ഡെലവെയർ
യുണൈറ്റഡ് സ്റ്റേറ്റ്സിലെ മദ്ധ്യ അറ്റ്ലാന്റിക് പ്രദേശത്തെ അറ്റ്ലാന്റിക് തീരത്ത് സ്ഥിതി ചെയ്യുന്ന സംസ്ഥാനമാണ് ഡെലവെയർ. തോമസ് വെസ്റ്റ്, മൂന്നാം ബാരൺ, ഡെ ല വാർ എന്ന ബ്രിട്ടിഷ് പ്രഭുവിന്റെ ബഹ്മാനാർത്ഥമാണ് സംസ്ഥാനത്തിന് ഈ പേരിട്ടിരിക്കുന്നത്.
ഡെൽമാർവ ഉപദ്വീപിന്റെ കിഴക്കൻ ഭാഗത്താണ് ഈ സംസ്ഥാനം സ്ഥിതി ചെയ്യുന്നത്. അമേരിക്കൻ ഐക്യനാടുകളിലെ രണ്ടാമത്തെ ഏറ്റവും ചെറിയ സംസ്ഥാനമാണ് ഡെലവെയർ (റോഡ് ഐലൻഡ് ആണ് ഏറ്റവും ചെറുത്). ജനസംഖ്യയിൽ 45-ആം സ്ഥാനത്തുള്ള സംസ്ഥാനം എന്നാൽ ജനസാന്ദ്രതയിൽ ആറാം സ്ഥാനത്താണ്. ന്യൂകാസിൽ , കെന്റ്, സസെക്സ് എന്നിങ്ങനെ മൂന്ന് കൗണ്ടികളായി ഡെലവെയറിനെ വിഭാഗിച്ചിരിക്കുന്നു. ജനസംഖ്യയിലെ 60%-ഓളം ന്യൂകാസിൽ കൗണ്ടിയിലാണ്.
16-ആം നൂറ്റാണ്ടിൽ യൂറോപ്യന്മാർ എത്തുംമുമ്പ് പല ആദിമ ഗോത്രവർഗ്ഗങ്ങളും ഇവിടെ വസിച്ചിരുന്നു. വടക്ക് വസിച്ചിരുന്ന ലെനാപെ വർഗ്ഗവും തെക്ക് വസിച്ചിരുന്ന നാന്റികോക്ക് വർഗ്ഗവും ഇതിലുൾപ്പെടുന്നു. 1631-ൽ ഡച്ച് വ്യാപാരികളാണ് ഇവിടെ ആദ്യമായി കോളനി സ്ഥാപിച്ചത്. അമേരിക്കൻ വിപ്ലവത്തിൽ പങ്കെടുത്ത 13 സംസ്ഥാനങ്ങളിലൊന്നാണ്. 1787 ഡിസംബർ 17-ന് ഡെലവെയറാണ് അമേരിക്കൻ ഭരണഘടന ആദ്യമായി അംഗീകരിച്ചത്.
അവലംബം
[തിരുത്തുക]
| മുൻഗാമി ആദ്യ സംസ്ഥാനം
|
യു.എസ്. സംസ്ഥാനങ്ങൾ സംസ്ഥാനപദവി ലഭിച്ച ക്രമത്തിൽ 1787 ഡിസംബർ 7-ന് പ്രവേശനം നൽകി (ഒന്നാമത്തെ സംസ്ഥാനം) |
പിൻഗാമി |
|
അമേരിക്കൻ ഐക്യനാടുകളുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |