Од Википедија — слободната енциклопедија
Пристаништето во Мурманск
Мурманск — пристаништен град и административен центар на Мурманската област во северозападниот дел на Русија и лежи на брегот на Колскиот Залив. Сместен е на 12 километри од Баренцовото Море, на северниот дел на Колскиот Полуостров, недалеку од границата на Русија со Норвешка и Финска. Има население од околу 310.000. И покрај стагнацијата и намалувањето на населението во градот, Мурманск останува најголем град северно од Северниот Поларник.