Шумска треперка

Шумска треперка
Заштитен статус
	; Незагрозен (МСЗП 3.1)
Научна класификација
Царство:	Животни
Колено:	Хордови
Класа:	Птици
Ред:	Врапчевидни
Семејство:	Тресиопашки
Род:	Anthus
Вид:	Шумска треперка
Научен назив
	Anthus trivialis; (Linnaeus, 1758)
	; Размножување A. t. haringtoni размножување на подвидот посетител зимување

Шумската треперка (науч. Anthus trivialis) е мала врапчевидна птица од семејството на тресиопашките (Motacillidae), родот на треперките (Anthus); која се размножува низ умерена Европа и Азија, и северозападна Африка. Ја има и во Македонија. Таа е птица преселница што зимува во тропска Африка и Азија.

Опис

Шумска треперка

Оваа мала треперка е слична на ливадската треперка. На земја е незабележлива заради нејзините бои, прошарани со кафеаво одозгора и црни ленти, бел стомак и кремави гради со потемни вертикални линии. Се разликува од ливадската по тоа што е малку поголема, по потешкиот клун и посилниот контраст меѓу кремавите гради и белиот стомак. Шумската треперка почесто се перчи на гранките од дрвјата. Повикот ѝ е силно спик. Песната при летот ѝ е непогрешлива. Птицата полетува на кратко растојание нагоре од дрвото, а потоа со вкочанети крилја полека се спушта надолу, кога песната со приближувањето станува сè поразвлечена.

Поведение

Живеалиштето на шумската треперка се шумите и грмушките. Претпочитаат пустари, или брезови шуми, со ниски грмушки, со треви и во близина да има потоци. Таа е птица преселница која се размножува од почетокот на мај до август, а се сели во Африка на почетокот од септември.

Гнезди на земја, во тревата и несе 4-8 јајца.

Се харанат со безрбетници кои ги пронаоѓаат пасејќи во тревата, но исто така, јадат и семиња.

Систематизација

Видот Anthus trivialis има 4 подвида:

A. t. haringtoni
A. t. schueteri
A. t. sibiricus
A. t. trivialis

Галерија

Cuculus canorus canorus + Anthus trivialis - Museum specimen
Anthus trivialis trivialis

Наводи

↑ BirdLife International (2012). „Anthus trivialis“. IUCN Red List. Version 2012.1. International Union for Conservation of Nature. Посетено на 16 July 2012.

Надворешни врски

Возраст и пол (PDF; 1.7 MB) by Javier Blasco-Zumeta & Gerd-Michael Heinze Архивирано на 3 октомври 2011 г.
Anthus trivialis на Avibase
Anthus trivialis на Flickr: Field Guide Birds of the World

[1] BirdLife International (2012). „Anthus trivialis“. IUCN Red List. Version 2012.1. International Union for Conservation of Nature. Посетено на 16 July 2012.

[1]