis) • വല (Reticulum) • ശരം (Sagitta) • ധനു (Sagittarius) • വൃശ്ചികം (Scorpius) • ശില്പി (Sculptor) • പരിച (Scutum) • സർപ്പമണ്ഡലം (Serpens) • സെക്സ്റ്റന്റ് (Sextans) • ഇടവം (Taurus) • കുഴൽത്തലയൻ (Telescopium) • ത്രിഭുജം (Triangulum) • ദക്ഷിണ ത്രിഭുജം (Triangulum Australe) • സാരംഗം (Tucana) • സപ്തർഷിമണ്ഡലം (Ursa Major) • ലഘുബാലു (Ursa Minor) • കപ്പൽപ്പായ (Vela) • കന്നി (Virgo) • പതംഗമത്സ്യം (Volans) • ജംബുകൻ (Vulpecula) |