Офира
Офира אופירה | |
---|---|
Израелско населено место (поранешно) | |
Држава | Египет |
Гувернат | Јужен Синај |
Население (1982) | |
• Вкупно | ок. 1,000 |
Офира (хебрејски: אופירה; арап. عوفيرا) ― египетско населено место кое претходно било израелска населба во областа Шарм ел Шеик на јужниот Синајскиот Полуостров, која е денешна египетска територија која била под израелска окупација од 1967 до 1982 година.[1] Офира била населена од 1969 година и требала да прими 500 семејства. Леталиште било отворено во 1976 година, денес познат како Меѓународен аеродром Шарм ел Шеик.
Името го добила по библискиот Офир, африканска земја во која било ископувано злато.[2]
Офира гледал на заливот кај Шарм ел-Маја и областа Несима. На шест километри северно во заливот Наама, Израел го изградил своето прво туристичко село.
За време на Јомкипурската војна, тоа било место на една воздушна битка,[3] каде што бил убиен полубратот на египетскиот претседател Анвар Садат, Атеф.[4]
Во пролетта 1982 година, Офира била испразнета бидејќи Синај бил вратен во Египет во согласност со Договорот од Кемп Дејвид што довело до мировен договор меѓу Египет и Израел. За разлика од Јамит, Офира не била урната. Наместо тоа, таа била дадена на Египет и населена со Египќани и продолжува да биде до денес.[се бара извор]
Наводи
[уреди | уреди извор]- ↑ The last class in Sinai
- ↑ I. Karpin, Michael (7 април 2021). „Imperfect Compromise A New Consensus Among Israelis and Palestinians“. Potomac Books.
- ↑ Aloni, Shlomo (25 февруари 2001). Arab-Israeli Air Wars 1947–1982. Osprey Publishing. стр. 96. ISBN 1-84176-294-6.
- ↑ Gawrych, стр. 81.