Онега (река)
Онега | |
---|---|
![]() Онега во Плесецкиот реон | |
Изворно име | Онега |
Местоположба | |
Земја | Русија |
Физички особености | |
Извор | |
• место | Лача |
• надм. вис. | 117 м |
Устие | Бело Море |
• координати | 63°56′00″N 37°59′27″E / 63.9332° СГШ; 37.9908° ИГД |
• надм. вис. | 0 м |
Должина | 416 км[1] |
Големина на сливот | 56.900 км2[1] |
Проток | |
• просечен | 505 м3/с[1] |
Особености на сливот |
![](http://upload.wikimedia.org/wikipedia/commons/thumb/f/fe/Onega2_mk.svg/230px-Onega2_mk.svg.png)
Онега (руски: Оне́га; фински: Äänisjoki) — река во Каргополскиот, Плесецкиот и Онешкиот реон на Арнахгелската област во Русија. Го поврзува езерото Лача со Онешкиот Залив во Белото Море југозападно од Архангелск, течејќи во северен правец. Изворот има истек од 74,1 м3/с, а во устието изнесува 505 м3/с. Реката е долга 416 км и има сливна површина од 56.900 км2. Главни притоки се Волошка (десна), Кена (лева), Моша (десна), Кодина (десна) и Кожа (лева). Најважна притока на езерото Лача е Свид.
Слив и течение
[уреди | уреди извор]Сливот на онега е трет по големина и одлив во Белото Море (зад Северна Двина и Мезењ). Заливот се протега по западот на Архенгелската област, северозападот на Вологодската област, како и помали делови на истокот на Република Карелија. Тука се најголемите езера во Архенгелската и Вологодската област како Воже, Лача, Љокшмозеро, Кенозеро, Ундозеро и Кожозеро, како и Кенозерскиот национален парк.
Целата долина на Онега е населена со исклучок на потегот меѓу Североонежск и Јарнема во Плесецкиот реон. На реката има два града — Каргопол близу изворот и Онега при устието. По средното течение има две паланки, една спроти друга — Осковски (десен брег) и Североонежск (лев брег). Потегот во должина од 155 км по долното течение, меѓу селата Городок и Порог, е пловен.[2] Остатокот од Онега има брзаци помеѓу Каргопол и Городок Kargopol и низводно од Порог (the name порог значи „брзак“).
Историја
[уреди | уреди извор]Името е поврзано со финското Енојоки, што значи главна река или поток.[3] Онешкиот слив има значајна културно-историска важност. Каргопол е еден од најстарите градови во северна Русија (основан во XII век), и до денес има голем број архитектонски и историски знаменитости. Во Ошевенск на левиот брег се наоѓал некогашниот Александро-ошевенски манастир. Друг историски важен манастир во сливот е Кожеозерскиот, сместен на остров во езерото Кожеозеро. Во овие краишта се среќаваат најизвонредните примери на северната дрвена архитектура и имаат потреба од конзервација бидејќи долго биле оставени на забот на времето.[4]
Природна околина
[уреди | уреди извор]Реката се двои на Голема и Мала Онега 75 км од нејзиниот естуар, но тие потоа се спојуваат, образувајќи голем рамен остров.
Замрзнува кон крајот октомври до почетокот на декември и почнува да се топи во април-мај. Порано се користела за пловење на дрвени трупци.[1]
Онега тече низ четинарски шуми (тајга од смрча, бор и ариш), претежно меѓу мочуришта.
Мостови
[уреди | уреди извор]Преку реката постојат само четири моста: еден патен мост во Каргопол на патот за Њандома, друг патен мост во селото Сорокинскаја на патот од Каргопол за Плесецк и Емецк, еден патно-железнички мост помеѓу Оксовски и Североонежск, и еден железнички мост во Порог на пругата од Архангелск за Беломорск. На другите места реката се преминува скелиња.
Поврзано
[уреди | уреди извор]Наводи
[уреди | уреди извор]- ↑ 1,0 1,1 1,2 1,3 Онега (река в Архангельской области). Голема советска енциклопедија.
- ↑ Река Онега. Државен воден регистар на Русија. Посетено на 12 јуни 2011.
- ↑ Фасмер, Макс. Этимологический словарь Фасмера. стр. 464. Архивирано од изворникот на 4 април 2019. Посетено на 20 ноември 2011.
- ↑ Русское деревянное зодчество. Академия архитектуры СССР. 1942. Посетено на 6 јуни 2011.
Надворешни врски
[уреди | уреди извор]Онега (река) на Ризницата ?
- Река Онега. Државен воден регистар на Русија. (руски)
|