Национален парк Долна долина на Одра

Национален парк Долна долина на Одра
Национален парк Долна долина на Одра
	Nationalpark Unteres Odertal
	МСЗП — Категорија II (национален парк)
	Местоположба во Бранденбург
Место	Бранденбург, Германија
Најблизок град	Швет
Површина	Вкупно 165 км2; Германија 105 км2; Полска 60 км2
Воспоставен(а)	1997
Управно тело	Nationalparkverwaltung Unteres Odertal; Park 2; 16303 Швет

Меѓународниот парк Долна долина на Одра е природен резерват кој се протега во Германија и Полска. Се протега на западните брегови на реката Одра во рамките на округот Укермарк во германската сојузна покраина Бранденбург, како и стрмните источни брегови во Грифинскиот и Полицкиот округ во Западнопоморското Војводство понасевер.

Германскиот дел од областа е Националниот парк Долна долина на Одра (Nationalpark Unteres Odertal). Постои информативен центар во Кривен, градска единица во Швет. Полскиот дел од областа е „Пејзажен парк Долна долина на Одра“ (Park Krajobrazowy Dolina Dolnej Odry).

Областа зафаќа 165 км² (Германија 105 км², Полска 60 км²); заедно со блиските природни резервати во Германија и Полска, вкупната област е 1.172 км². Со одлука на германско-полскиот Совет за животна средина во 1992 министрите за животна средина на Германија, Полска и Бранденбург, како и војводата на Шчеќин го создале Меѓународниот парк Долна долина на Одра.

На рамниот западен брег на Одра постојат неколку насипи, кои имаат за цел контролирање на нивото на водата и заштитуваат од поплави кои обично се можни во текот на зимата и пролетта. Водата тече слободно низ широките подрачја за поплавување до април, кога повторно се затвораат браните, а преостанатата вода се исушува.

Фауна

Постои специјална заштитна област за птици.^[1] Овие површини се живеалишта на птиците црн штрк, водно шаварче и косац. Постојат и животни како видри и дабари.