Леополд Стоковски
![](http://upload.wikimedia.org/wikipedia/commons/thumb/d/db/Leopold_Stokowski_LOC_26447u.jpg/200px-Leopold_Stokowski_LOC_26447u.jpg)
Леополд Антони Стоковски, полски: Leopold Anthony Stokowski (Лондон, 18 април 1882 - Хемшајр, 14 септември 1977) — британски диригент од полско потекло, пропагатор на современата музика, еден од најпознатите диригенти во светот.
Животопис
[уреди | уреди извор]Стоковски е роден во Лондон,[1] а музика студирал на Оксфорд и Кралскиот музички колеџ во Лондон. Најпрво свирел на оргули во Црквата на свети Бартоломеј во Њујорк, а како диригент првпат настапил во Париз, во 1908 година. На тој настап оставил многу добар впечаток кај критичарите и јавноста, по што брзо стигнал до местото диригент на симфонискиот оркестар во Синсинати. Во 1912 година добил понуда да го преземе Филаделфискиот симфониски оркестар. Овој оркестар го водел во наредните 25 години. Под негово раководство Филаделфискиот симфониски оркестар станал најдобар оркестар во Америка и еден од најпознатите во светот.
Последен пат јавно настапил во Венеција, во 1975 година, а потоа продолжил да снима во студио сè до 1977 година. Работел оркестарски транскрипции на композиции за оргули од Јохан Себастијан Бах. Починал во Хемпшир, Англија, на 13 септември 1977 година.[2]
Стил
[уреди | уреди извор]Стоковски од оркестарот извлекол еден сосема нов звук, познат како „Стоковски звук“, кој се состои од силен и богат звук на жичените инструменти, и со своите театрални и неверојатно точно пресметани движења на рацете го претворал во продорен звук на лимените инструменти, истовремено оставајќи впечаток на неверојатна хармонија и прецизност. По 1929 година диригирал без палка, па таквиот начин на диригирање со широки движења станал синоним за Стоковски. При настапите сакал да ја истакне својата фигура, па барал подигнат подијум за диригентот и експериментирал со осветлувањето, за да ја изрази својата сенка на ѕидовите, со што оставал подлабок впечаток.
Леополд Стоковски бил прв диригент кој почнал да ги освојува медиумите. Со него професијата диригент станала популарна, што подоцна ќе ја нагласи и Херберт фон Карајан. Стоковски се појавил во неколку филмови, како и во анимираниот филм на Волт Дизни, „Фантазија“.
Наводи
[уреди | уреди извор]- ↑ Simon Callow (23 September 2005). „He would fix the audience with his glinting eye...“. The Guardian. Посетено на 11 April 2007.
- ↑ Allen Hughes, "Leopold Stokowski Is Dead of a Heart Attack at 95", The New York Times, 14 September 1977.
Надворешни врски
[уреди | уреди извор]![]() |
„Леополд Стоковски“ на Ризницата ? |
- Leopold Stokowski papers, 1916-1994, Kislak Center for Special Collections, Rare Books and Manuscripts, University of Pennsylvania
- Leopold Stokowski Papers - Special Collections in Performing Arts at the University of Maryland
- Леополд Стоковски — AllMusic (англиски)
- Leopold Stokowski Discography
- Leopold Stokowski CD Discography
- František Sláma (musician) Archive Архивирано на 14 септември 2019 г.. More on the history of the Czech Philharmonic between the 1940s and the 1980s: Conductors
- Stokowski/Philadelphia Orchestra Discography and selected (RCA) Victor recordings, 1917-1940
|