Хелдбург

За други истоимени места, погледајте Хелдбург (појаснување).

Хелдбург Heldburg
Градското собрание на Хелдбург Градското собрание на Хелдбург
Хелдбург
Управа
Земја	Германија
Покраина	Тирингија
Округ	Хилдбургхаузен
Општ. заед.	Хелдбургер Унтерланд
Градски единици	13
Градоначалник	Кристофер Отер (ДХС)
Основни податоци
Површина	112,75 км2
Надм. височина	288 м
Население	3.362 (31 декември 2022)
- Густина	30 жит/км2
Други информации
Часовен појас	CET/CEST (UTC+1/+2)
Рег. табл.	HBN
Пошт. бр.	98663
Повик. бр.	036871
Портал	stadt-heldburg.de
Местоположба на градот Хелдбург во рамките на округот Хилдбургхаузен
Карта
Координати	50°17′0″N 10°44′0″E

Хелдбург (германски: Heldburg) — мал град во округот Хилдбургхаузен, во сојузната покраина Тирингија, Германија. Градот бил создаден на 1 јануари 2019 година со спојување на поранешните општини Бад Колберг-Хелдбург, Гомпертсхаузен и Хелинген. Се наоѓа 16 километри јужно од окружниот град Хилдбургхаузен и 18 километри западно од градот Кобург.

Градот претставува административно седиште на општинската заедница Хелдбургер Унтерланд.

Географија

Местоположба

Хелдбург се наоѓа на реката Крек, притока на Родах, околу 20 километри оддалечен од Хилдбургхаузен (Тирингија) на север, Кобург (Горна Франконија) на исток и Бад Кенигсхофен (Долна Франконија) на запад. Поголеми градови во близина, по Кобург, се Бамберг, 45 км на југ и Швајнфурт 45 км на југозапад.

Градски единици

Градот Хелдбург е составен од следниве места:

• Албингсхаузен
• Бад Колберг
• Ајнед
• Гелерсхаузен
• Гомпертсхаузен
• Хелдбург
• Хелинген
• Холцхаузен
• Кеслиц
• Линденау
• Попенхаузен
• Рит
• Фелкерсхаузен
• Фолкмансхаузен

Соседни општини

Соседни општини се следниве (од север надесно): Вестхаузен, Штрауфхајн, Бад Родах, Умерштат, Зеслах, Маролдсвајсах, Швајкерсхаузен, Зулцдорф на Ледерхеке, Трапштат и Шлехтсарт.

Историја

Хелдбург бил првпат споменат во 837 година. Се наоѓа на подножјето на истоимената тврдина. Во 1993 година станал дел од општината Бад Колберг-Хелдбург.

Политика

Градски совет

На локалните избори на 26 мај 2019 година со излезност од 71% бил избран Градскиот совет на новиот град со следниве резултати:

Партија/Список	%	Места
CDU	47,7	9
FW/UB	45,5	8
BZH	3,6	1
BCI	3,2	0
Вкупно	100,0	18

Градоначалник

На локалните избори на 26 мај 2019 година бил избран Кристофер Отер (CDU).

Галерија

• 
  Тврдината Хелдбург
• 
  Долната порта
• 
  Градската црква
• 
  Хапахшес Хаус

Надворешни врски

• Официјална страница (германски)